ركن المرأة شباب على طول امنياتى جرائد وصحف

الأحد، يونيو 27، 2010

سمك .. لبن .. تمر صعيدى

  

  - مسطول حاضر عزاء واحدة حلوة
المقرئ قال
اذكروا محاسن موتاكم
قال المسطول
الله يرحمها كانت صاروخ!!

- صعيدى اشترى موبايل سامسونج
بعت رساله لخطيبته
متتصليش على النوكيا علشان بعته

- محشش قاعد عالشط شاف واحد بيغرق
كل ما يرفع ايده يقوله
عليكم السلام

- واحد بيشرح درس عن الحجاب وبعد ما خلص
قالت بنت: انا اقتنعت وهلبس العباية والنقاب
قالها: الله ينور عليكي ده مفتاح الجنة
بنت تانية قالت: بس انا بحب اطلع بالشورت والمايوه
قالها: الله ينور عليكي ده مفتاح شقتي

- واحد و مراته بيكرهوا بعض
مسافرين بالعربية
عدوا على مزرعة بقر قالها:
يقربولك دول؟
قالتله : أيوة أهل جوزى

- ابن هيفاء وهبى بيعيط فى الفصل سأله المدرس :
 ماالك قاله عاوز مامى
 قاله اقعد وانت ساكت ياحبيبى كلنا عاوزين امك
 وقاعدين ساكتين

- دليفرى بيسأل شيخ شغلتى حلال ولا حرام قاله انت مؤمن قاله لا كنتاكى

- صعيدى قاعد يمتحن جاله سؤال
ضع إن فى جمله كتب اشتريت تيلفون إن سبعين

- مدرسة روضة قالت لتلميذ
عد لخمسة و أديك بوسة ... راح قالها طب أعد لعشرة و نسهر سوا

- واحده مصريه سافرت اسرائيل
 ورجعت حامل قالت لجوزها ابسط ياعم جبتلك اسير يهودى

- اتنين مساطيل واحد بيقول للتانى
 هو لو خنتك مع مراتك نبقى نسايب قاله لا نبقى خالصين

- صعيدى روح لقى مراته نايمة مع واحد
 راح ساحب سكينة و راح يقتله
 لقى الراجل بيقوله استنى ... احنا الكاميرا الخفية
مات الصعيدى على روحه من الضحك و قال :
 مش ممكن يا جماعة دى خامس مرة تعملوها فيا و متذيعوهاش
- واحد غبي ركب العربية بالليل
 و لقى الدركسيون و الفرامل مسروقين ... فراح القسم وعمل محضر سرقة
 تانى يوم الصبح راح لاغى المحضر ليه؟؟؟؟؟؟؟؟
 إكتشف انه كان راكب ورا

- واحده قالت لجوزها بمناسبه  25 سنه على جوازنا ادبح خروفين
قالها وايه ذنب الخروفين فى غلطه
ارتكبها الحمار

- مره واحد عدى على واحد صاحبه بخيل اوى
 لقاه حاطط ايده على عين الشمال
 وبيبص بالتانيه
بيقوله مال عينك ؟ قالوا ما انا شايفك بواحده . اشغل التانيه ليه

- سواق قتل 60 واحد في حادثة
 لما سأله الظابط ليه قتلتهم؟
 قال له كنت ماشي وبعدين فجاة العجلة ضربت منى
ولقيت على يميني فرح وعلى شمالي راجلين ... ادخل في مين ؟
قاله الظابط ادخل في الراجلين.. قاله م انا دخلت في واحد
والتاني دخل الفرح 
 اسيبه ؟

- مره دكتور مجانين دخل على العيانين بتوعوا العنبر
لقاهم معلقين واحد مكان النجفه بيلفوا حوليه
 وبيغنوا النور جه النور جه
 ولقى مجنون قاعد ساكت لوحده
 فقله الدكتور انت مش فرحان زييهم بالنور ليه  ؟
قاله يادكتور طيب دوول مجانين حد يعمل كده برده
 قاله كويس يعني انت عاقل ؟؟  قاله طبعا
 قاله طيب ليه مش خليتهم ينزلوه
 رد عليه المجنون كده برده يا دكتور يعني ننزله ونقعد في الضلمه

- مرة جماعة راكبين عربية أجرة و مسافرين
 و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها

- بطيخه بتقول للخضار متخلوش البصل يجى هنا
علشان الناس بتطفش
البصل سمع الكلام فزعق وقال
تروح تشوف نفسها الصايعه
اى حد يطبطب عليها تروح معاه

- واحد بيقول لصاحبه عيب مراتك تحدفك بالشبشب واحنا قاعدين
قاله: بس بزمتك جه فيا؟

- واحد بخيل عنده اربع حيطان دهن واحده منهم باللون الاصفر 
والباقى كتب عليهم نفس اللون
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، يونيو 24، 2010

خمسين جنيه

طبعا كلنا عارفين الشباب الروش اليومين دول مش بيفضل
في جيبهم مليم احمر اخر اليوم
( طبعا زمن الملاليم خلص ) 
كمان مش بيفضل في رصيدهم قرش واحد حتي يدي بيه ميسد كول للمزه
( طبعا القرش مالهوش لازمه برضه )
اخويا  قرر انه يطلب من ماما فلوس علشان يشحن ولكن
للاسف بابا حالف علي ماما بالطلاق لو ادتله فلوس او حتي حولتله رصيد
يعمل ايه ... يعمل ايه   !!!
فكر و قرر انه يتصل بتيته علشان يطلب منها فلوس وكان يوم مطلعتلوش شمس
ودار بينهم الحوار ده
اخويا  : إزيك يا سيتى.
تيته : بنتى .. إيه بنتى دى يا قليل الأدب .
اخويا : يا ستى بقولك ازيك يا ستيييى .
تيته : أنت بتزعق ليه يا واد أنت ..  أنا بافتكر بتقول بنتى .
اخويا : بتفتكرى إيه !! هو أنتى يا ستي حتى بتفتكرى إسمك .
تيته : جسمك .. ماله جسمى يا قليل الأدب .
اخويا : يا ستى إرحمينى شويه بقي وشيلى الزلط اللى فى ودانك .
تيته : قدامك !؟ هو إيه اللى قدامى يا واد أنت .
اخويا : يوووووووووه يادى النيله .
تيته : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .
اخويا : يا حول الله يا رب هو حد جاب سيرة البليله يا ناس .
تيته : القلقاس !؟ أه بأحب القلقاس أهو كله نعمة ربنا .
اخويا : يا ستى ابوس ايديكي أرحميني أنا لا جيبت سيرة قلقاس ولا أناناس .
تيته : لأ لأ لأ عيب يا بنى ..عيب لما تجيب فى سيرة الناس .
اخويا : يا ستى هو أنا جيبت في سيرة حد .
تيته : أه يوم الحد كان إمبارح بس والنبى يا بنى ما أنا فاكره النهارده إيه!!؟
 يكونش النهاردة الجمعه يا واد .
اخويا : لا يا ستى النهارده الخميس .
تيته : البوليس!! وعايز منك أيه البوليس إنت عملت إيه يا منيل على عينك؟
اخويا : يييييه بقولك إيه يا ستى نفضى ودانك وطرطقيهم كده وإسمعينى .
تيته : رضعينى !! أرضعك إيه ياواد أما إنك قليل الأدب صحيح .
اخويا : يا ستى أنا إتفطمت من زمان الحمد لله بس عايز منك قرشين كده سلف .
تيته : علف !! إنت بتربى بهايم يا واد ؟؟
اخويا : يا ستى بقولك سلف !! سلفينى خمسين جنيه عايز أشحن التليفون .
تيته : كومبيليزون !! كومبيليزون إيه يا للى مش متربى .
اخويا : يا ستى حرام عليكى الرحمة حلوة برضه أبوس ايد اللى خلفوكى
عايز خمسين جنيه سلف علشان أشحن .
تيته : أشتم !! وكمان عايز تشتم يا قليل الأدب .
اخويا : بقى كده يا ستى طب ماشى خدي عندك بقا !! بقولك إيه يا ستى .
تيته : وظيفتى .. وظيفة إيه يا بنى أنا طالعه علي المعاش من زمان .
اخويا : رمان إنتى عايزه يا ستى تاكلى رمان .
تيته : أه نفسي في السمان .. هو فيه سمان دلوقتى يا بنى من بعد أنفلونزا الطيور .
اخويا : أه العبور !! أه ده كان سنة تلاته وسبعين .
تيته : سامعين ؟؟ سامعين إيه خير الله إما إجعله خير هو فيه حاجه .
اخويا : بتقولي ايه يا ستى ..عايزة قهوة سادة .
تيته : عياده ..عايز تودينى العيادة ليه يا بنى هو أنا عيانه .
اخويا : صقعانه .. صقعانه ليه بس يا ستى دا حتى الجو النهاردة حر .
تيته : كفالله الشر !! شر إيه يا بنى اللى بتقول عليه ده .
اخويا : بقولك إحنا على البررررر .
تيته : أه يابنى منا عارفه الخروف ليه فرو .. وبيبقي كمان تخين .
اخويا : أه إبنك حسين !!..ماله إبنك حسين .
تيته : العجل سمين !! أه هانجيب إن شاء الله في العيد عجل ندبحه ولازم يكون سمين .
اخويا : إيه يا ستي بتقولي ايه .. أسفين .. طب أسفين ليه !!
تيته : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .
اخويا : ياااااااااااااااااااااااه أخيرآ يا ستى الحمد لله .. هاتى بقى .
تيته : أجيب إيه ؟
اخويا : هاتى الخمسين جنيه !!
تيته : تحسين بيه .. تحسين بيه مين يا واد .
اخويا : يالهووووووووووووووووووووووووى


 
اقولكوا ايه الطم ولا تلطموا انتم!!!
بلاش الطم أنا
ههههههه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، يونيو 21، 2010

للرجااااااااال فقط الستااااااااات لا



اغلبيه نساء العالم بيتهموا أزواجهم بأنهم بيحبو الشغل أكثر منهم


فعملوا إستفتاء بين الرجال العاملين


وفاز به أحد الرجال.. ودى كانت أجابته على الاسئله

صريحه للغايه... وقااااااااال


أنا بالاصالة عن نفسي ونيابة عن الرجال اجمعين أعترف بأن هذا صحيح


صحيح 100%


صحيح ليه....بقى؟؟؟؟؟؟؟


لي أسبابي ومبرراتي التي اتمنى منكم التفكير فيها بعين العقل

والرأئفه بالرجااااااال


أولا


الشغل بيصرف عليّ ....


بس أنا اللي أصرف عليها!!!


ثانيا


في الشغل ممكن تزعق براحتك و زعيقك يجيب نتيجة...


لكن مع مراتك صعب أوى انك تزعق براحتك ومهما زعقت

 مش هيجيب نتيجة ابدا 


ثالثا


ممكن تزوغ من الشغل في أي وقت من غير ماحد ياخد باله

أو حد من الزملاء يغطيك


أنما تزوغ من مراتك .. هيهات ..أنسى ... كان غيرك اشطر

رابعا 


في الشغل عندك مدير ممكن ترضيه لو اشتغلت كويس ....


إنما مراتك لو عملت قرد .. أو أي حاجة مش ممكن ترضيها !!!


خامسا


في الشغل من حقك تاخد أجازه...عندك عارض واعتيادي


دا غير يوم الجمعة....والعطلات الرسمية.....بصراحة الشغل خفيف ع القلب.....


أنما مع مراتك...مش ممكن تاخد أجازه.....


بالعكس دانت لازم تلزق معها يوم إجازتك و إلا يبقى نهار اهلك مالوش ملامح.....!!!!


سادسا

في الشغل ممكن تترقى و تاخد منصب بيه....وباشا كمان


ويبقى لك مكتب لوحدك ...... و مراسل.....و سكرتيره خاصة ….


والكل يضرب لك تعظيم سلام....


إنما في ا لبيت ح تعيش زوج وتموت زوج......


واللقب الوحيد اللي ممكن تاخده لما تنادى عليك مراتك وتقولك.... يا بابا......


أو...... .يا حاج........... ولما تعجز... تقولك.....يا راجل يا بركه


سابعا


الشغل لو زهقت منه ممكن تسيبه بدون مشاكل..... وبسهوله ....


أنما مع مراتك......لو روحك طلعت.....

لازم تحط في بقك كوتش وتفكر مليون مره.....


في المحاكم والمؤخر و النفقة.. والعيال


ثامنا


في الشغل....لو سبته ....أو بلغت سن المعاش بتاخد مكافأة كبيره....


ومعاش...وحفله تكريم ....


أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......


وشقه كمان........ وتتحبس لو ما دفعتش


تاسعا


ممكن تغير شغلك وتتنقل لغيره لو لقيت شغل أحسن منه


في حين مراتك ماتقدرش تغيرها........


عاشرا

 في الشغل....متأمن عليك عشان لو حصل لك حاجه.......


انما بقى لو حصل لك حاجه.....مراتك هي اللي هاتقبض التأمين


في النهاية ....قوول بصراحه  ومن غير خوووف

بتحب مين أكتر...مراتك ولا شغلك ؟؟

خليك شجااااع ولو مره وااااحده

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الجمعة، يونيو 18، 2010

رومانسيه

- مرة واحد بيسأل مراته انتى بتحبينى اد ايه ؟
قالتله اد ما انت بتحبنى يا حبيبى 
 قالها وليه كده انا عملتلك حاجه لاسمح الله



- الزوجه اوعى تكدب عليا
 انا عرفت من قارئ الكف انك حاتسافر اسكندريه مع واحده شقرا
لا و الله ده انا مسافر طنطا و مع واحده سمرا



- واحد كريم اوى اتجوز واحدة كريمة اوى  خلفوا عيل اتبرعوا بيه لدار الايتام



 - مرة واحدة بترغى فى التليفون بالساعات فمرة اتكلمت ساعة واحدة بس
 فجوزها قالها خلصتى بسرعة لية قالتلة اصل النمرة طلعت غلط


- مرة واحدة بتخون جوزها فسمعتة طالع على السلم
فقالت اخبيك فين اخبيك فين
راحت مخبياة ورا التلفزيون فجوزها كان جايب سمك فقالها خدى
 جهزى السمك ده
 وراح فاتح التلفزيون يتفرج على المطش
الست جية تقولو ا اية دة ياراجل انتا جايبلى السمك صاحى
قالها امال انا اعمل اية كل ما الأهلى يجيب جون
 يطلع واحد من الجمهور
 يبوسنى ويرجع
تانى



 - واحدة بتقول لجوزها بعد ما نجح فى الانتخابات هاتلى هدية بقى 
انا عايزه غسالة عشان انت مش حتبقى فاضى



- واحد بيقول لصاحبه :امبار ح خليت مراتي تركع علي رجليها
قله صحبه ليه ؟
قاله كانت بتقولي اطلع من تحت السرير



- واحد راكب عربية هو مراته وسايق على 180
عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لا انت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كام اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالا... اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لا ...لما بيكون سكران بس



- مرة واحد بيسألوه ايه سر الرومانسية اللى انت فيها مع مراتك على طول؟؟
 قال لهم اصل احنا محافظين من زمان على عادة رائعة
 بنروح نتعشى فى مطعم رومانسى مرتين فى الأسبوع
 انا يوم التلات وهى يوم الخميس
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، يونيو 14، 2010

!!!! فى الجووووووون



- واحد كل ما يشوف متش كورة للفريق بتاعة
 الفريق بتاعة يخسر
 كل مرة على كدة  لحد ما فى يوم قرر انه ميتفرجش على كورة تانى
فكان فى يوم فى متش كورة للفريق بتاعة
 و الفريق بتاعة جاب جون
 جة يتفرج على الجون فى الاعادة الجون طلع كورنر



- سالوة جحا:عندك كام سنه؟
قالهم:40  سالوة بعد10سنين :عندك كام سنه ؟
 قالهم:40.سالوه اذاى بتقول ان عندك 40 سنه وانت قلت كدة من عشر سنين؟
قالهم:اصل كلمة الراجل واحدة


- مدرس عربى دخل الفصل قال النهارده حصة املاء ..
يا اولاد اكتبوا ورايا:
 ذهب حسام الى المصيف يوم الاربعاء..
راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس



- مره واحد راح يعزى فى واحد صحبه
 فهو ماشى فى الجنازه قابل بائع بطيخ فشترى واحده
 فالناس طول ماهيه ماشيه بتبوص للبطيخه وتقول كلنا لها
راح رادد عليهم وقال محدش واخد منها حاجه



- حان موعد اختبار المجانين
 فرسم الدكتور باب مقفول على الحائط واحد ركله والاخر بطحه وضحك الاخير
 فظن الدكتور أنه شفى
 فسألة عما يضحكه فقال له المجنون:المفتاح فى جيبى


- مرة واحد بيقول لمراته
اعملى محشى فقالت له ما بعرفش قلها ماليش دعوة
فراح الشغل ورجع لقى السفرة مليانة محشى قلها مين اللى عمله؟
 فقالت  معرفش
 فأشتكى للبواب، البواب رد وقاله الشقة ديه مسكونة 
 فقله  لاياعم أنا هروح شقة حلوان  فطلع الشقة لقى العفش محلول وهو نازل لقى أربع عفاريت بيغنوا   (( هنروح حلوان هنروح حلوان ))


- واحد غني بيتأتأ
 فراح رحله على حسابه مع اصحابه طول السكه قاعد يقول
“ن ن ن” لمل وصلوا قالهم” نسيت الفلوس” فرجعوا طول الطريق قاعد يقول
” ك ك ك” فلما وصلوا قالهم  كنت باضحك عليكم


- مرة واحد مسطول مروح البيت وبقالو ساعة مش عارف يفتح الباب
مراتة  بصتله من البلكونة بتقولو ارميلك المفتاح
 قالها لا
 المفتاح معاية ارميلى خرم الباب



- ظابط مسك واحد مسطول بالليل كان معاه حشيش
سأله انت بتشرب حشيش؟
قاله ايوه يا باشا، وبتاجر فيه كمان؟ 
 قاله ايوه ، تاني يوم اتعرض على النيابة سأله وكيل النيابة انت بتشرب حشيش؟
 قاله لا يا بيه،
 طب بتاجر فيه؟
 قاله لا يا بيه قاله ليه قلت للظابط كده؟
قاله كنت مسطول يا بيه


-اتنين مساطيل ركبوا اتوبيس بدورين
اللي فوق سأل اللي تحت انتوا ماشيين بسرعة كام؟
 قاله 80 و انتوا؟
 قاله لا إحنا السواق لسة ماجاش.


- مرة واحد بيروح بيتة كل يوم سكران قام من النوم الصبح وقال لمراتة
انتى يا ولية كل يوم تسيبى نور الحمام منور
 مراته ردت عليه اتنيل انت اللي كل يوم بتخش الثلاجة

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، يونيو 10، 2010

!!! اضحك من سكااااات


- مرة واحد بلديتنا راح البحرين راح خد معاه ميوهين


- اثنين أصحاب خارجين من الامتحان واحد بيقول للتاني
 انت عملت ايه
 قاله انا سيبت الورقة فاضية
 قاله وانت كمان عملت ايه
قاله اناكمان سيبت الورقة فاضية
قاله ياه كدا هيفتكروا ان احنا الاثنين غشين من بعض


- فرعونى حب واحدة قالها امون فيكى


- مره واحد بخيل قوى خبط فى حيطه اتعور جامد اوى وقعد ينزف
شافه واحد عسكرى قاله اشوفلك دكتور
 قاله لا شوفلى حد يشترى الدم اللى نازل دا


- مرة واحد خد زوجتة حديقة الحيوانات و صورها جنب قفص القرود
و علق الصورة فى الصالون و كتب تحت الصورة
هذه صورة زوجتى مع القرود
ملحوظه زوجتى الثالثه على اليمين




- واحد صعيدى جالس فى الباص معاة كيس سكر وكيس موز
يقشر الموز ويغمسة في السكر ويرمية من الشباك
يقشر الموز ويغمسة في السكر ويرمية من الشباك
شافة واحد قالة حرام عليك اللى بتعملة ده
قالة مالك أنت أنا مابحب الموز أبو سكر
 

- محشش سأل واحدة اسمك ايه؟
قالت لة : أسماء. قالها : يعني ما فيش اسم محدد!!
 

- واحدة وحشة أشترت برفان أبوها قال لها: ده رجالى
قالت له: هايبقى لاهما ولا ريحتهم


وكفايه كده انهارده


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الثلاثاء، يونيو 08، 2010

!!!! شوف واتعلم

فى ناس كتير رخمه
لو عايز تتعلم الرخامه تعالى وانا ح اقولك
 ازاي ترخم على الناس في المحلات


ادخل اى محل جزم ويسلام لو كان فية زباين اقعد استنى لحد مازبون
 يقلع جزمتة عشان يقيس
تقوم سادد منخيرك وتمسك بطنك وتقول اوف
وتعمل انك عايز ترجع وتقول
لصاحب المحل ماترش معطر ياعم اية الريحة دى
 هتلاقى الراجل الى بيقيس الجزمة وشة بقى
زى الطمطماية




كمان ادخل محل ملابس
وبردة يكون جوة زباين اقعد لحد ما واحد يقيس
 وهوا خارج اضحك وهقهق
اوى ويسلام لو وقعت على الارض من الضحك
وبصلة من فوق لتحت
 خلية يشك انة
 مسخرة



كمان ادخل اى محل واستنى
 اعمل اى حاجة لحد ما بنات يدخلوا
 طبعا صاحب المحل هيخلصلك الاول
عشان انت جى الاول
 قولة لا خلص المزمزيل الاول هتقولك شكرا
 والراجل هيقوك اوك
اول مايبدا معاها زعق اوى وقولة اية ياعم مش انا جى الاول
 ولا هيا كوسة ولا عشان بنت
يعنى سبحان الله يجدعان نموت نفسينا يعنى
عشان رجالة
وسيبة وامشى قبل مايكلم ولا كلمة


شوف واحد ماشى فى الشارع وعدى من جمبة
وامسك منخيرك
 وقول يخرب بيت الاكل اللي
بتاكلوه ده .. وبص له شوية بقرف وامشى فى حالك

بصوا بقى
انا اهووو علمتكوا اذاى ترخموا على الناس
بس اوعوا ترخموا عليا
دانا بحبكوا
بااى
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، يونيو 06، 2010

!!! هذه كانت النهايه


الاب كان مسافر فتره طويله 

 ولما رجع الاب من السفر لقا ابنه الصغير في استقباله في المطار...

فدار حوار بين الاب و الابن

- الأب: ايه اخباركو وحشتونى  ؟ عاملين ايه في غيابي؟

- الابن: لا اتطمن يا بابا  انت وحشتنى خالص كلو تمام بس حصلت حا جه بسيطه قوى

 وهي ان ايد المكنسه اتكسرت !

- الاب (مبتسم)  بسيطة اوى .. هيا اتكسرت ازاي؟

- الابن : ماانت عارف يا بابا البقره لو وقعت علي حاجه بتكسرها..

- الأب (مندهش )  البقرة !!! قصدك بقرتنا  بتاعتنا ؟؟؟؟

- الأبن: ايوه .. لما كانت بتجري بسرعه داست علي عصاية المكنسه

ف وقعت عليها كسرتها

- الأب : المهم البقرة ؟!.. حصلها حاجه؟؟

- الابن : ماتت  بس ..

- صرخ الأب : ماتت  ؟؟؟؟؟

- الابن: اه مسكينه .. كانت بتهرب من الحريقه ..

- الأب: حريقة  كمان ؟!! حريقة ايه؟؟

- الابن : اصل بيتنا اتحرق ..

- الأب ( بعصبيه وانهيار): بتقول ايييييييييه؟؟

 بيتنا اتحرق؟؟؟

واتحرق ازاااااااي؟؟؟

- الابن : اصل اخويا الكبير " الله يرحمو ".

- الأب (قاطعه في الكلام) : هو اخوك مات؟؟

- الابن : ايوه .. كان بيدخن ف وقعت السيجاره علي السجاده

ف ولع البيت ومات اخويا جوه..

- الأب ( منهار ): ومن امتي اخوك كان بيدخن؟؟؟

- الابن : اتعلم التدخين عشان ينسا الحزن ..

الأب : حزن ايه؟؟؟؟

- الابن : اصلو زعل اوى علي ماما

- الأب : ليه هيا مامتك مالها؟

- الابن : ماتت !!

 
(( وهنا كانت نهاية الاب ))

معلش اصلنا اضطرينا نضحى بالعيله كلها علشان الابن يعيش

هههههههه


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، يونيو 02، 2010

بجد بجد اضحك من قلبك


- شيطان ندل عزم اصحابة الشياطين على العشاء
دخلهم الاوضة وقفل عليهم
وراح مشغلهم قرأن



- واحد رخم بيصلي وسمع إتنين بيمدحوا صلاته راح قاطع الصلاة وقالهم: وكمان صايم



- مرة واحد مسطول مسك الفرخة من زمارة رقبتها وقال لها كل يوم بيض
كل يوم بيض
مفيش جبنه



- واحد غبى حبيتين عينوه مدير ملجأ أيتام
 اول قرار اخده اجتماع
 لأولياء الامور



- واحد عنده مزرعة فراخ وكانت فاشلة جدا راح لمهندس زراعي وقاله:
 أنا مش عارف أزرع الفراخ
 زرعتها من رجليها
مطرحتش
زرعتها من جناحها
مطرحتش
زرعتها من دماغها
 مطرحتش
 المهندس قاله: روح هاتلي عينه من الأرض



- ترزي متجوز واحدة قصيرة فكلها التنية



- واحد عنده كتكوت مفترس
 كل ما يدخله قفص الفراخ يروح الكتكوت واكلهم  وفي قفص القرود ياكلهم
 وفي قفص القطط ياكلهم
  راح راميه في الصحرا
 صعب عليه الكتكوت وراح يشوفه بعد تلات أيام  لقى الكتكوت مرمي عالأرض والنسور بتحوم حواليه  الراجل قاله :
 يا حبيبي إنت مت ؟
 قام الكتكوت وقال له : يخرب بيتك بوظت الكمين



- واحد بيقول لمراته
انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل ... عسل



- واحد باشا دار عليه الزمن
 وافتقر حب يشتغل
 إشتغل بياع فجل وجرجير طول النهار واقف فى السوق ولابس طربوش وبينادي:
 فجل يا حوش .. جرجير يا كلاب



- اتنين مساطيل واحد سال التاني هو النهارده السبت و لا الحد قاله الاتنين
قال ماشاءالله
 هما بقو سوا
- واحد دلوع أوى ابوه جبله شريط اسلامي عشان ينصلح حاله

تاني يوم الاب رجع البيت لقى ابنه متحجب




- واحده ست اشتركت فى من سيربح المليون
جوزها طلقها
عشان اتصلت بصديق




- مرة واحد سافر الكويت
لقى الاسامى بوحمد و بو فهد و بو محمد
و بو فيراس
راح سمى نفسه بوكيمون




- واحد كهربائى..ابنه سخن ركبله ترانس


- كان في واحد شكله وحش قوي قوي قوي
عايز يتجوز
فراح واتقدم لواحده
فبيقول لأبوها :
انا يا عمي بلا فخر عملت نفسي بنفسي
قاله:ما انا برضه بقول استحاله تكون خلقه ربنا




- واحد مسطول راح صيدلية يشترى جبنة


حاول الصيدلى يفهمه ان مفيش جبنه بتتباع هنا وشويه و مسطول تاني جه
فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى
ادينى بنص جنيه لانشون


- مرة واحد ميكانيكى دخل فرح نقط زيت

- عربجى كارو دخل فرح قال رفصنى ياجدع


- فكهانى دخل فرح رقص عشره بلدى و عشره بسره


- واحد قال نكتة قديمة طلع تراب من بقة


- واحد حب يصطاد ارنب قلد له صوت الجزر


- واحد سباك سايب رسالة على التليفون
يقول
اترك اسمك وعنوانك
بعد سماع صوت السيفون



- واحد حانوتي فتح محل فاكهة
قام كتب يافطة المـوز علينا حـق




- اتنين مساطيل واقفين مستنيين الاوتوبيس
فالاول بيسأل :
هنعرف الاتوبيس ازاى
التاني قاله:
بسيطه اللى هيجى يقف هنا يبقى اتوبيس
قاله طب والكومسارى قاله:
بسيطه اللي حيحط ايده على كتفك يبقى الكومسارى ندفعله الاجره
فجه الاتوبيس ركبوا
جه واحد حط ايده عليهم فطلعوله الاجره
وبيدوهاله فقالهم :
انا مش الكومسارى انا ضابط بحريه
قاله : شوفت شورتك المنيله ادينا ركبنا باخره




- ثلاثه بيحششوا فى مزرعه طب عليهم البوليس استخبوا فى تلات أشوله
جه الظابط شاط الشوال الاول برجله
قام الحشاش الاول عمل نفسه بط و قعد يكاكى
راح الظابط سابه وراح عالشوال التانى
و شاطه قام الحشاش اللى جوه قعد يأدن
ويقلد صوت الديك
الظابط سابه و راح عالشوال التالت
برضه شاطه برجله الحشاش التالت متكلمشى..شاطه تانى بس بالجامد
برضه متكلمش .. شاطه تالت
طلعله الحشاش يقوله بطاطس بطاطس انت مبتفهمش




- مره واحد مسطول بيصطاد سمك بالحشيش طلعتله سمكه بتقول : انا تمساااااااااح




- مرة واحد حشاش لما قبض مرتبة راح البيت وقعد يقسم المرتب 100 ايجار
100 مصروف بيت
200 حشيش
وفجاة
وهو قاعد سمع خبط على الباب فقال مين
رد علية اللى برة قاله بوليس فراح مقطع ال200 جنية بتوع الحشيش





يارب يارب تكونوا ضحكتوا من
قلبكم

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

القالب صمم بواسطة
 نرحب بكل الأفكار والمقترحات التجارية