ركن المرأة شباب على طول امنياتى جرائد وصحف

الخميس، سبتمبر 30، 2010

هرش دمااااااااغ 2



حبايبى وأصحابى

أهرش .. أهرش

ده الجزء الثانى

من هررررش دماااااااغ

عايزاكم تعقدوا تفكروا كويس فى الحل

وح أنتظر أجابتكم إلى حين عودتى

من اللقاء السكندرى المرمرى 

الذى تحدد موعده

يوم السبت القادم

ادعولى ربنا يسهل طريقى

وارجع بالسلامه لشريك حياتى ولبناتى

لحسن دى أول مره ح ابعد عنهم

أصل أختكم بتغرق فى شبر ميه

وأنا ح اخلى فى اشراف على التعليقات

علشان محدش يغش من زميله

نبدأ بقى الاسئله ونسمى

باسم الله



1- ما هو الشئ الذي إذا أكلته كاملا لا يحصل لك شيئ وإذا أكلت نصفه تموت ؟


2- من هي أصغر الدولة العربية ؟


3- ما هي الفاكهة التي إذا قلبت أحرفها لا يتغير إسمها ؟


4- سلطان حكم جميع بلاد العالم من غير جيوش او مساعدين اذا غضب ضرب الراس ؟


5- احمر احمراني اريوله خيزراني يذكر الله و لا يصوم رمضان ؟


6- اين يقع البحر الذي ليس فيه ماء ؟


7- مرة فى واحد عايز يطحن دقيق وفية بحيرة امامة ماذا يفعل وهو ماعندش قارب  ؟


8- ما هو الشئ مهما خدت منه ما ينقص ؟


9- حامل ومحمول لى نصف ناشف ونصف مبلول فمن اكون ؟


10- ما اخر العالم ؟


11- ما هو شى يرفق دائما ما تكلمش معك ؟


12- ماهو الشئ الذي تأخد منه بوسة فتسقط ملابسه ؟


13- ما هو الشي الي عندك ولكن صوته في الوادي ؟


14- شي يخصك ويستعمله الناس أكتر منك ؟


15- ماالذى يشبه نصف القمر ؟


16- ما هو الشيء الذي كلما زاد نقص  ؟


17- ما هو الشى الذى يدخل الماء ولا يبتل ؟


18- ماهو الشى الذى امامك دايما ولا تستطيع ان تراها ؟


19- ما هما العددان المتتاليان اللذان يكون حاصل جمعهما 11 وحاصل ضربهما ثلاثين  ؟


20- خالك وإبن عمتك في نفس الوقت ؟


21- شئ له جلد وماهو بحيوان وله ورق وماهو بنبات؟


22-ماهو الشئ  الذي يجري كالماء وفي وسطه باء ويسكن على الاوراق ....؟

بالتوفيق ان شاء الله




أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، سبتمبر 25، 2010

عايز تضحك ؟؟؟ تعالى



 
لو عايز تغير دمك .. بدم جديد
 تعالى
أضحك  معانا ومع ابتسامات
ومع الضحكه دعوه إلى


وياريت تسامحونى لعدم الرد على تعليقاتكم
لحسن اختكم مزنوقه قوى اليومين دول
أنتوا عارفين أيام الدراسه
وقرافها
لكن ماقدرش ابداً أبعد عنكم يا أجمل صحبه
وأجمل مدونين

- غلبان راح يشترى ب جنيه لحمه فرد عليه الجزار مفيش بجنيه لحمه لح عليه فاعطاه
قطعه معجبتش الراجل
الجزار قاله متجي تشترينى احسن قاله انا مش جاى اشترى عجل

- مره واحد مسطول واقف قدام الظابط وهو بيقوله ازاي تخبط الراجل ده بالعربيه قاله
مانا قولتله وسع وسع وهو مرديش
روحت داخل فيه
فسأل الظابط التاني وقاله ليه ماوسعتش
قالي ياباشا
انا حاولت بس انا كنت قاعد في الدكانه

- مره واحد بيقول لواحد صاحبه: اسكت مش انا حماتى ماتت امبارح..قاله لا حول الله يا رب..
ماتت ازاى الست دى
قاله وانا واقف معاها فى البلكونه
 وقعت من الدور الخامس... قاله لا حول الله يا رب
دى موته وحشه أوى
قاله لأ.. ماهى ماوقعتش على الارض... قاله امال ماتت ازاى
قاله وقعت على سلك الكهرباء... قاله يا ساتر يارب دى موته وحشه أوى.. ماتت متكهربه
قاله لأ يا عم.. ماهى الكهرباء كانت مقطوعه... قاله امال ماتت ازاى بس
قاله اصل السلك نطرها في حمام السباحه...
قاله لا اله الا الله ماتت غرقانه
قاله بس يا عم اعوذ بالله...
ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى...
 قاله امال انت بتقول ماتت ازاى
قاله ما انا لما ما لقيتش فايدة رحت خانقها بالإيشارب

- مره كتكوت معلق سلسله على هيئه امليت راح صاحبه ساله ايه الصوره دى قاله
دى صوره اخويا الشهيد

- دكتور اسنان دخل خناقة حشوه

مجموعة دول تبرعت للصومال بشحنة ادوية ، فرجعتها الصومال كلها ليه ؟
 لانها كلها بعد الاكل .

- واحد صعيدى غبى بيموت بيموت فبيقولوله انطق الشهادة بسرعه قاللهم
 (دبلوم صنايع) 
- مره واحد صعيدى خبتطه عربيه
 فخد تعويض 50 الف جنيه راح وقف قدام القطر وقاله خش يا ابو الملايين
- واحد بلدياتنا وقع من الدور العاشر
مسكين جاله صداع
-واحدة ست راحت تخطب لولدها فسألتها العروسة
هو بيدخن؟ قالتلها لما بيكون سكران  بس
- واحد عربجى دخل فرح قال..رفصنى يا جدع
-تلاثه محششين وقفوا تاكسي ..
 سواق التاكسي لاحظ انهم محششين قام مشغل العربيه
 و طفاها تاني ....
و قالهم : احنا وصلنا
الاول : اداله الاجره......
التاني: قاله شكرا
التالت : لف ناحية السواق و اداله ع افاه
السواق افتكر ان التالت فهم الملعوب
لكن اتفاجئ لماقاله : المره الجايه
ماتبقاش تمشي بسرعه



وبعد ما ضحكنا

ليكم دعوه عندى لزياره


ياللا قدامى على المكتبه

خد فكره وتعالى جرج بكره

امووووواه

باااااااااااااااااااااااااى



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، سبتمبر 18، 2010

وحشتونى و ياللا نضحك



وحشتونى  .. وحشتونى .. وحشتونى
بقالى كتير قوى قوى مش ضحكت معاكم
قولت كفايه بقى وأجى أرطب على قلبكم وأرطب على قلبى معاكوا
معلش سامحونى الفتره اللى فاتت كانت فتره عصيبه جدا للغايه بالنسبه ليا
وبالمناسبه دى باشكر كل اللى دعالى من قلبه علشان تمر الازمه بسلام
وبشكر الحب الجميل اللى وقفت جنبى فى ازمتى
بشكركم كلكم يا أجمل صحبه وأجمل أصدقاء
وبشكر كل اللى سأل عنى وحب يطمن عليا
ربنا ما يحرمنى منكم أبدا
وكل سنه وانتوا طيبين بمناسبه بدء العام الدراسى ... 
خلاص أيام العز والهنااااااااا خلصت ورجعنا للقرف من تانى
 مدارس ودروس  وياااااااااااااااااى
 حاجه مزعجه ومتعبه ومرهقه وسامحونى لو غبت عليكم
لكن مقدرش ابعد عنكم  ابدااااااااااا
كفايه بقى رغى كتيررررررر وتعالوا نضحك مع بعض

 بيقولك


- مره واحد صعيدى سافر فرنسا فعاكس واحد قلتله سوفاج قالها لا سوهااج

- أيوه يا بابا ماما في القسم , ليه يا أبني ؟؟
عشان قضيه صفيه علشان اختي زهره وأزواجها الخمسه
ليه؟
لأنها جابت لنا العار ولما شافتني قالت لي حرمت يا بابا أنا كنت ملكه في المنفي اتعرفت علي امرأه في ورطه وقالت لي عفوا مازلت انسه وكانت عايشه في مملكه الجبل وعاشت أجمل قصه حب وقالت لي عايزه أتجوز من كابتن عفت لكن عرفت سر اختفاء ...سعيد مهران من جريده... نص أنا ونص هو
و جوز ماما كان عايش بره الدنيا وكان نايم علي ريش نعام لأنه كان همام شيخ العرب و هو ... أغلي من حياتي
 
- مرة فار ماشى مع خطيبته فى الغابة وفجاة لاقى الاسد الامريكي فحب يعمل
راجل قدام خطيبته فراح للاسد قاله: انت يا حيوان
 الاسد رد قاله: انت بتشتمنى انا ؟؟
 رد الفار وقاله: ايوة بقلك انت و مشى الفار وراح وصل خطيبته
لبيتها وهو راجع قابله الاسد قالوا : انت كنت بتشتمنى انا يا فار؟؟ قالوا:
... لا والله دا انت ملك الغابة هو حد ي...قدر يشتمك؟؟
أنا بس كنت بعمل شويتين كدا قدام البت .. انا اسف وهات راسك
ابوسها طلع الفار على راسوا عشان يبوسها فلقى خطيبتوا معديه فقال للاسد: هتسكت ولا ادوس على راس امك دلوقتي ؟
 
 
- واحد راح للدكتور و قاله "كل منطقة في جسمي بتوجعني يا دكتور " كشف الدكتور عليه مفيش حاجة
سأله الدكتور تاني "فين المنطقة اللي بتوجعك"، قاله "هنا و هنا و هنا" و هو
بيشاور بصباعه في كل مكان و قاله "بص يا دكتور حتي راسك بتوجعني" فاكتشف
الدكتور إن صباع المريض مكسور

  - واحد غبي بيشتغل نجار ... وهوا شغال وقع منه مسمار ع الارض ... راح باصصله وقاله تعاال , ماردش عليه , قاله يامسمار ربنا يهديك تعال ... ماردش ... راح رامي عليه باقي علبه المسامير وقالهم ... هاتولي الكلب ده

- واحد بيقول لابوه مش هروح المدرسه تانى , قاله ليه ياحبيبي ؟
الولد قاله المدرس بيقول عليا غبى ومابفهمش ...
 ابوه قاله هاجى معاك واشوف الموضوع , سأل المدرس انت بتقول على ابنى
غبى ليه ان شاء الله ؟
 قاله هثبتلك انه غبى , راح المدرس قال للواد انزل شوفني فى مكتب
المدير وتعال
 راح الولد وجه وقاله انتا مش تحت يا استاذ راح ابوه قاله والله... ؟
 طب انزل شوفه فى الحوش
 
- واحد فشار اوي بيحكي لاحفاده ويقولهم : زمان وانا شباب كنت في الغابه ... طلعلي اسد كبير اوي ومفترس اوي قالي يا اما اكلك يا اغتصبك ... قالوله ها ياجدو وعملت ايه ؟ قالهم خليته ياكلني طبعا ... انتو مفكرين الشرف لعبه ؟


اتمنى تكونوا ضحكتوا من قلبكم

ذى ما أنا ضحكت من قلبى

وبادعوكم لزياره


والدعوه دى باقدمها لكل عشاق تعلم

وصفات الطبخ من أشهر الشيفات

 
  اقعدوا بالعافيه


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، سبتمبر 06، 2010

اجازه من الصعايده بلا دوشه دماغ



- مذيعة ماشية في الشارع سئلت واحد زمالكاوي وقالتة
انت في برنامج اهداء تحب تهدي اية
ولمين قالها بمناسبة قرب انتهاء شهر رمضان احب اهدي لكل الاهلاوية اغنية
والله لسا (بدري ) ( بدري ) يا شهر الصيام
 

- حكمه بدوي: الوقت كالتيس إن لم تربطه نطحك


- محشش يقول لزميله عيني من امبارح حمرا ومش أقدر امشي
 قال إذا بقية خضرا أمش


- أثنين محششين فوق برج العرب، واحد منهم قال:
 اذا وقعت كماخد قد ايه لاوصل الأرض؟
قال الثاني: ثلاث أيام.. 
قال: تفتكر أموت ؟ قال: طبعا بتموت ثلاث أيام لا أكل ولاشرب!!
 

- المدرس: زملائك في المدرسة اشتكوك ... لماذا؟
التلميذ: كنت فقط أعلمهم درس في الحساب.
المدرس: كيف؟ التلميذ: جمعتهم ثم ضربتهم ثم طرحتهم أرضاً
 
 
- مدرس سأل طلاب: اللي يحس إنه غبي يوقف؟
 وقف واحد فقاله المدرس: انت حاس إنك غبي؟
 قال:لا بس قلت عيب اخليك واقف وحدك !
 

- واحد عنده ولدين و يشك بزوجته إنه واحد منهم مش ولده .
سأل حكيم فقال له : روح للبر وارسم دائرة ونام جواها أنت والأولاد
وإذا صحيت ... الولد اللي داخل الدائرة هو ولدك واللي برا هو ابن الحرام ...
لما قام الصبح لقى نفسه مع اولاده برا الدائرة ...
قال لهم : قوموا قوموا الظاهر إنها خربانة من أيام جدكم


- محشش يسأل أخوه : أنت ليه أصلع ؟ قالو : من الزمن
 قالو : مترحش  تحلق عنده تانى


- محشش طلبت المحكمة منه أي شي يثبت ملكيته للبيت
 قام جاب لهم صورته وهو بيمسح البلاط 
 

- محشش بيقول لأخوه : تخيل تقوم الصبح وتلاقي نفسك ميت ؟
 قالو : والله لأنجن‌
 

- محشش تاه من أمه في السوق راح سأل واحد وقاله :
 ما شفتش وحدة تمشي أنا ماشي معها ؟؟‌
 

- مره دكتور ومحامي وصيدلي قاعدين في مركب
 الدكتور سال المركبي قاله
تعرف حاجه عن الطب قاله لا
 قاله فاتك نص عمرك
 المحامي ساله قاله تعرف حاجه عن المحاماه قاله لا
 قاله فاتك نص عمرك
 الصيدلي قاله تعرف حاجه عن الصيدله قاله لا
قاله فاتك نص عمرك
المركب راحت اتقلبت المركبي سالهم تعرفوا حاجه عن
السباحه قالو لا قالهم فاتكم عمركم كله
 

- مرة واحد فافي راح يشتغل عند بتاع فول وفلافل فراح الراجل قاله تعرف تعمل
فول قاله لا قاله طب فلافل قاله لا
 قال امال انت جاي تشتغل ايه قاله لما انت تحط الفلافل فى الزيت اقول تشششششش .
 

- مـسـطـول بيقـول احـسـن خمـس اشـياء فـى الدنيـا همـا ثـلاثـة :
النــوم , والاكــل !!
 

- حط البخيل أمواله تحت حجر و كتب عليه : هنا لا يوجد نقود
فشاهد جاره الحجر فأخذ المال و كتب له :
جارك لم يأخذ شيئا
 

- صعيدي مراته حامل خلفت بنت الساعة 3 با الليل راح قتلها
مراته سألته ليه كده
 قالها ما عندي بنات تيجي اخر الليل


اتمنى تكون ابتساماتى انهارده عجبتكم
وبادعوكم لزياره مكتبه الفيديو
 


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

القالب صمم بواسطة
 نرحب بكل الأفكار والمقترحات التجارية