ركن المرأة شباب على طول امنياتى جرائد وصحف

الأحد، أكتوبر 10، 2010

فاشل يعنى فاشل



هيهيهيهيه

أنا جيييييييييييت

ورجعت من تانى علشان أضحك معاكوا


إيه ده ..


مش سامعه حد يعنى قالى حمد الله بالسلامه


ياجماعه مش كنت مسافره علشان أحضر لقاء المدونين


واللى حسبته لقيته


كنت خايفه انى اتمرمط والحمد لله اتمرمط يعنى اتمرمط


وحوست حوسه ما يعلم بيها اللى ربنا


بس عزائى الوحيد أن اليوم مر بسلام


وكان يوم جميل فعلا


شفت فيه أجمل صحبه وأجمل مدونين


ناس محترمه جداً وذوق وأخلاق وشباب ذى الورد


ربنا يحافظ عليهم


ده غير البنت المجرمه حبيبه قلبى

 الحب الجميل

اللى تعبتها قوى معايا


وأتحملت كتير وسهرت الليل كله علشان تطمن عليا


بعد ما فاتنى القطر بسبب تغيير الساعه


وأطريت آخد القطر اللى بعده


ومهما قولت الف كلمه شكر مش كفايه عليها


ربنا يسعدها ويبارك فى حياتها


مش ح أحكى عن يوم اللقاء ولا حتى أذكر أسماء


لان كتير من اللى حضروا اللقاء كتبوا

بما فيه الكفايه


وبالنسبه لاسماء المدونين ومدوناتهم


حتلاقوها فى شباب على طول


وتعالوا بقى نضحك و نشوف أنسان فاشل يعنى فاشل


ونشوف ايه اللى فشل فيه بالظبط




 

ضرب البلطجى باب القهوه برجلة فوقف جميع

الموجودين فى القهوه خايفن من البلطجى إلا شاب

واحد بس كان قاعد وهو شاردالذهن

ينظر إلى كوبايه الشاى اللى قدامه


فاتجه اليه البلطجى وآخذ كوب الشاى اللى


أمام الشاب وشربه مرة واحدة ثم رمى الكوب فارغا

وقال للشاب أدفع أنت بقة ثمن الشاى


بكى الشاب بحرقه

البلطجى:بتعيط عشان خمسين قرش يا عيل

وعامل لى راجل


الشاب:أنا بعيط عشان ماليش بخت فى الدنيا دى كل

ماروح شغلانه أفشل فيها ويطردنى صاحب الشغل


أشتغلت قهوجى وقعت الشاى والطلبات على الزباين

أشتغلت مكوجى حرقت هدوم الزباين


أشتغلت محاسب فى شركة طلعت شركة نصب


والبوليس قفلها


سافرت السعودية طلع العقد مضروب ورجعت ترحيل


رحت العراق حصل الغزو وراحت فلوسى ورجعت ماشى


بصراحة أنا أنسان فاشل فى كل حاجة أعملها


البلطجى : ياة دا أنت فاشل خالص


الشاب :أمال لوعرفت اللى حصل الفتره اللى فات


كنت رايح شغلانه جديدة فصحيت الصبح متأخر


فنزلت بسرعه وركبت عربية جارنا اللى حاططها

 قدام البيت ورحت الشغل برضة متاخر


فطردنى صاحب الشغل لاستهتارى بمواعيد العمل


فخرجت من الشركة فاكتشفت أن حرامى سرق العربيه


فاتهمنى جارنا بسرقة العربيه


وقبضوا عليا وأتسجنت 6 شهور

ولسه خارج النهاردة


حتى الانتحار فشلت فيه


البلطجى : ازاى؟


الشاب : رحت للبقال وأشتريت منه أقوى سم قاتل

وجيت القهوة وحطيت السم فى الشاى عشان


أشربه وأموت واخلص من حياتى فجيت أنت وشربت

الشاى بتاعى اللى فية السم


ههههههههههههه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

50 التعليقات:

عمرو يسرى يقول...

هههههههههههههههههههههههههه
ههههههههههههه
فاشل درجه اولى
هههههههههههههههههههه

عمرو يسرى يقول...

حمدالله على السلامه
كان نفسى ابقى معاكوا على اشوفك بس يالا المره الجايه
حمد الله على السلامه

عمرو يسرى يقول...

بما انى اخد اول وتانى تعليق اخد التالت هديه

عمرو يسرى يقول...

معلش بلعب قبل الزحمه
ههههههههه

أنا - الريس يقول...

هع هع هع
هق هق هق

احب اقوله مسااااااااااء الخير
يا معلمين
وصباحية زي العسل .
وليلنا ميت فووووووووول و14 + 1 = 15 يعني كيلو الطاطم بتمن كليو تفاح امريكان من بتوع استغفر الله العظيم

ويبدو ان اثار الإرهاق بدأت تطغي .

يلا تصبحي علي خير

همسات وبحــ الحياه ــر يقول...

ههههههههههههه

عثل عثل عثل

واحشانى كتييير
وانا مفروسة انى مجتش بس تتعوض

همسات وبحــ الحياه ــر يقول...

فينك يااستاذه دموع القمر قاعده مستنياكى هههه ونشرة ام برقوق

Haytham Alsayes يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


لا بجد جامدة جدا

جايدا العزيزي يقول...

اولا حمدالله على السلامه يااحلى مرمر

انا قولتها كتير

وكنت عايزة اطمن عليكوا كاسرتى

ههههههههههههههههه

بس النكت عجبتنى

فاشل ازاى بقى

ده ربك رب قلوب

لسه ليه عمر فى الدنيا

ههههههههههههههه

وحشانى

تحياتى

ذئب الظلام يقول...

الحمد الله على السلامة لعودتك
روووووووووعة اعشق مواضيع التي تضحك القلب تسلم ايدك

باحث عن حب يقول...

حمدا لله على سلامتك
ومعلش بتحصل كتير
فاشل
ياه
ملهوش
حل
ههههههههه
عثل
يا مرمر

لــــ زهــــــراء ــــولا يقول...

مـــرمــــر السكر

ده الاسنس بتاع الفشل
يعنى يعملوا منه ازايز صغيره للفشل البيوووووووووووووووور


حمد لله على السلامه نورتى يا قمرايه
تشرفتى بلقائك والكلام معاكى


زهراء

ويكا يقول...

هههههههههه

يعنى هو يوم ما الحياه تظبط معاه تظبط على قفى حد تانى .ههههه

حمدلله على السلامه ياباشا

وعودا احمدواااااااااااا

انا اسف الفتره اللى فاتت دى كنت مقصر معاكى ، بس زى ما انتى عارفه كنت فى اجازه والله نفسيه ، وشارفت خلاص على الانتهاء اهه.

سلام

Ramy يقول...

حمد الله ع السلامة يا استاذة (:


كويس أن اليوم عجبك

و الله دا انا اللى فرحان انى شفت ناس كتير بأعزها

بس تعرفى انا كنت حاسس ان البلطجى هيموت قلبى دليلى

ههههههههههه

حمد الله ع السلامة

غير معرف يقول...

مرمر حبيبت قلبى
صباحك فل
وحشانى كتير
احنا اخوات يا قمر .. عيب مش تقولى كدا
اى نعم انتى سهرتينى بس كله عشان عيونك يا قمر ومش هيجى جنب تعبك انك تيجى اليكس وتشوفينا وحماسك للقاء
وان جيتى للحق فى ناس تانيه تعبت اكتررررررر منى
هههههههههههه
وانتى عارفه ......
ربنا يخليكى يارب
اما بالنسبه للنكت فجامده جداااااااا
هههههههههههههههه
ربنا يخليكى وترسمى الضحكه على وشناااا
بحببببببببببك كتير

شهرزاد يقول...

حمدا لله على سلامتك
وحشتينا والله
لما تعوزي تسافري مرة ثانيه
ابقي
خلي نكت على جنب علشان تنشريها وانت غايبه
دي ضحكاتك وحشتنه
كالعادة نكتك جامده
ربنا يخليك دايما مبدعة نكت وفرفشة
تحياتي

مرام يقول...

ههههههه

حمدالله على السلامه

Tears يقول...

جميل اوى يا مرمر :))))


حمدلله على سلامتك و عقبال كل مرة تروحى تستمتعى فيها و ترجعى بالسلامة

Carmen يقول...

جميل يامرمر ^_^ تسلم ايدك ياقمر

Tarkieb يقول...

حمد الله بالسلامه::::نصيبه بقى...يجيب سم تاني ويموت جماعة ههههههه

لــــ زهــــــراء ــــولا يقول...

ههههههههههههههههههههههههههههههههههه
دا محظووووووووووووووووووووووظ كان زمانه في خبر كان ومكناش لحقنا نعرف منه الحكاية
لولا

Unknown يقول...

ههههههههههههههه^_^ عثل عثل يا مرمر وحشتينى موت ياقلبي يا بختكو وكان نفسي اكون معاكو

ليس فقيرا من يحب يقول...

ههههههههههههههههههههههههههه





سحوووورة حبيبتى بجد باحبك اووووووووى اوووووووووووووووووى ودخلتى قلبى بدون استئذان
وحسه كانى اعرفك من زمان اووووووووووووووووووى
ربنا يسعدك ويفرحك بولادك انتى قمر بجد وجدعنه الدنيا كلها فيكى
يارب يسعدكم يارب
واشوفك دايما فى الافراح

Noha Saleh يقول...

حمدالله على السلامة يامرمر
بجد ضحكتنى اوى القصة
ده فاشل فاشل فاشل
بس المهم انه خلص الناس من البلطجى من غير قصد:)
يارب تكونوا انبسطوا فى اسكندرية

BNT ELISLAM يقول...

ههههههههههههههههههههههه

هههههههههههههههههههههه
فاشا فاشل ياعنى
هههههههههههههه وذنبه ايه البلطجى
اكيد ذنبه انه غبى ملوش رؤيه فى ناس وافتكر الشاب قوى وبيستفزه
هههههههههههههههههههه
جميله اوى يامرمر

rack-yourminds يقول...

حمد الله علي السلامه
وحقيقة نفس ظروفي تسمح واحضر مره اخري لقاء للمدونين

__________

قصه ظريقه مع انه البطل صعب علي شكله معجون بالفشل هههه

mrmr يقول...

عمروووووو

ههههههههه فاشل درجه اولى وثانيه وثالثه والى مالا نهايه ههههههه

الله يسلمك

خيرها فى غيرها نتمنى اللقاء الجاى نتعرف على شخصك الكريم


ومبروووووووك عليك التعليق الثالث الهديه هههههه

mrmr يقول...

ريسنا الهمام
اطال الله بقائك

كيلو الطماطم يا مفترى خليته يفط وينط من 10 الى 15 حرااااااام الناس مش ناقصه يا خويا
وبالرغم من ذلك ليلتنا ونهارنا 100 فل و 50 ياللا شالله ما حد حوش
ديما منورنى يا ريس

mrmr يقول...

همسات بحر الحياه

انت كمان وحشانى

ولا تتفرسى ولا حاجه يا قمر باذن الله الجايات اكثر من الريحات

كان نفسى بجد اشوفك يا قمر

ودموع القمر انا مقدرش ابدا مش اكون متواجده فريره تلاقينى عندك

mrmr يقول...

جايدا

حبيبه قلبى

الله يسلمك يا قمر

انا والاسره بخير شاكرين ربنا كتير

انما على الفاشل فده من وجه نظره
لكن ربنا كاتبله عمر جديد

قبلاتى عزيزتى

mrmr يقول...

هيثم

منورنى يا باشا

ربنا يسعد اوقاتك

mrmr يقول...

ذئب الظلام

الله يسلمك

كما تعشق انت الابتسامه فانا اعشق كل ما هو غريب ومرعب لاجل ذلك دئما احب اتواجد بمدونتك

ربنا يسعدك

mrmr يقول...

محمود

الله يسلمك يا اخى العزيز السوهاجى

بلدياتى يا ناااااااس

الله يعسل اهلك يا محمود كان بودى نتشرف بيك ونشوفك لكن ملحوقه لقاءات اخرى باذن الله

ربنا يكرمك

mrmr يقول...

الى اجمل زهراء

القلب الطيب الحنين

الوجه البشوش الضاحك

الابتسامه الجميله المرسومه ولا ميت فنان

انا سعيده انى شفتك واتشرفت بيكى يا قمر

اما عن الاسنس فخدى من ده كتير عند شباب اليومين دووول بس ندعيلهم ربنا يكرمهم

منورانى وسعيده بتواجدك فى مدونتى

mrmr يقول...

ويكا ويكا

اهلا بيك يا ابو البشوات

ولا مقصر ولا حاجه يا باشا احنا بس نحب نطمن عليك طول ما انت بخير يبقى نشكر ربنا المهم تنجز المهام الوظيفيه بتاعتك على اكمل وجه واحنا فى انتظارك فلا تتطول الغيبه

ربنا يساعدك ويحافظ عليك

mrmr يقول...

رامى ... رامى

لا تشرب من الدواء الذى اقدمت على طلبه فالدواء فيه سم قاتل

ههههههههههههههه

الله يسلمك

انا سعيده بجد انى شفتك كان يوم جميل حقا وملئ بالسعاده والضحك

ربنا يجمعنا مره تانيه فى الخير ديما يارب

قلبك دليلك اهووووو البلطجى مات

البقاء لله

هههههه

ربنا يسعدك ويريح قلبك

ويجمع شملك انت وملاكك يارب

mrmr يقول...

حبى الجميل

صباحك قشطه

انتى تستحقى كل تقدير وحب واحترام ربنا يسعدك ويباركلك فى اسرتك
ويعوض تعب محبتك خير

بموت فيكى يا مجرمه

قبلاتى

mrmr يقول...

شهر زاد الحبيبه

الله يسلمك يا قمر شكرا على محبتك

اطمنى ما فيش سفر خالص ايام الدراسه كفايه كده دى اول مره اصلا اسافر وابعد عن بيتى وبناتى

ربنا يسعدك يا اجمل شهر زاد

mrmr يقول...

مرام

الله يسلمك يا قمر

وشكرا للزياره

المدونه نورت بوجودك

mrmr يقول...

تيريز

الله يسلمك يا غاليتى

نتمنى المره الجايه نلتقى باذنك يارب

ونستمتع كلنا سوا

ربنا يبارك حياتك

mrmr يقول...

كريمان

الاجمل زيارتك يا قمر

ربنا يسعدك

mrmr يقول...

تراكيبووووووووو

الله يسلمك

ما خلاص بقى هى شغلانه لسه ح يتعب نفسه ويجيب سم
انا بقول يرمى نفسه فى النيل افضل
خلينا نخلص منه هههههههههه

ديما منورنى يا ابو التراكييييييييب

mrmr يقول...

لولا

نصيبنا بقى علشان نعرف قصته

هههههههه

منورا يا اجمل لولا

mrmr يقول...

منه

انتى كمان بتوحشينى يا قمر

انا كان بجد نفسى اشوفكم كلكم يا اجمل صحبه واجمل مدونين ربنا يجمعنا فى لقاء قريب باذن الله

mrmr يقول...

رانيا

حبيبه قلبى يا مجرمه اللى اقتحمتى قلبى كده فجاتا وحشتينى يا غاليتى
انا بموووت فيكى يا قمر
كفايه روحك الجميله وقلبك الطيب وهدوئك العجيب

ربنا يسعدك يا قلبى ويفرحك واشوف عدلك باذن الله

قبلات واحضان بقى
امووووووواه

mrmr يقول...

نهى

البلطجى كان مسيره يوم وينتهى لكن نقول ايه نصيبه علشان الفاشل حياته لسه فيها باقيه

فعلا انبسطنا قوى فى لقاء السكندرى المرمرى ونتمى نشوفك فى لقاءات اخرى باذنك يارب

ربنا يفرح قلبك

mrmr يقول...

بنت الاسلام

حمد الله بسلامتك

وحشتينى يا قمر

يارب يسعد اوقاتك ويفرح قلبك

mrmr يقول...

rack-yourminds

الله يسلمك

باذن الله يسمح وقت حضرتك وتحضر معانا لقاءات اخرى

ربنا يسعدك

وشكرا للزياره

eng_semsem يقول...

كويس انه فشل في الانتحار والا ما كناش هنسمع منك الكلام العسل ده ونضحك من القلب وربنا يستر وما نتجهش للنتحار لاني حاسس ان ده الحاجه الوحيده اللي ممكن ربنا يوفقني فيها

mrmr يقول...

eng_semsem

أ / اسامه

اصله ذى القطط بسبع ارواح
علشان كده ما صدق والبلطجى مات وه جرى عليا يحكيلى قصته
هههههههههه

نورت المدونه

القالب صمم بواسطة
 نرحب بكل الأفكار والمقترحات التجارية