ركن المرأة شباب على طول امنياتى جرائد وصحف

الثلاثاء، يناير 11، 2011

عدنا من جديد


صباح الفل والجمال
على أجمل أصحاب وأجمل مدونين
وحشتونى .. وحشتونى .. وحشتونى
وحشتوا عيونى وحشتنى ليالى زمااان
أهلا .. أهلا .. أهلا
بأعز الحبايب
أهلا
طبعا عارفين أن دى أغنيه ورده
أنا بهديها لكل حبايبى وكل أصحابى
وكل متابعى أبتسامات
لانكم فعلا وحشتونى وبقالى كتير بعيد عنكوا
الفتره اللى فاتت مرت علينا
بحلوها ومرها
ومرها كان أكثر من حلوها
بصراحه مش ح أخبى عليكوا مرها كان
علقم فى حلقى لكن نشكر ربنا كتير
لانه صالح ولانى مؤمنه
أن كل الاشياء تعمل معاً للخير
للذين يحبون الله
وأنا خلاص ناويه أرمى الحزن وراء ظهرى 
وأرجع أبتسم وأضحك
 وعايزاكم ترموا الحزن معايا
كفايه كده بجد ...
 تعالوا نتصالح مع أنفسنا
ونتفائل شويه ونقول لنفسنا
اللى جاى باذن الله ح يكون أجمل وأحسن
 وربنا يرحم موتنا جميعاً
ويعطينا الآخره الصالحه
ويمكن سبب رجوعى للتدوين يرجع لـ مارو
( قلب قطه )
 لان ردها على تعليقى فى البوست بتاعها
هو اللى شجعتنى أنى
ارجع وأضحك وأفتكر دعوتى ليكوا
( دعوه للضحك من القلب )
يمكن تكون ابتسماتى انهارده مش كلها جديدة
لكن ممكن تضحكنا
ياللا بينا نضحك


  
- اثنين مساطيل قاعدين مع بعضواحد بيقوله انا حلمت انى سافرت اوروبا والتانى قالو انا حلمت انى اتجوزت راح الاول قاله ومعزمتنيش قاله سآلت عليكـ لقيتك مسافر

- واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد
و يقلب بنزلة شعبية حادة تاخد أجلك
من فضلك فكها..بسرعة ارجوك
افففف..وادي زراير القميص خلاص فكتها..
دا كان يوم إيه المهبب ده ها أي اوامر تانية؟
أيوه قلعني بقه القميص
يا سيدي عييب..مايصحش كده
 دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي
 أنا كان إيه إللي جابني من الشارع ده..
وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري
 بالأرقام من 1 إلي 40
يا صبر أيوووب..بقه إنت معطلني كل ده
 علشان تلعبني سيجه على قفاك؟!
 بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي
في المربع رقم 33


- واحد ماشي في الشارع بيقول منك لله يا محسن منك لله يا محسن شافه مخبر اخده علي القسم الضابط قاله ده مشكلته ايه المخبر قاله ده مصيبته سودا
مش عارف اسم رئيس جمهوريتنا 


- مرة واحد ركب دش فوق السطح
 فعلشان ماحدش يقرب منه من السكان
 بنى حواليه كوخ وقفله
وقال للسكان انا حاطط أسد في الكوخ ده
 محدش يقرب منه أحسنله 
 السكان فضلوا خايفين يطلعوا السطح
لحد مايوم الشجيع بتاعهم
 طلع وراح فاتح الكوخ
راح نازل جري ووشه أصفر
السكان قالولوه شوفت أيه ، قالهم لأ أنا
شوفت الطبق اللي بياكل فيه بس


- محشش راح يكشف على اسنانه عند الدكتور قاله الدكتور لازمك تقويم
قاله المحشش هجري ولا ميلادي


- مره عيل بيسال ابوه
 هيا الانسانيه اتوجدت ازاي؟
قالو احنا اصلنا من ادم وحوا
راح لامة وسألها
 هيه الانسانيه اتوجدت ازاي؟
قلتلو احنا كنا قرود واتطورنا ...
 رجع لابوه يقلو هوه انا اسالك تقلي ادم وحوا واسال امي تقلي كنا قرود واتطورنا؟
قالو يابني انا بكلمك عن اهلي
مليش دعوه باهل أمك


- حشاش بتمدحه خطيبته وتقول له:
 أنت بطل شجاع وفارس الفرسان.
قالها:طب تعرفى كمان
إني كنت شهيد في حرب 73


- دخل امريكي مطعما وعلق معطفه
ووضع عليه ورقة كتب فيها
هذا المعطف خاص ببطل الملاكمة
 وسيعود بعد عشر دقائق
ولما عاد لم يجد المعطف وشاف مكانه ورقة مكتوب فيها
اخذ المعطف بطل الجري ولن يعود ابدا......!


- وحدة سالت زوجها :
أيه اكتر حاجه بتحبها فيه ؟؟؟
وجهي الجميل او جسمي الرشيق ؟؟؟
زوجها بص عليها من تحت لفوق
وقاللها :خيالك الواسع


- تلاته خرجوا فى رحلة سفر..
واحد مصري
 والتاني صومالي
والتالت أمريكاني..
دخلوا كهف وناموا
وصحيوا بعد 300سنة!..
كل واحد فيهم قام رجع بلدة..
الصومالي شغل الراديو سمع:
 (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع:
 (سيدافع الجيش الأمريكي عن البلاد لآخر جندي!)
المصري شغل الراديو سمع: (...إخترناه..وبايعناه...وعشان كده احنا اخترنااااااااااااااااه!

أتمنى فعلا أكون قدرت ارسم الابتسامه
بالتوفيق باذن الله
أقعدوا بالعافيه ،،،،


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

54 التعليقات:

غير معرف يقول...

وااااااااااااو

ايوة كدا يا وديع
هههههههههههههههه

مصدقش نفسى يا اوختى لما ظهر فى الريدار عندى بوست جديد فى ابتسامات


نورتى البلوجر كله يا مرمورتى بابتسامتك والابتسامه اللى بترسميها على وشنا

واحد ماشي في الشارع بيقول منك لله يا محسن منك لله يا محسن شافه مخبر اخده علي القسم الضابط قاله ده مشكلته ايه المخبر قاله ده مصيبته سودا
مش عارف اسم رئيس جمهوريتنا

بصى دى فى الجووووووووووون

ههههههههههههههههههههههههههههههههههههههههههههههههههههه

وبنكته الدش تضحك موووووووووت

هههههههههههه
شاف الطبق بس

كلهم تحفه

تسلمى يارب

وحشانى
وحشاااانى
وحش اااااااانى

غير معرف يقول...

يا سلام واول تعليق كمااااااان

ماهو اكيد مفيش حد صاحى الصبح بدرى كدا

مجانيننننننننننن
ههههههههههههههههههههههههه

غير معرف يقول...

انتى عارفه برجوعك حسيت بحاجه غريبه
!!!!!!!!!!!!
هبقه اقولك عليهااااااااا لما اكلمك
عشان محدش يسمعنا
بالذات اللى واقف هناك دا
مش عيزاه يعرفها
ههههههههههههههههه
يا ترى انتى حساها
؟؟؟؟؟؟؟؟؟
أمممممممممممم
طيب


ههههههههههه

ويكا يقول...

ههههههههههههههههههههه

اضحك الله سنك


جميله ووالله ما كنتش مقتنع انى فعلا احتمال اطلع من المود اللى انا فيه دلوقتى

بس فعلا بعد ما خلصت حسيت انى شويه فوقت


على فكره يا ايمااااااان

انا ساااامع

هههههه

richardCatheart يقول...

ههههههههههههههههههههههههههههههه
ههههههههههههههههههههههههههههههههههههه

ههههههههههههههههههههههههههههههههههههههههه


ايوا صحيح ضحكتى اختلطت بدموعى بس دموع فرح والله يا مرمر فوق ماتتخيلى سعادتى ازاى

افتقدك وافتقد بسمه الحلوه اللى
كنت ما اضايق ادخل اقرها وافرح من قلبى

اديكى رجعتى بفرحتك وضحكتينى تانى زى الاول
ربنا يدمها عليكى وعلينا يارب

سعاده ابديه تغطى على كل حزنك وحزننا يا مرمورتى


مره واحد راح للدكتور يقوله
الحقنى يادكتور انا شربت الحقن بدل ما اضربها
قاله بسيطه غير بلع اللبوس

صباحك فل يام ضحكه جنان

Ramy يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

اجمد من بعض

حمد الله ع السلامة (:

يا شكوكو المدونات المصرية (:

شهر زاد يقول...

صباح الهنا والسعادة والمسك والعنبر لك ياا احلى مرمورة في الدنيا
لك وحشه مووووووووووووووووووووت
ايوه كده نورينا من تاني ساحة التدوين كانت ظلمة من غيرك والله مافيش ابتسامات ولا ضحك ربنا مايحرمنا من طلتك يا عمري
هههههههههههههههههههههههههههههه
والله زمان يا ضحك
تسلم مرمورتي
تحياتي

Haytham Alsayes يقول...

ههههههههههههههههههههههههههه
هههههههههههههههههههههههههههه

نكت جامدة جدا

حمد الله علي سلامتك

شمس النهار يقول...

ياصباااااااح الجووووود مووووورننج

اهلا اهلا
ايوة كده
نورتي البلوجر ياجميلة

ان شاء الله ماتغبيش تاني خاااالص

بس بجد ضحكتنيييي اوي ماليش دعوة بأهل امك دي
:))))))))))))))))))

mrmr يقول...

ايمى الجميله
يالهووووتينى بقى دى اخرتها يوصل بيا الحال ابقى وديع حتى محصلتش وديعه ههههه

البلوجر كله منور باللى فيه يا قمر
متتصوريش قد ايه سعيده جدا انى قدرت اخلى حد يضحك ولو حتى ابتسامه ببقى فى قمه سعادتى

عارفه انا نزلت البوست قبل ما اروح الشغل وطول يومى وانا قاعد على مكتبى سعيده ومبسوطه ومنتظره اروح البيت علشان تكمل فرحتى بتعليقاتكم اللى ديما بتسعدنى

ربنا يبعد كل حزن قلب عننا عن بلدنا
ونغنى مع فايزه احمد ونقول ابعد يا شيطان ابعد يا شيطان
ان جيت من الحيط ح نسد الحيط بحجر صوان وان جيت من الباب ح نسد الباب ونعيش فى امان
نورتينى يا اجمل ايمان

mrmr يقول...

ويكا باشا
اهلا بيك
انا سعيده بوجودك حقيقى
وبعدين من فضلك بلاش لمع اوكر كتير وترمى ودانك وتسمع الكلام
سيب المهنه دى حالا وخليها لناسها
هههههههه
انا سعيده بسعادتك يا وئام
ربنا يسعد قلوبنا ديما

mrmr يقول...

قطتى
انا اشكرك جداً جداً
لانك بدون ما تشعرى اسعدتينى فعلا بالبوست بتاعك ( اى دمعه حزن لا )
ده كان حافز ليا انى ارجع وارمى كل الاحزان ولو مؤقتا لتجديد النشاط

بس بجد النكته بتاعه الراجل اللى شرب الحقن دى جامدددده قوى

ربنا يسعد قلبك

mrmr يقول...

رامى
الله يسلمك
شكوكو ؟؟؟؟؟؟؟
ماشى يا عم الكتكت مقبوله منك
ههههههه
ربنا يسعد قلبك ويريح بالك
وافرح بيك قريب باذن الله

قول امين

mrmr يقول...

شهر زاد الجميله
يا مرحب بيكى يا قمر
ديما بتسعدينى بتواجدك الدائم
ربنا ما يحرمنى منك
لكى منى كل حب وتقدير

mrmr يقول...

هيثم
الله يسلمك يا هيثم
وجودك عندى اجمل واجمل
شكرا لتواجدك ومتابعتك

mrmr يقول...

شمس الشموسه
يا صباح اللى بتغنى وصباح الجمال على عيونك يا شمس البلوجر
تسلم خطوتك يا اجمل شمس
ربنا ما يحرمنى منك ولا من نور شمسك
ديما منورانى

جايدا العزيزي يقول...

- واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد
و يقلب بنزلة شعبية حادة تاخد أجلك
من فضلك فكها..بسرعة ارجوك
افففف..وادي زراير القميص خلاص فكتها..
دا كان يوم إيه المهبب ده ها أي اوامر تانية؟
أيوه قلعني بقه القميص
يا سيدي عييب..مايصحش كده
دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي
أنا كان إيه إللي جابني من الشارع ده..
وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري
بالأرقام من 1 إلي 40
يا صبر أيوووب..بقه إنت معطلني كل ده
علشان تلعبني سيجه على قفاك؟!
بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي
في المربع رقم 33

ههههههههههههههه

هههههههههههههه

ماينفعش 22

رائعه مرمر

تسلمى يا قلبى

تحياتى

باحث عن حب يقول...

وحشتينا
يا مرمر

لــــ زهــــــراء ــــولا يقول...

الله الله الله
ايه الجمال ده يا مرمر ياقمر
ميرسي لمارو انها رجعتك تاني للبسمة ورجعتي باجمل النكت
كل سنة والقمر منورنا

ودي اجمل ما قرأت
"
- مره عيل بيسال ابوه
هيا الانسانيه اتوجدت ازاي؟
قالو احنا اصلنا من ادم وحوا
راح لامة وسألها
هيه الانسانيه اتوجدت ازاي؟
قلتلو احنا كنا قرود واتطورنا ...
رجع لابوه يقلو هوه انا اسالك تقلي ادم وحوا واسال امي تقلي كنا قرود واتطورنا؟
قالو يابني انا بكلمك عن اهلي
مليش دعوه باهل أمك


- حشاش بتمدحه خطيبته وتقول له:
أنت بطل شجاع وفارس الفرسان.
قالها:طب تعرفى كمان
إني كنت شهيد في حرب 73


- دخل امريكي مطعما وعلق معطفه
ووضع عليه ورقة كتب فيها
هذا المعطف خاص ببطل الملاكمة
وسيعود بعد عشر دقائق
ولما عاد لم يجد المعطف وشاف مكانه ورقة مكتوب فيها
اخذ المعطف بطل الجري ولن يعود ابدا......!


- وحدة سالت زوجها :
أيه اكتر حاجه بتحبها فيه ؟؟؟
وجهي الجميل او جسمي الرشيق ؟؟؟
زوجها بص عليها من تحت لفوق
وقاللها :خيالك الواسع
"
لولا

Carmen يقول...

حمدالله ع سلامتك ياقلبي بجد وحشتني جدا وكانت واحشاني ابتسامتك وكنت كل ما ادايق اقول فين ارق مرمورة في الدنيا :x‏ عجبني جدا اخر ونكتة ^_^ وكمان دي

- مرة واحد ركب دش فوق
السطح
فعلشان ماحدش يقرب منه من
السكان
بنى حواليه كوخ وقفله
وقال للسكان انا حاطط أسد
في الكوخ ده
محدش يقرب منه أحسنله
السكان فضلوا خايفين
يطلعوا السطح
لحد مايوم الشجيع بتاعهم
طلع وراح فاتح الكوخ
راح نازل جري ووشه أصفر
السكان قالولوه شوفت أيه ،
قالهم لأ أنا شوفت الطبق
اللي بياكل فيه بس

تسلم ايدك ياقلبي

mrmr يقول...

عايده حبيبه قلبى
وحشانى يا قمر
ما لو كان ينفع يا عمرى 22 كان على طول قاله لكن الجرب مجاش غير فى رقم 33
هههههه
ديماً منورانى

mrmr يقول...

حوده
ازيك يا باشا
اخبار الامتحانات ايه ؟؟؟
انت كمان وحشنى قوى اشوف تعليقاتك
بس الاول خلص وفوق وروووق كده وربنا يكرمك باذن الله ومنتظرينك ترجع ساحه التدوين من تانى وتنورنا
بالتوفيق

mrmr يقول...

لولا الرقيقه
اخبارك ايه يا قمر
يارب تكونى بخير
ابتسامات نورت بوجودك وتعليقك
ربنا يفرح قلبك

mrmr يقول...

كارمن الجميله
الله يسلمك يا غاليه
وحشتينى جدا يا قلبى تصدقى بايه الواحد بعيد عن بيته ( مدونته ) بيقى اخر اكتئاب فى الدنيا ومش بتكمل سعادتى غير وسطيكم
ربنا ما يحرمنى منك ومن خطوتك يا غاليه ويارب يسعد اوقاتك ويريح بالك

عمرو يسرى يقول...

حمد الله على السلامه
اخيرا البلوجر نور تانى
كلهم اجمل من بعض

100 يقول...

هههههههههههههههههههههههههههههه
ههههههههههههههههه
خخخخخخخخخخخخخ
كككككككككككككككككككككك ههههههههه
الله يسعد اياام اياامك يامرمر
والله يبعد عنك الهم والغم
وان شاء الله كل ايامك ضحك و ابتسامات
وتسلم ايدك عالنكت الموووت ^_^

gogo!sf يقول...

صباح الابتسامات الجميله فعلا يا قمر

حمد الله على السلامه يا مرمورة
وكل سنه وانتى طيبه

بصى هما كلهم حلوين اوى بس بجد اللى ضحكتنى اوى واحده تحفه

تسلم ايدك واختيارك وزوقك الجميل يا مرمر

صباحك جميل

محب روفائيل يقول...

صدقينى يا مرمر الواحد ضحك رغم اللى حصل كله .

ومن القلب كمان .

تحياتى .

موجة يقول...

والله يامرمر انتى جميله اووووى
ونكتك ضحكتنا بجد
وانا عن نفسى كلهم بالنسبة لى جداد
وبعدين سر غيابك المرة دى مش الثانوية العاملة
لان لسة شوية عليها
يارب تفضلى علطول بابتسامتك الجميلة اللى انا بحبها
وحشتينىىىىى

ツSmiLeY AnGeLツ يقول...

هههههههههههههههههههههههههههههههههه
هههههههههههههههههههههههههه
هههههههههههههههههههه
هههههههههههههههه
هههههههههههه
ههههههههه
هههههه
هههه
ههه
هه
ه
روووووووووووووووعة دمعت من الضحك
رجعت البسمه وبعدت عني العصبية الي عايشاها اليومين دول
ربنا يسعدك ويبعد عنك الحزن ويخليك طول عمرك قمر ياقمر انت
اعذريني على تاخري والله غصب عني
مع الدراسه
تقبلي مروري
سلامي للعسولة مرمورتي.

mrmr يقول...

عمرو
الله يسلمك
شكرا لمرورك العطر

mrmr يقول...

حاتم .. حاتم
ربنا يسعد قلوبنا جميعا
شكرا لمرورك الجميل

mrmr يقول...

جوجو
صباحك ذى الفل باذن الله
ربنا يسعد قلبك

mrmr يقول...

محب
رغم كل ما بيمر بينا من احداث
لكن محتاجين يد تطبطب علينا وتمسح دموعنا يمكن تكون ابتسامتى قدمت شئ لاصحابى وحبايبى اللى اعصابهم مضغوطه وحزينه وبعد ما قلت الحال ح ينعدل وبكره يمكن يكون احلى لكن واضح اننا بننفخ فى قربه مخرومه
ربنا موجود هو قادر يمسح دموعنا ويبدل كل حزن
شكرا لزيارتك ومرورك العطر

mrmr يقول...

موجه
حبيبه قلبى
انتى كمان وحشتينى يا قمر
فعلا فتره غيابى مش بس سببها الثانويه العامه لكن حزنى على حال بلدنا اللى لا يسر عدو لا حبيب
ربنا يصلح الحال قار ربنا يمد يد المعونه لاولاده ولصنعت ايديه
نورتى ابتسامات يا غاليتى

mrmr يقول...

رشا الغاليه
ربنا يفرح قلبك يا قمر
سعيده بوجودك معايا رغم مشغليات الدراسه
شكرا ليكى يا غاليه

eng_semsem يقول...

ضحكنا واتبسطنا برجوعك حمدالله على السلامه ايوه كده رجعي لينا البسمه لانها معاكي ليها طعم تاني
والامل موجود والصبر مفتاح الفرج ان مع العسر يسر
تقبلي تحياتي

رشيد أمديون يقول...

لقد أضحتني بشكل، جميلة والله..خاصة تلك التي أصل أمه قرود..هههههههههه

وهناك أخريات فيها عبر جميلة رغم أنها نكت:
الأولى: المخبر والمواطن
الثانية: الدش والأسد، هذه لها بعد جميل.

أشكرك كثيرا

هديل الحمام يقول...

مرمر القمر
فرحاااااااااااااااااااااانه برجوعكِ واللهِ
أفتقدتكـ كثير
ربي يبعد الحزن عن قلبكـ
ويملي ايامك سعاده زي ما أنتي بتسعدي الناس
النكت كالعاده يجننوا
بس الي فرحني اكثر منهن انك رجعتي ^_^
مشتقالك ^_^

mrmr يقول...

اسامه
الله يسلمك
انا سعيده انى قدرت اخرج اصدقائى وحبايبى من المود الحزن
ربنا يرفع كل حزن قلب عن شعبه
سعيده بتواجدك ومتابعتك

mrmr يقول...

ابو حسام الدين
الاجمل من النكت وجودك بمدونتى
فاسعددنى كثيرا مرورك العطر
ربى يسعدك

mrmr يقول...

هديل
يارب تكونى بخير ، طمنينى عليكى
وحشانى جداً يا غاليتى
وسعيده بوجودك فوق ما تتخيلى
انا دخلت مدونتك وانتى قافله التعليقات يا حبى
كان نفسى اسيبلك تعليق واقولك وحشانى
ربى يسعد قلبك
دمتى بخير

Desert cat يقول...

عود احمد يا مرمر
وشكرا على الابتسامات يا قمراية

mrmr يقول...

قطه الصحراء
الله يسلمك يا قمر
سعيده بوجودك ومرورك
ربنا يسعد قلبك

Tamer Nabil Moussa يقول...

حمد الله على السلامة مرمر


ربنا يوفقك ويكرمك


ويسعدك دائما

مع خالص تحياتى

mrmr يقول...

تامر
الله يسلمك
سعيده بوجودك ومشاركتك
ربى يسعد كل قلوبنا

فارسة بلا جواد يقول...

رائعه بالفعل جميله

انا حدخل هنا كل ما لقيت نفسي زهاقنه وبدي أضحك

مرسي الك كتير

وهاي مدونتي

http://farsagawad.blogspot.com/

محمد ملوك يقول...

أضحك الله سنك
تحيتي ومودتي

mrmr يقول...

فارسه بلا جواد

سعيده بتشريفك مدونتى
المدونه وصاحبتها تحت امرك فى اى وقت
واكيد ح ازورك قريب باذن الله
نورتى ابتسامات

mrmr يقول...

محمد ملوك

نورت المدونه شكرا لمرورك العطر

ربى يسعدك

عبد الرؤوف بن عبدالسلام (أبوهارون) يقول...

صباحك فل
المعذرة ان لم اتابع مدونتك او بعض المدونات الاخرى بسبب الاوضاع في تونس

mrmr يقول...

رؤوف
اهلا بيك ومقدره جدا الاوضاع فى تونس
ربنا معاكم
منورنى ديماً

Boneta يقول...

مرمر يا عسل
ضحكتيني بجد
كلنا محتاجين حاجه تخرجنا من جو الكآبه اللي كنا فيه بسبب الظروف الاخيره ربنا يفرح قلبك حبيبتي
واحد ماشي في الشارع بيقول منك لله يا محسن منك لله يا محسن شافه مخبر اخده علي القسم الضابط قاله ده مشكلته ايه المخبر قاله ده مصيبته سودا مش عارف اسم رئيس جمهوريتنا
هههههههههههههههههههههههههه
هههههههههههههههههههههههه
هههههههههههههههههههههه
من هنا لبكره النكته دي جامده مووت وفي وقتها تمام
ميرسي وتحياتي لك وللجميع

mrmr يقول...

بنويتا يا قمر
انا سعيده جدا بيكى
معقول بتويتا عندنا يا مرحبا يا مرحبا
الكل بلا شك محتاج فى بعض الاوقات لابتسامه تخف عنه بعض الضغوط المحيطه بينا ربنا يهدى الحال
ويخافظ عليكى يا قمر ويفرح قلبك
تحياتى القلبيه

القالب صمم بواسطة
 نرحب بكل الأفكار والمقترحات التجارية