ركن المرأة شباب على طول امنياتى جرائد وصحف

الجمعة، فبراير 18، 2011

ضحكات سياسيه


يا هلا يا هلا
يا مراحب يا مراحب
وحشتونى جدا جدا
طبعا الفتره اللى فاتت
كانت كلها فتره عصيبه على الجميع
لكن نشكر ربنا كتير انه مر بينا
بسلام وكمل ثورتنا بخير
اللى اسعدنى حقا
اننا بقينا يد واحده وصوت واحد
ذى ما كنت بتمنى
والف تحيه لشهداء الثوره
ويارب يكتب لمصر الامان والاستقرار
النهارده بقدم مجموعه من الابتسامات
يمكن مش جديده علي الكل
لكن اتمنى نضحك بجد
ونرمى كل توتر وقلق وحيره
ولو لبعض الوقت



- سأل أجنبي مواطنا عربيا
ما هي أحلامك ؟
قال العربي : أن أكون حرا وأن اتزوج
وأن امتلك منزلا ودخلا ثابتا و....
قاطعه الأجنبي ...
مهلا أنا اتحدث عن أحلامك وليس حقوقك



- اسباب دخول البنات الجامعة
 كلية الهندسة = كيفية بناء قبر زوجها
 كلية الطب = فن تشريح الرجل
كلية الصيدلة = فن تسميم الرجل
كلية الاعلام = كيف تفضح زوجها على الفضائيات
كلية التجارة = كيفية افلاس الرجل
كلية اقتصاد وعلوم سياسية = وضع حدود وحواجز بينهم
 كلية الحقوق =المطالبة بحقوقها هى اولا
كلية الشرطة = فن القتل عن بعد
 كلية سياحة وفنادق = كيفية تسيح الرجل
علي نار هادئه
 

- بلديتنا طلب يتعين في مجلس الشعب
قالوله أنت أهبل؟
قال يعنى لازم الشرط ده


 - سألوا الرئيس عن رأيه في التغيير
 قال التغيير ده سنة الحياة
قالوا طب وسياتك مش هتتغير
 قال أنا فرض مش سنة



- واحد سكران فتح التلاجة لقي الجيلي بيترعش
قاله : ماتخفش حاخد عصير
 

- عجوزة عرفت أن عذرائيل بيروح للناس الكبيرة
 جابت سيريلاك وقعدت تأكله
جالها قالها بتعملى إيه
قالتله بأكل مم قالها طيب يلا عشان نروح بااي
 

- زوجه خوافه قوى
 كل يوم وهيه نايمة جنب جوزها تقوله
االحق يا عبده أنا سامعه صوت... فى حرامى فى البيت جوزها تعب قوى مش عارف ينام
 وكل يوم على كده قام قلها ياستى ماتخافيش
 الحرامى لما بيروح يسرق ما بيعملش صوت...
 تانى يوم صحته من النوم ..الحق يا عبده أنا مش سامعه صوت... فى حرامى فى البيت



- بلدياتنا نجح في انتخابات مجلس الشعب،
 ففي اول جلسة قاعد جنب واحد افندى
 فالأفندى عزم عليه بسيجارة مارلبورو،
وبعد شويه بيسالوا
إيه رأيك في الديمقراطية ياحاج؟؟..
 فرد الحاج : والله أحسن من الكيلوبترا !!



- واحد بيشتغل في وزارة المالية خلف بنت
 سماها إعتماد



- (رجال الاعمال) متقولش ايه اديتنا مصر
 قول هنسرق إيه في مصر
 (رجال الامن) متقولش ايه اديتنا مصر 
 قول هنِرْعِب مين في مصر
  (شباب مصر) متقولش ايه اديتنا مصر
 قول هنروح فين في مصر


- اثنين اغبياء فى طياره معديه
الاول قال انها طياره الرئيس
فقال الثانى انها مش طياره الرئيس
الاول والله دى طياره الرئيس
الثانى لا مش طياره الرئيس
فاتفقو اى حد معدى يسالوه
 فعدى واحد فسألوه دى طياره الرئيس ؟
فقالهم يا اغبياء طياره الرئيس بيمشى وراها موتوسكلات


- يحكى أن صياداً عاد إلى زوجته
وهو يحمل سمكة كبيرة
طالباً منها أن تقليها في الزيت
 فاعتذرت له الزوجة لأنها لا تملك زيتاً
 بسبب إرتفاع سعر الزيت
فطلب منها الصياد أن تشويها
 فاعتذرت له بسبب إختفاء الردة
وارتفاع سعر أنبوبة الغاز فى الأسواق
 فطلب منها أن تطبخها مع الصلصة
 فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر
مرة أخرى وهنا هتفت السمكة وهي في الماء
 تحيا حكومة جمهورية مصر العربية


- مسؤل كبير دخل اجنس عربيات
 صاحب الاجنس رحب بيه جامد
 وقاله أأمر معاليك
قاله ابنى عاوز عربيه فختار العربيه
وجه يحاسب صاحب الاجنس
 قاله خلاص معاليك خلى علينا
 فمعاليه صمم فقاله صاحب الاجنس خلاص معاليك
 20جنيه فالمسؤل طلع 100جنيه
 صاحب الاجنس قاله مفيش فكه قاله المسؤل خلاص هات بالباقى عربيات.


- ليه رئيس الحكومة اسمه نظيف والتلوث قاتلنا ؟ ليه رئيس مجلس الشعب اسمه سرور والغم راكبنا ؟
ليه وزير المالية اسمه غالي والشعب رخيص ؟
 لو عرفت الحل ؟
إتصل بالحزن الوطني ستحصل على سيخ محمي
 ماركة عز



- الرئيس صحى من النوم على مظاهرة كبيرة
 من اهل الاسكندريه
 سالهم : فيه ايه ؟
ردوا : علاء بيه اخد حتة ارض متر فى متر بوضع اليد
فى الاسكندريه
 رد حسنى : يعنى جت على الواد الحيله
سيبوه يبنى مستقبله الواد عايز يفتح محل
وبعدين دى ارض متر فى متر
 الناس مشت بعد ما الريس رضاهم
 تانى يوم صحى على مظاهرة تانيه من اهل اسوان  سالهم : فيه ايه ؟
 ردوا : جمال بيه اخد حتة ارض متر فى متر
 بوضع اليد فى اسوان
 رد حسنى عليهم زى ما رد على بتوع الاسكندريه  والناس روحت بعد ما الريس رضاهم
  تالت يوم صحى على مظاهرة من مصر كلها
 سال : فيه ايه ؟
مش احنا خلصنا من موضوع المحلات بتاعت الولاد
  ردوا الناس : المشكله يا ريس ان الاخين عايزين يفتحوا المحلين على بعض


- مرة كان الرئيس زعلان
ومش عاوز يحضر القمة العربية فحب يغيظ باقي الرؤساء فارسل صعيدي بيشتغل عمدة في بلدته
 وقت الاجتماع المغلق بتاع الرؤساء كان كل واحد فيهم بيتكلم ويتناقش في مواضيع العراق وفلسطين وغيره وهو ساكت ولا نطق بكلمة؟
 قام رئيس القمة قال
 ياجماعة هدوء شو ية احنا نتكلم ساعتين
 وماتفقنا ورئيس الوفد ساكت اكيد كان يفكر
 بالحل اعطوه فرصة
 قال الصعيدي ده كلام صحيح دانا بفكر لي ساعتين
في حاجة؟
ازاي قدرتو تدخلو الطربيييزا الكبيرة دي من
الباب الصغير الي احنا دخلنا منو ؟؟؟


- المدرس : اين تم توقيع معاهدة السلام
بين انجلترا وفرنسا ؟
التلميذ : في اخر الورقة يا استاذ


- مسؤول بالحكومه صحتوا زوجته
من النوم بالليل
 في صوت بالحمام شكلوا حرامي
اجابها : سيبيه ينفعنا في الانتخابات؟؟؟


- موظف راح يدى صوته فى الانتخابات
 فاختار لا وهو مروح قابل واحد صاحبه
 فسألو عملت ايه ؟
 قاله علمت على لا
 لطم صاحبه وقاله روحت فى شربة ميه
 فسأله الموظف ايه الحل ؟
 قاله ارجع بسرعه وصلح اللى كتبته واكتب نعم
 رجع الموظف لرئيس اللجنة وقاله :
 جيت اعلم على نعم غصب عنى علمت على لا
 مسكه رئيس اللجنة من ودنه وقاله :
 احنا صلحناه لك اوعى تعمل كده تانى



- بيقولوا للريس قبل الانتخابات
انت مش هاتودع الشعب وللا ايه؟
 قاللهم :ليه هو الشعب رايح فين؟  


- سأل الرئيس وزيره : كيف حال الشعب بعد ما غلّينا العيش ؟
فقال : يا سيدي بياكل زفت
 فقاله : طيب غلي الزفت


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

18 التعليقات:

شمس النهار يقول...

:))))))))))

ضحكتيني

والحمد لله ماجبتيش سيرة بتوع فنون جميلة


:))))))

نداء الفلانتين
الزوج يريد تغيير المدام

الستات ردوا
مش هنمشي هو يمشي

كل ثورة وانتي طيبه

الاحلام يقول...

ما اجمل الابتسامه عندما تخرج من اعماق القلوب
البهجه السرور والفرح موجودين وانتى اضفتى الابتسامه عليها فاكتملت عناصر السعاده نشكرك على اكتمال سعادتنا
تقبلى تحياتى الاحـــــــــــلام

شهر زاد يقول...

الله عليك يا مرمورتي
وحشاني موت
الله على ابتساماتك التي تفرح القلب
تحياتي

Tinker Bell يقول...

هييييييه مجبش سيرة كلية العلوم
شكرا على النكت واتمنى انك تنورينى فى مدونتى العلمية
http://tinkerbell4science.blogspot.com

ويكا يقول...

ههههههههههههههههه

عاجبتنى اوى بتاعت الست اللى بتسمع صوت الحرامى دى

♥نبع الغرام♥♪≈ يقول...

هههههههههههههههههههه

ههههههههههههههه

وربنا انتى عسل
وقلبك عسل ودمك عسل
وبججد لمسه حلوة منك انك تخففى عننا فى ظل الاحداث الجاريه حبيبتى

ربنا يصلح حالك ويسترك

غير معرف يقول...

ههههههههههههههههههههههههههه
مفيش كلية الاداب ؟؟؟
عشان تعلمة الادب هههههههههههههههه

كلهم حلوين يا مرمورتى
تسلمى ياااارب

وحشااانى

Carmen يقول...

:‏)‏)))) مرمورتي بجد بتهوني علينا كتير
تسلم ايدك حبيبتي

ثـــوره الــغضب يقول...

ابتسمات جميله اوى

تعبير جميل لأبتسماتك

وعلى رأى مدام شمس

مجبتيش سيره بتوع الفنون الجميله كنا هنزعل

هههههههههههه

باحث عن حب يقول...

جميله
يا مرمر
والله
نكتك
وضحكتك

سكرتيرة جديدة يقول...

مرمر
انا اول مرة ادخل المدونة الذيذة دى
D:

بس انا بدورعلى اول منتدى دخلتها ليكي مش فاكره خالص


اضحك الله سنك

eng_semsem يقول...

تسلم ايدك
من زمان واحنا عايزين نضحك وبندور على سبب وانت كنت السب والحدث
بس كان عندي سؤال لتجنب الكوارث اللي ممكن تحصل للراجل يتجوز واحده مش متعلمه ولا ايه الحل

غير معرف يقول...

هههههه هههههههه
اجمل شيء في ثورة 25 يناير
مرحلة نشر الغسيل اللي جات بعدهامباشرة

انت فضحتي النوايا السيئة للبنات
احسن
علشان ناخد حذرنا ونستعد

لك جزيل الشكر

ツSmiLeY AnGeLツ يقول...

ههههههههههههه
ههههههههههه
سعل والنبي عسل
دمك شربات يابت
اسعدتينا الله يسعدك يارب
تقبلي مروري
سلامي لاجمل مرمورتي.

موجة يقول...

ههههههههههههه
لا بجد حلوة
وبما ان الزفت هغلى
ناكل طين

رشيد أمديون يقول...

مستملحات طيبة حقا
دائما تهيدنا الضحكة الجميلة، والبسمة هنا... شكرا لكِ، سعدت جدا.

noora يقول...

ههههههه
الله يسعدك يامرمر والله ضحكتيني من قلب .وشعب مصر شعب مرح مابيحب الغم حتى في اصعب ايامكم كنت بتطلعوا النكته من اي شي
الله يديم عليكم الفرح

Unknown يقول...

هههههههههه

رااائعة !

شكرا على المراوحة و الاتحاتف

مدونة الزمن الجميل يسعدها دعوتك إلى جديدها !



~

القالب صمم بواسطة
 نرحب بكل الأفكار والمقترحات التجارية