ركن المرأة شباب على طول امنياتى جرائد وصحف

الجمعة، مارس 18، 2011

ساعه لقلبك


انا بصراحه انسانه انتهازيه
انتهزت فرصه انى مبسوطه شويه ومتفائله
تسألونى ليه اقول مش عارفه
لكن يمكن اكون فكرت
اخذ هدنه من الاكتئاب والقهر والحزن
والدموع اللى مش راضيه تجف
قولت تعملى ايه  يا مرمر !!!
تعملى ايه يا مرمر !!!
.
.
.

قولت اجى لمدونتى حبيبتى اللى بحب اضحك معاكوا
فيها ولو للحظات  نسرقها من الزمن
ونتصالح معاه  ونديله ولو ساعه لقلبنا للضحك
ننسى فيها الحزن والاكتئاب اللى ح يقصر العمر
بس ياريت مش تتهمونى بلا مبالاه
وعدم  الاحساس بما نمر بيه من احداث
فيكفينى  حصره ومراره
ووجع قلب

ياللا بقى تعالوا نضحك لحسن انتوا وحشتونى جداً
تمنياتى اليكم بضحكه من القلب








- مجنون و مجنونة كانو ماشيين جمب بسين
فى مستشفى المجانين ...
فالمجنون رمى نفسه فى المياه والمجنونة انقذته
(جاه الدكتور تانى يوم للمجنونة وقال لها عندى ليكى خبر حلو والتانى وحش
الاول انتى خفيتى وهتخرجى من المستشفى
 والتانى صاحبك المجنون شنق نفسه)
صرخت قالت له لأ

.

.

.

.

.

.

.

.

.
 
.
 
.
 
ده انا كنت معلقاه عشان ينشف
 
 
 
- كان مره في ولد صغير
 كل يوم يروح البنك ويدخل 50 جنيه لحسابه
الموظفين استغربوا
فقالوا للمدير علي الولد
فالمدير قلهم لو جه تاني البنك نادوه
 ده اكيد غني
ولازم نستفيد منه ونكسبه اكتر
ولما جه الولد الصغير دخلوه للمدير
المدير قاله انت بتشتغل ايه
قاله انا مابشتغلش
المدير قاله امال انت بتجيب الفلوس دي
كلها كل يوم منين ؟
قاله الولد انا بتحدي الناس واراهنهم
 والرهان بـ 50 جنيه
وكل يوم بكسب
المدير قاله كذاب قول الحق
 بتجيب الفلوس دي منين
قاله الولد خلاص تراهن علي50 جنيه
اني ابوس عيني
قاله المدير اراهنك
قام الولد خلع الينسيز من عينه وباسها
 ورجعها تاني
والمدير خسر الرهان واداله50 جنيه
الولد روح وتاني يوم نادوه للمدير
المدير قاله انا عايز فلوسي ياولد
قاله الولد خلاص انا هارهنك اذا انت فزت
 هديك 3 اضعاف فلوسك
واذا خسرت مش عايز منك حاجه موافق ياعم
قاله المدير موافق طبعا
قال الولد شاهدين ياجماعه وكان واقف 10موظفين
الولد قال تتحداني
ان لون ملابسك الداخليه ازرق
المدير فرح وقاله لا مش ازرق
الولد قال لا ازرق
المدير قال لا والله مش ازرق
الولد قال للمدير اثبتلي انه مش ازرق
قلع المدير البنطلون
وفجأه الـ 10 موظفين بيعيطوا
وراح الواد يلم من كل موظف 50 جنيه
وقالهم مش قلتلكم
هقلعه البنطلون
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

14 التعليقات:

ندا منير يقول...

ههههههههههههه

والله ضحكتينى بجد

نكتيتين حلوين قوى

خصوصا بتاعت المجنون والمجنونة

لــــ زهــــــراء ــــولا يقول...

هاهاها جمييييييييييييلة جدا تسلم ايدك يا مرمراية
وساعة لقلبك تحفة ايه فين من ايام زمان الجنيه كان له شنه ورنه دلوقتي تديه لعيل ميعجبوش مصروف
لولا

Carmen يقول...

هههههههههه والله وحشتيني يامرمر نكتيتين احلي من بعض ويارب دايما مبسوطة حبي

maram يقول...

هههههههه

ربنا يسعدك يا مرمر
احلي شي نكتت المجانيين

سكرتيرة جديدة يقول...

ههههههههه
والله حلوة

طيب هما لاقوه نشف ولا مانشفش
:)

الاحلام يقول...

لو كل مره هتكونى انتهازيه هتقولى كلام جميل كده وتجعلينا نبتسم انا اتمنى انك تكونى انتهازيه على طول
فعلا ضحكت من قلبى جزاكى الله خيرا
سعدت جدا بوجودى هنا تقبلى تحياتى الاحـــــــــلام

♥نبع الغرام♥♪≈ يقول...

ربنا يسعدك يارب يا حبيبتى

ويكرمك كل الخير

يارب اشوفك مبسوطه كده على طووووووووووووووووووول

رشيد أمديون يقول...

ههههههههههههه
جميل والله
لكن الأخيرة أكثر واحدة
شكرا لكِ على هذه البسمة..

جايدا العزيزي يقول...

هههههههههههههههه

هههههههههههه

ههههههههههههه

استنى شويه اخلص ضحك وارجعلك

ههههههههههههههههههههه

حلوة ده انا اللى علقته علشان ينشف

فكرة بردوا

والله وحشانى اوووووووووى

وبحبك اوووووووى

ربنا يسعدك قلبى

اشكرك على الضحك

تحياتى

Noha Saleh يقول...

هههههههههههههههههههههههههههه
بجد انا ضحكت عجبتنى اوى نكتة الولد الصغير بجد جامدة اوى

eng_semsem يقول...

واد واعي مش زينا ده احنا خيبه يطلع عنينا عشن الخمسين جنيه وتيجي الضرايب تاخدها ميه
تقبلي تحياتي

جنّي يقول...

السلام عليكم

والله عندك حق كنا بنضحك ومبسوطين من يوم 11 والنهاردة بعد ما تحولت الثورة لخناق وعراك اصبح الضحك غالي .. بس والله ضحكت وبصوت من الواد بتاع الرهان

شكرا يا مرمر

Elsayed Azab يقول...

السلام عليكم ..

بصراحة فكرة مدونتك جميلة قوووى ..

ربنا يسعد أيامك كلها ياااااااااااارب ..

دمتى بود وبعز وبسعادة دائما بإذن الله ..

تحياتى

الاحلام يقول...

نفتقدك ونفتقد تعليقاتك الجميله وكلمات قلمك الممتعه دمتى بكل خير
تقبلى تحياتى الاحلآم

القالب صمم بواسطة
 نرحب بكل الأفكار والمقترحات التجارية