ركن المرأة شباب على طول امنياتى جرائد وصحف

الجمعة، أبريل 08، 2011

جاءنا البيان التالي






يا مراحب يا مراحب بأجمل اصحاب
وحشتونى وحشتونى وحشتونى
بجد بجد وحشتونى
شكلى كده خلاص ح يطلق عليا لقب انتهازيه من الدرجه الاولى
لانى بنتهز فرصه انى اكون مبسوطه شويتين ثلاثه
 وتلاقونى جيت جرى علشان اضحك معاكم
وده سببه انى بحبكم
واحب اكون وسطيكم فقد
 جاءنا البيان التالي
أن اليوم حدثت اعتصامات بفصل 4/1
بأحدي المدارس الابتدائية بأحدي المحافظات
حيث طلب التلاميذ
تنحى أمين الفصل كريم عن منصبه
لأنه كان يظلمهم ويسرق سندوتشاتهم
وكانوا يرددون شعارات مختلفة منها
 (( مش هنخاف مش هنطاطى-إحنا كرهنا كريم الواطى)) وقد تنحى كريـم عن منصـبـه
 وعينوا بدلا منه عمر
وذلك بعد تدخل الشرطة المدرسية


- أتنين مساطيل واحد بيقول للتانى:
 هو إيه الفيس بوك ده؟
 قاله : دي بتاعة كده بيشيلو بيها الرئيس


- ما الذى تحتاجه عند الإستماع للقذافى:
1- قاموس عربى - قذافى....قذافى - عربى
2- أطلس للكره الأرضية لمعرفة علاقة ليبيا
بأمريكا الاتينية.
3- إستحضار روح هيرودت أبو التاريخ لتحاشى
التهيس التاريخى
4- جلوكوز عند شعورك بالغثيان و الدوار
5- دواء ضغط
6- يجب أن يتم تقييد المستمع لتحاشى الإنتحار
أو تدمير التلفاز
7-سبحة ومصحف لتحاشى السب


- يا جماعه للمره الاخيره بقولها
خبر ترشيحى للرئاسه اشاعه


- القذافى طول الليل يفكر
انا لو قفلت البلايستيشن ..
 اللاعيبه هتروح فين ؟؟



- القذافي يدعو العالم لأحترامه لانه حارب
 3 مرات واستشهد مرتين


- حد شاف الحمار
اللي شافوه جي بيجري من ليبيا سألوه
 مالك بتجري ليه قالهم أصل القذافي بيدبح كل البقر قالوله بس انت حمار مش بقره
 قالهم طب ابوس ايديكوا حد يروح يفهمه



- ساكتب محبتنا على جدار الزمن
ان عشت عشنا معا
وان مت مع نفسك يا عسل



- القذافي قرر تطوير الطائرات الهليكوبتر
فك المراوح و ركب تكييف



- زمان كان : الراجل مش بس بكلمته
الراجل برعايته لبيته و اسرته
لكن دلوقتى : ال ( مان ) مش بس بأوصته
ال ( مان ) برعايته لشعره و موزته



- مرة واحد لقي فانوس دعكه
طلع له عفريت قاله شبيك لبيك
وسرق منه الموبايل واختفي
الراجل استغرب
دعك الفانوس تاني
طلع العفريت قاله شبيك لبيك
 وسرق منه الساعة واختفي
الراجل استغرب اكتر
دعك الفانوس طلع العفريت فقاله
مش ده مصباح علاء الدين
قاله : لأ ده مصباح علاء مبارك


- واحد بيقول لمبارك ياريس انا بعت قيراط الارض اللى حيلتى علشان اوظف الواد و متوظفش
مبارك: انا بعت مصر كلها علشان اوظف جمال
و متوظفش



- مطلوب رئيس جمهورية
لبلد لقطة على ناصيتين
بحر ابيض وبحر احمر
وبها نهر وخمس بحيرات
و 3 اهرام و ميدان يساع 5 مليون
جميع الكماليات
تشطيب 85 مليون شخص
وتمتاز بخفة دم شعبها
استعمال طيار



- يااارب إرزقنا رئيس عسوول يخلى اللحمة
 بسعر الفول ويدى لكل موااطن محموول ..
 ويدى لكل فتاااة عريس أموور
والوزير زي الغفير ميكونش متعالي ومغروور
 وبلاش يضحكوا علينا ولا يلبسونا الطرطووور
ويفضل شعبنا ديما منصوووووور
ويخلص مدته ومن غير ثوره يغوووووووور
 واخير اطلب سماع اغنيه اركب الحنطووووووور



- ارسلت اليها 1500 رسالة حـب
فاحبت ساعي البـريـد
آه يــــا واطـــيـــة !!!!



-  القذافى لما بيصحى من النوم بيقول
اية ؟؟؟.
دقت ساعة المنبه دقت ساعة المنبه أنا اتأخرت في النوم فين النسكافيه فين النسكافيه الى الحمام الى الحمام فوطة فوطة فوطه



- اعلن العلماء اللبيين انهم صنعوا قنبلة نووية , وعندما ذهبوا عند القدافي لأخد الأذن لهم بضرب أمريكا بها اجابهم القذافى
القنبلة صنعت في لبييا
وسوف تفجر في لبييا  
 ( راجل وطنى بصحيح )



- لو علمت أن شخصاً ما سيطعنك مـن خلفـك
لـف وأرزعه قـلم وقوله شايفك ع فكـرة



- من الكتاب الأخضر بتاع القذافى ..
اللى يسهر بعد الساعة 8 بليل ... إعدام
اللى يصحى متأخر ... إعدام
اللى يشرب عصير قصب ... إعدام
اللى يقول نكتة ... إعدام
اللى مش هيبرشم ........اعدام
اللى يعمل جروب على الفيس بوك ... إعدام



- قال شاب لفتاة : تتجوزينى
فقالت : لا
فعاش الشاب حياة سعيدة هانئة
وعنست الهبلة



- المراة خيالها سريع .. ففي لحظـة واحدة
تنتـقل من : الاعجــاب الى الحــب
الى  الـــزواج !!
ثـــم ،
يا انـا يا امـك في البيـت


- مرة القذافى اشترك فى مسابقة رسم
 فقعد ساعه يرسم ولما خلص راح سلم الرسمه
 لرئيس اللجنه فالراجل بص فى الرسمه لقاها ورقه بيضا فبيقول للقذافى انت رسمت ايه ؟
راح القذافى قاله: رسمت بقره بتاكل عشب
رئيس اللجنه: فين العشب دا؟
القذافى : البقره كلته
رئيس اللجنه: طب فين البقره؟
القذافى: راحت تاكل فى رسمه تانيه



- القذافي بيقول للشعب الامريكان
انتوا طلعتوا القمر
احنا بقي هنطلع الشمس
واحد قاله هنتحرق قاله يا غبي هنطلع بالليل


- موظف راح يدى صوته فى الانتخابات
فاختار لا وهو مروح قابل واحد صاحبه
 فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته
واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى


- ﺍﻟﻘﺬﺍﻓﻰ ﻋﺎﻳﺰ ﻳﺸﻨﻖ ﻧﻔﺴﺔ ﻣﻦ
ﺭﺟﻠﻴﺔ؟ ﺳﺄﻟﻮ ﻟﻴﺔ
ﻗﺎﻝ؟ ﺟﺮﺑﺖ ﻣﻦ ﺭﻗﺒﺘﻰ ﻛﻨﺖ ﻫﻤﻮﺕ



- الشاب: ممكن نتعرف..البنت: اخرس ..
الشاب: انا معجب بيكي .....البنت: اخرس..
الشاب: انا بحبك ..البنت: اخرس ..
الشاب: انتي حياتي .. البنت: اخرس.
.الشاب: انا بفكر فيكي ..البنت: اخرس..
الشاب: تتجوزيني .. البنت: بتتكلم بجد
الشاب: اخرسي



- البطاقة الشخصية للقذافى :
 الاسم : عميد الحكام العرب وملك ملوك إفريقيا وزعيم سلاحف النينجا
المهنة : عارض ازياء,متخصص ترفيه,و رئيس جمهورية فى اوقات الفراغ ...... أول من ساهم في ...استخدام قماش الملايات و الستاير كـ ملابس لرئيس دولة صاحب نظرية خير الكلام ما قل و شل



- مرة حرامى دخل على واحد مسطول البيت
 قالو هات فلوسك و الا هقتل مراتك قام الرجل قعد يضحححححححك…….الحرامى قتل مراته وقاله هات الفلوس قبل م اقتل ابنك الرجل قعد يضحححححححك……..الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟ قاله اطلع من دول يا ابرهيم يا نصر



- قمه الرخـامه . لما تكون بتتكلم في الموبايل و تخلص و يقولك ملخص المكالمه 1:01



- عـــــاجل :
 مبارك اتصل بالعادلي بعد زلزال اليابان وقاله.   شايفين الشغل النضيف يا بهايم



- اتنين مساطيل بيكلمو بعض فواحد فيهم بيقول للتانى تعرف تمشى على دخان سيجارتى؟؟ رد عليه التانى وقاله :لآ طبعا انت عبيط ........ وسكت شويه وقاله افرض انت طفيت السيجارة اقع انا



- مره واحد عصبي حب واحده
 وقرر يصارحها لقاها قدامه وفجأه شد ايديها
وقال  : انا اول ماشوفتك اعجبت بيكي
 ولو انتي مش عميا اكيد لحظتي
 ولو مش غبيه اكيد انتبهتي
 ولو عندك ذره احساس اكيد حسيتي
 وماتقوليش هفكر لاني احسن منك ميت مره
 ماهو الغلط مش عليكي
 علي الحمار الي عيزك غوري كدة فداهيه



- سقط ابو لهب في تونس وابو الهول في مصر
ما زال ابو جهل في ليبيا



- مرة واحد جاب جهاز كشف الكدب من النوع اللي
 لما بتكدب بيضربك بالقلم
 و راح مجربه على ابنه. قالو انت كنت فين يابنى ..قالو كنت بذاكر ..
قام الجهاز ضاربه قلم ابوه قالو عيب .
 اناكنت فى سنك مابكذبش ابدا
قام الجهاز ضاربه قلم
مراته قالتله خلاص سامحه
 ماهو برضو ابنك  قام الجهاز ضاربها قلم
وجوزها قالها انا اللي كنت فاكر انة ابنى 
 يا فاجرة



- حكمة بلطجـى إحنا عمرنا ما كنا بنفرق بين مسلم ومسيحي اللي كان بيجي تحت ايدينا كنا بنقلبه وناخد كل اللي معاه وخلاص


- واحد جرب الصنف بتاع القذافى قال:
 مشكلتى بدأت بعد ما صحيت من النوم يوم السبت ليلة التلات بعد الصلاة تقريبا
عالساعة.9 الفجر كده قمت من النوم
اتعشيت و كلتلى فنجان عصير
وجيت اشغل التليفزيون لقيته مش بيتنفس
 مع انى لسه مغير مساحات العربية
وكويت الهدوم و حطيتهم فى الفرن
 قبل ما اصحى قلت يمكن نسيت اصطب الوندوز
ولا يمكن الفريون خلص
قلت خلاص اتصلت بالحلاق و قلتله
التكييف بايظ و مش عارف استحمه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

20 التعليقات:

Elsayed Azab يقول...

مرمر ..

ربنا يخليكى على بتعمليه فينا وياااارب يسعد أوقاتك كلها زى ما بتسعدينا بمدونتك ..

شكرا بجد وربنا يجازيكى كل خير ..

تحياتى

لــــ زهــــــراء ــــولا يقول...

مرمر

عسل
سكر
مربى مشمش
ومعاهم كمان كنافه بالبندق

هههههههههههههههههههههه

بصراحه القذافى يستاهل اكتر من كده اعتقد ان المدونه هنا ممكن تشتغل عليه وعلى كلامه بتاع مية سنه كمان

ربنا يفرح قلبك ويسعد ايامك

زهــــراء

Carmen يقول...

ههههههههههههههههههههههه يالهوووووووووى بجدضحكتينى ضحك والله بتوحشينا يامرمر ماتتاخريش كده

Unknown يقول...

مرمر يا قمر يخليكى لينا يارب وميحرمناش منك ابدا

موتى من الضحك وكمان يوم عيد ميلادى ربنا يخليكى ليا على وجه الخصوص يعنى ليا لوحدى شوفتى بقى انا انتهازيه اكتر منك وانانيه كمان هههههههههه^_^

محب روفائيل يقول...

كان المفروض أعلق امبارح ، لكن الكمبيوتر والنت كانوا مزرجنين شوية زى القذافى وصالح بتاع اليمن ، هههههه ، كل حاجة عجبتنى فعلا ، بس انا من زمان كنت بدور على خريطة تقولى أيه هيا فعلا علاقة القذافى وليبيا بأمريكا اللاتينية ، أنا لغاية دلوقتى السؤال ده محيرنى .

عايزين من ده كتير طبعا :)

ولنرفع شعار : العصفورية هى الحل ، كما كتبت مرة فى احدى تدويناتى :))))

محب روفائيل يقول...

مرمر صح كنت عاوز أقولك حاجة : -


أنا هعمل حملة تدوينية عبارة عن قنوات بينى وبين المدونات الأخرى بواسطة الاعلانات المتبادلة ، معانا ولا مش معانا ؟؟!!! :):)

ツSmiLeY AnGeLツ يقول...

عسل والنبي عسل
سليتي علي الله يسلي عليك ياقمر
تقبلي مروري ^_^
سلامي لاجمل واطيب مرمورتي.

ساسو يقول...

مرمورتي
والله زي العسل

لو حصلي حاجه من الضحك
انتي المسئوله
هبلغ القوات المسلحه هههههههههه


بحبك

eng_semsem يقول...

تسلم ايديك اللي بتكتب كلمات وابتسامات ضحكتني واسعدتني
تقبلي تحياتي

maram يقول...

القذافي قرر تطوير الطائرات الهليكوبتر
فك المراوح و ركب تكييف

ههههه حلوه و نكتت البلاي يستيشن

ربنا يفرح قلبك ويسعد ايامك

تحياتي

الاحلام يقول...

اجمل واحلى انتهازيه فى العالم بجد بجد خليكى انتهازيه دائما واتحفينا بهذه الضحكات الهستيريه
دمتى اختى مرمر دائما متالقه وسعيده
تقبلى تحياتى الاحــــــــلام

غير معرف يقول...

ههههههههههههههههههههههههه
عثل يا مرمر
ربنا يخليكى يا مرمورتى و دايما ترسمى البسمه على وجهنا

مصطفى سيف الدين يقول...

على فكرة بتاعت الطلبة اللي عملو مظاهر حصلت عندنا بس كانوا بيطالبو بتنحي المدرس
ووقفوا وقفة احتجاجية قدام مجلس المدينة لنفس السبب
عيال اخر زمن
ههههههههههه
بوست دمه خفيف
تسلمي

مدونة رحلة حياه يقول...

السلام عليكم
هتموتينى يا مرمر
ربنا يسعدك اضحك الله سنك اختى العزيزة
مش عارف اشكرك ازاى بس بجد كان لازم تقوليلى من زمان عشان اعمل لك شريط وابعته للقذافى

sony2000 يقول...

ههههههههههههههههه
وربنا ضحكت ضحك
افتكروني اتجننت
وانا كنت علي اخري
ميرسي اكتير ليكي

لــــ زهــــــراء ــــولا يقول...

انتي مشكلة ههههههههههههههههههههههههههههههه
انا وبابا قعدنا نضحك ضحك ربنا ما يحرمك من ضحكتك
لولا

رشيد أمديون يقول...

تحفة من المستملحات
أشكرك كثيرا جميلة جدا..

الاحلام يقول...

دائما نحتاج لتعليقاتك فهى التى تنير الطريق لكلماتنا المتواضعه تمنياتى لكى ان تكونى بكل خير تقبلى تحياتى الاحــلام

ساسو يقول...

عسوله طحن يا بطتي
والله عسوله

قلبي هيقف يا ناس الحقوني

ربنا يسعد اوقاتك يا اجمل مرمر

ساسو يقول...

كل ما احب اضحك اجي اقرا
بحبك يا ميروووو

القالب صمم بواسطة
 نرحب بكل الأفكار والمقترحات التجارية