ركن المرأة شباب على طول امنياتى جرائد وصحف

السبت، مايو 21، 2011

بريك .. بريك


مساء الفل على كل الحبايب
فيه دعوه جميله لينا كلنا 
الدعوه دى موجه من صديقنا ويكااااا
باننا ناخد بريك ولو لبعض الوقت
نريح فيه نفسنا
من وجع القلب وحرق الاعصاب الاخبار المؤلمه
اقولكم  سر
 بصراحه انا مصدقت استجبت للدعوه
لانى فعلا محتجاها قووى قوووى قووى
اعصابنا كلها مشحونه
من الاخبار والظروف المحيطه بينا
فتعالوا ناخذ بريك ونضحك
واللى مش قادر يضحك كفايه عليه يبتسم
وشموا بقى نفسكم شويه
انا بعتذر لكم جميعاً ومش عايزه حد يزعل منى
لعدم المتابعه عايزاكم تعذرونى
لانى لسه مش خلصت امتحانات
بالمناسبه مش انا اللى بمتحن
بنوتى حبيبتى اللى عليها العين
ياريت تدعولها من قلبكم بالتوفيق
انا رغيت كتير كفايه كده بقى
واعملكوا الشاى وبعدها
ونبتدى الابتسامات


- واحد بلدياتناغنى قوى
راح يصطاد فى افريقيا..ولما رجع سالوه صحابه
اصطدت ايه قالهم3 غزلان و 2 حمار وحشى
ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسود
قاعده تقولى نوبليز نوبليزنوبليز (no please)


- واحد بلدياتنا دخل محل أدوات كهربية
 فسأل صاحب المحل  : عندك تلفزيونات ملونه
قالوا : أيوا قالوا : طب أديني واحد أحمر


- ظابط بيسأل عسكرى :السهرة إيه النهاردة
قاله:اخترنا لك
رد الظابط:أيه!!!؟
العسكرى:إخترنا لسياتك ياباشا!!!


- عوضين عمال يخبط دماغه في الحيطة لحد ما دماغه اتفتحت امه بتساله: مالك يا واد يا عوضين
ضحك اوي و بطل خبط دماغه
و قال: ايييييييوه عوضين  هو ده اسمي


- عملوا مسابقة لتعجيز الكمبيوتر
كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا ؟ جلت له ابو جردان جبل ما يخلف جردان كان اسمه ايه؟


- مرة واحد من بلدياتنا اشترى مراية
الصبح مراته بصت فيها و فضلت تعيط
راحت للعمدة و قالتله يا عمدة ..جوزي اتجوز عليا فقال لها العمدة تعالي نروح نتأكد
فراح و بص في المراية
 و قال ده جاب عمدة تاني كمان


- مجموعة من الكلاب قاعدين مع بعض بيتكلموا
 فى موضوع الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع


- زبون يدخل كل يوم نفس المطعم فالجرسون يسأله
عاوز تاكل إيه.. فيأخذ فوطة الجرسون ويشمها
 ويقول له انتوا عندكم النهاردة
سمك فيليه + أرز + صلاطة
وهكذا كل يوم فالجرسون اتجنن
فأعطى لمراته الفوطة وقال لها استحمى بيها
وأديهالى وبعد كده الزبون دخل المطعم
واخذ الفوطة زى كل يوم وشمها وبص للجرسون وقاله انت جوز فتحية؟


- ليه بلدياتنا بيحط معلقة فى بقه وهو نايم؟
(عشان يتقلب صح)


- كيف ندخل الفيل داخل زجاجة سفن أب
(أسهيه وهو بيشرب وأزقه )

- كيف نخرجه منها ؟
(أرجها تفور يروح طالع)

- ليه الفيل بيلبس شورت أخضر
(عشان لما يختبئ فى البطيخ ما يبانش)

- ليه الفيل بيلبس شورت أحمر
(عشان الأخضر مغسول)

- إيه اللى بيطير فى السماء وينور ويطفى
(عصفورة لابسه أميجو بينور)


- ليه بلدياتنا لما يدخل يستحمى ياخد معه ابرة وفتلة (عشان لو المياه انقطعت يخيطها)


- ليه بلدياتنا بيدق مسمار 10 سم فى صدر طفله(عشان يشبك فيه البزازة )


- ما هو التشابه بين السماء والكدليز
(الاثنين 7 طبقات)


- ما هو التشابه بين الكمبيوتر والحفرة
(الكمبيوتر حاسب ألي والحفرة حاسب لتقع)


- ما هو التشابه بين الكمبيوتر والاستريتش
(الآثنين بيجيبوا أدق التفاصيل)


 - مرة واحد قال لواحد انا فنان
قاله التانى عظيم بترسم قاله لاء
 قاله التانى بتغنى قاله لاء فنااااان قاله هايل يبقى بتمثل قاله لاء انا فنان بحط العيش فى الفن


- صرصار فطسان على روحه من الضحك ليه
عشان اللى بيضربه بالشبشب أحول


- مرة ابن أبو العربي فارد ضلوعه
ومش عاجبه حد خالص في الحته بتعته
فوقف تحت البيت عنده ونده أمه وقال : ياما ياما... ردت عليه أمه: خير ياواد عاوز ايه .. قالها : كل حاجة تمام عندك ياما . قالتله كله تمام اطلع .قالها يعني محدش قل أدبه عليك النهاردة
من العالم دي
 قالتله لأ محدش قل أدبه اطلع بقى 
 قالها : يعني محدش عاكس اخواتي البنات علشان أشرحه النهاردة قالتله : لأ محدش عاكس اخواتك اطلع 
 قالها يعني محدش دايقكوا النهاردة 
 قالتله : لأ محدش دايقنا النهاردة
اطلع بقى خلص قالها طيب مادام كده بقى
ولعيلي نور السلم علشان في قطة على السلم


- مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو


 -دكتور عظام مشي في الشارع
الكلاب جريت وراه

 
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

36 التعليقات:

الحــب الجميـــل يقول...

ههههههههههههههههههههههههههه
حلوة بتاعة الميه والابره

كلهم حلوووووووووين
يسلم اختيارك

وحشانى ابتساماتك يا مرمورتى

mrmr يقول...

حبى الجميل

انت كمان وحشانى قوووى ووحشنى انى اضحك قوووى ربنا يسعد اوقاتنا جميعاً

MR.PRESIDENT يقول...

أنا مش هتلكم علي النكت لأن كلكهم تقريبا يمكن سمعتهم
وبفقر عايز أنام
ومش عايز أنام
بس أنا قلت واجب برضوا نمسي علي احلي مدونين
قبل خخخخخخخخخخ
تأمريش بأي خدعة
ربنا يوفق صغيرتكم
برادونا سينيورا يعني عدم المؤاخده يا مس
:)

have a great day

شمس النهار يقول...

ضحكتيني:)))))
ربنا يكرمك

اخبار الثانوية العامة ايه

azmybaky يقول...

mrmr

ههههههههههههههههه

أضحكتينى ونسيتينى همومى

شكرا جزيلا لك على

الابتسامات الجميله

مع خالص تحياتى

عزمى

-

Carmen يقول...

:‏)‏)))) جامدة حبيبتي تسلم ايدك

خواطري مع الحياة يقول...

هههههههههههههههه
تحففففففففففففة

دائما الحلو يجيب الحلو
ربنا يسعدك ويبسطك

وحشاني ياقمر

تقبلي مروري ^_^

الاحلام يقول...

واخيرا الابتسامه عرفت طرقها لينا واخيرا ضحكنا من قلبنا ياااااااااه دالانسان بدون السعاده لا يساوى شىء شكرا ليكى على انك اتاحتى الفرصه امامنا اننا نبتسم ومن اجل ان جعلتينا نبتسم سوف احاول ارسم على وجهك ابتسامه
صعيدى راح لتاجر ادوات منزليه قاله البوتاجاز ده بكام قاله روح ياراجل انت احنا مش بنبيع للصعيده الراجل مشى وزعل قال انا لازم اشتريه باى طريقه لبس ملابس فلاح وراح للتاجر البوتجاز ده بكام قاله روح ياراجل انت مش بنبيع للصعيده
راح لبس ملابس واحده ست وراح البوتجاز ده بكام قاله روح ياراجل مش بنبيع للصعيده قاله خلاص انا مش هشترى بس عاوز اعرف انت بتعرفنى ازاى قاله لان ده مش بوتجاز ده غساله
تقبلى منى ارق التحيه والسعاده وتقبلى منى تحياتى الاحـــــــــــلام

ندا منير يقول...

فعلا معاكى حق الواحد محتاج كل فترة ياخد فترة راحة من كل حاجة ويريح دماغه خالص وميفكرش فى اى حاجة فعلا

وربنا مع بنوتك يارب وتبقى دايما من الناجحين والمتفوقين

ونكت لذيذة وجميلة ضحكتنى بجد وخرجت من مودى الى حد ما وانا بقراها

eng_semsem يقول...

تسلم ايديك يا مرمر نفك شويه وكفايه نكد وان شاء الله هنرجع احسن من الاول

مهاترات عاقل يقول...

الشورت الاخضر مغسول
ههههههههههه
رائع

Tamer Nabil Moussa يقول...

هههههههههه

ررررررروعة مرمر

تسلمى

مع خالص تحياتى

mrmr يقول...

اهلا يا ريس

منور

وسامحنى على النكت البايته باذن الله المره الجايه نيجبهم طازه طالعين من الفرن
المهم تكون ابتسمت وهذا المطلوب تحقيقه

ربى يسعدك

mrmr يقول...

شمس الشموسه

حمد الله بسلامتك يا جميل

الثانويه العامه مطلعه عينى
بس ننقول ايه ربنا يفتح بصيرتها ويوفقها

نورتينى

mrmr يقول...

عزمى
اهلا وسهلا بيك زائرا جديدا للمدونه
واتمنى تكون قضيت دقايق سعيده بمدونتى
ربنا يسعد قلبك ويفرحك

mrmr يقول...

كارمن الجميله
باسعد ديما بوجودك
ربى يحافظ عليكى

mrmr يقول...

رشا حبيبه قلبى
ازيك يا غاليتى وحشانى بجد
عايزه اطمن عليكى يارب تكونى بخير
ربى يسعد قلبك

mrmr يقول...

الاحلام
شكرا لسؤالك المتكرر عن الابتسامه
وشكرا لزيارتك واهتمامك
وسامحنى على التقصير والتاخير فى نشر بوستات جديده

ربى يحافظ عليك

mrmr يقول...

ندا

فكرت البريك فكره صديقنا ويكا وفعلا كلنا محتاجين كل فتره والثانيه ناخد بريك ونريح اعصابنا

نورتى يا قمر

mrmr يقول...

اسامه

نفك وماله يا سمسم بس المهم يكون معاك مفك صالح للاستعمااااال هههههه

يارب يكون بكره احسن واجمل

شكرا لمرورك ربى يسعدك

mrmr يقول...

مهاترات عاقل

يا مرحب بيك ... دى اول زياره ليك للابتسامات واتمنى تكون قضيت وقت ممتع بالمدونه وضحتك من قلبك

نورتنى

mrmr يقول...

تامر

الاروع من البوست وجودك وزيارتك

ربى يفرح قلبك

ويكا يقول...

هههههههههههههههه


بتاعت النوبليز دى موتتنى من الضحك ، بالذات كل ما اتخيلها


هى وبتاعت


انت جوز فتحيه دى

ويكا يقول...
أزال المؤلف هذا التعليق.
لـــولا وزهـــراء يقول...

"

- مجموعة من الكلاب قاعدين مع بعض بيتكلموا
فى موضوع الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع
"

انتي هلكتيني من الضحك وخصوصاً الصراصار اللي ميت من الضحك عشان اللي بيضربه احول... ربنا يسعد قلبك ويعزك(:

لولا

وجع البنفسج يقول...

ههههه.. كل نكتة احلى من الثانية .. يلا طلعتينا من المود اللي احنا فيه ..

تسلمي اختي على النكت الجميلة ..

دمت بخير

أبو حسام الدين يقول...

ههههههههههههه
والله أنا محبط، ولكن بكثرة ما قرأت ضحكت رغما عني.

شكرا لك على هذه الضحكة المهاداة.

ليس فقيرا من يحب يقول...

ههههههههههههههههههه

غلسيييييييييين موووووووووت ووش مطلع لسانه

وحشتييييييييييييينى يا سحورتى قوووووى قوووووووووووووى

يارب ينجح البنات ويخليكى ويسعدك ووحشتيييييييييينى

أم هريرة (lolocat) يقول...

السلام عليكم
يخرب بيت شيطانك يامرمر :)

ههههه تصدقى والله الايام الماضية مرت على بصعوبة جدا لظروف صعبه مع احدى صديقاتى
لكن لما ادخل هنا وبرغم انى مش احب النكت اوى لكن والله لا استطيع ان امسك نفسى من الضحك

شكرا لك اختى الحبيبة على البريييييييييك الرقيق الهادى الراقى
كنت احتاج له كثيرا

لك ارق تحية
امنياتى الدائمة لك ولبنوتك الرقيقة الغالية بكل توفيق ونجاح

sony2000 يقول...

ههههههههه

عن جد جميله النكت دي
\دمتي بخير يامن تضحكيني فأحلك الاوقات

شكرا جزيلا لكي

الاحلام يقول...

احتجت الى الابتسامه جئت الى هنا ابتسمت وجددت نشاطى مر اخرى
تحياتى الاحــــــــــــلام

mena يقول...

ربنا ما يحرمنا من دمك اللى زي العثل ده

غير معرف يقول...

بجد انا كنت محتاجه اضحك
جميل خالص

ايرينى يقول...

بجد انا كنت محتاجه اضحك
جميل خالص

سكرتيرة جديدة يقول...

احب انا النكت البايخه
ههههههههههههه

- كيف ندخل الفيل داخل زجاجة سفن أب (أسهيه وهو بيشرب وأزقه )
- كيف نخرجه منها ؟(أرجها تفور يروح طالع)
- ليه الفيل بيلبس شورت أخضر (عشان لما يختبئ فى البطيخ ما يبانش)
- ليه الفيل بيلبس شورت أحمر (عشان الأخضر مغسول)
- إيه اللى بيطير فى السماء وينور ويطفى(عصفورة لابسه أميجو بينور)


كنت بقعد اقولها لماما
وتستنى اخر النكته وبعدين تقولى خلاص؟
اقولها خلاص اه واقعد انا اضحك
هههههههههههههههههههههه

تيمور يقول...

ازيك مرمر عاملة اية

دعوة جميلة كلنا محتاجين ليها اكيد

تحياتى

القالب صمم بواسطة
 نرحب بكل الأفكار والمقترحات التجارية