ركن المرأة شباب على طول امنياتى جرائد وصحف

الأحد، يوليو 24، 2011

:: عدنــــــا للابتسامه ::


دستوور 
لحسن  يكون حد خالع راسه ولا حاجه
وحشتونى بجد
وحشتنى قووى مدونتى
ووحشنى الضحك معاكوا
خلاص انا فوقت من الكابوس اللى كنت فيه
وباذن الله ح اكون متواجده معاكوا باستمرار
بس دعواتكم ليا مش عايزاها تنقطع ابدا
برغم الاحداث المؤلمه اللى بنمر بيها 
لكن حبيت اكون متواجده معاكوا
علشان ارطب على قلبكووووا  وقلبى
بابتسامه بسيطه ننسى فيها حرقه قلبنا
واعصابنا ومش تتهمونى باللامبالاه
لكن ده هدفى ان ارسم ابتسامه على شفاهكم
ربنا يكمل ثورتنا على خير
ويكتب لمصر الامان والسلام
ونعيش فى محبه ورخاء
قولوا امين


* فى يوم فار قابل فار صاحبه 
 فصاحبه قاله: اومال انت تخنت كده ليه؟ 
قاله:اصل انا الايام دى ساكن فى سوبر ماركت 
تعالى انت بكره معزوم عندى
تانى يوم راح
لقى مصيده فى السوبر ماركت 
قاله:  طلعت مرشد يابن الجزمه؟ 


*واحد غبي خاطف واحده غبية في عربية
فالغبية قاعدة تصرخ راح قايل لها
والله لو ما سكتي لانزلك هنا
راحت قايله له لا خلاص هاسكت 


* واحد انقطعت يده الشمال في الحرب
شالها وهو حزين...شاف محشش مقطوعه إيديه الأتنين وبيجرى و ينط ويرقص
راح وسأل المحشش: أنا انقطعت ايدي الشمال ومتضايق وإنت انقطعت إيديك الأتنين وما شاء الله شايفك بترقص 
قال المحشش : أنا ما برقص
انا مش عارف أهرش فى ضهري 


* واحد صعيدي بيهزر مع زوجتة قرصها بزرادية 


*عارفين ليه السمك بيخاف من الجنيه
علشان فيه 100 قرش 


* مرة صعيدي سافر امريكا وراح قعد عند واحدة
قالهالوسمحت جعان لوفيها رزالة عايز آكل
قالتله تاكل لوحدك ولا مع بوبي
قالها لوحدي
قالها طب اناتعبان من السفروعايزانام
قالتله لوحدك ولا مع بوبي قالها لوحدي
قام الصبح قالها متعرفناش
قالتله انا بوبي 
قالها وانا ابن ستين كلب 


* نملة خبطتها عربية لما فاقت قالت 
يالهوى يامصيبتى مش فاكره نو ولا هو 


مصري يكذب على محشش يقوله:
بابا عنده عماره 500 طابق
قال المحشش: ابوي عنده ناقه ارتفاعها 500 متر 
 قال الكذاب: وازاي يركبها؟
قال المحشش : من سطح عمارة ابوك 


واحد معاه عربية قديمة وعاوز يبيعها
فصاحبه قاله حط عليها علامة مرسيدس وهى تتباع
راح عمل كدا بعد اسبوع صاحبه بيساله
بعت العربية ولا لا
قاله انت عبيط ابيع عربية مرسيدس 


* مرة حلاق بيعلم ابنه الحلاقة فدخل زبون المحل يحلق دقنه فقال لابنه
"لو جرحت الراجل هاضربك"
بدأ الابن فى الحلاقة فجرح الراجل فجه الاب يلطشه ألم فابعد الابن نفسه فضرب الزبون، ثم اكمل الابن فجرح الرجل مرة تانية وتكرر نفس الموقف، بعدها جت المرة الثالثة وجرح الرجل فقال للولد
"بسرعة وخبي الجرح قبل ان يراه ابوك". 


* مسطول قرر القيام بعملية انتحارية
وضع حزام متفجرات و دخل حي يهودي 
وقف بين ثلاث يهود و اتصل بالقائد قال له
” انا واقف بين ثلاث يهود انتحر الآن؟
” قال له القائد لا ادخل كمان 
 و بعده ساير حتى وصل بين 10 يهود
قال للقائد انتحر ده انا وصلت لاخر الطريق !
فكر المعلم و قال له انتحر الآن!
فقام مطلع سكينة و ذبح نفسه 


* محشش عرف ان مرته تخونه ..قعّد يستناها فوق الدولاب  فجأة وصلت هي و صاحبها !!
قام نط عالسرير من فوق الدولاب .. !!
فقالتله : انا مظلومه والله والله والله 
هو اللّي ضحك عليّ
قاللها :
       سيبك من كل دة كلـة شوفتي النطة!      
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

12 التعليقات:

Ramy يقول...

حمد الله ع السلامة

احلى من بعض النكت بصراحة معرفتش اختار حاجة المرة دى

عودة قوية (:

amiralcafe يقول...

ربنا يكمل ثورتنا على خير
ويكتب لمصر وتنوس الامان والسلام
ونعيش فى محبه ورخاء
قولوا امين......أمين
*****
رؤوف

هديل الحمام يقول...

آآآامين يآآآآآآآرب

مرمر القمر وحشتني أبتساماتك

ربي يحميكم ويحمي مصر ليكو

متطوليش الغياب =)

Carmen يقول...

ههههههههههههههههه حمدالله ع السلامة ياجميل والله ضحكتينى ووحشتينى اووووووووووى

Haytham Kilany يقول...

ههههههههههه
انا كنت فاكر ان النكت كلها بقت قديمة
ههههههههههههههههههه
جديدة جدا وبصراحة ابتسامات ف وقت محتاجين فيه الابتسامات

جايدا العزيزي يقول...

* مرة صعيدي سافر امريكا وراح قعد عند واحدة
قالهالوسمحت جعان لوفيها رزالة عايز آكل
قالتله تاكل لوحدك ولا مع بوبي
قالها لوحدي
قالها طب اناتعبان من السفروعايزانام
قالتله لوحدك ولا مع بوبي قالها لوحدي
قام الصبح قالها متعرفناش
قالتله انا بوبي
قالها وانا ابن ستين كلب
هههههههههههههههههههههههه

هههههههههههههههههههههه

وحشانى

شكرا على الضحكه الصافيه

سكرتيرة جديدة يقول...

هههههههههههههههه
نكت روعة بجد

ماقلتليش بقى انتى طولتى الغيبه ليه ؟
:)

عمرو يسرى يقول...

هههههههههههههه
دائما على القمه

MR.PRESIDENT يقول...

هع هع هع تسلمي لنا

MR.PRESIDENT يقول...

كل سنة وانتي طيبة يا مرمر رمضان كريم :)

MR.PRESIDENT يقول...

كل سنة وانتي طيبة يا مرمر رمضان كريم :)

M يقول...

حمد لله علي السلامه

نكت روعة كالعاده

و رمضان كريم

القالب صمم بواسطة
 نرحب بكل الأفكار والمقترحات التجارية