ركن المرأة شباب على طول امنياتى جرائد وصحف

الجمعة، أغسطس 26، 2011

ضحكه ببلاش كده


مساء الفل على اجمل اصحاب
ليه كتر ما استمتعتش معاكوووا
ولا ضحكت من قلبى
سامحونى على التقصير فى حقكم وحق مدونتى
وعلى تقصيرى فى دعوتى ليكوا
رجاااء محبه
متنسونيش فى دعواتكم واذكرونى بكل خيررر
لانى محتاجه صلواتكم ودعواتكم
ودلوقتى اسيبكوا مع ابتساماتى
يارب اقدر ارسم بسمه خفيفه على وجهوكم
بحبكم جدا جدا




* واحد كسلان جداً ...بيقول لصاحبه :
مش انا اشتغلت . قال له مبروك اشتغلت فين ؟؟
قال له في مطبعه... 
اقعد علي الورق علشان ما يطرش

* لية الديك عندة زكام ؟
علشان متجوز فرخة مجمدة

* مرة 3 أطفال راحوا محل لعب واحد بيقول للراجل: عمو عمو عايز بلونة. الراجل
جاب السلم وطلع جاب له بلونة 
ونزل فسأل التاني: وانت عايز ايه؟ 
.قال له بلونة ..قال له ماقلتش ليه وانا فوق!! المهم طلع جابهاله وهو فوق سأل الولد التالت:
وانت كمان عايز بلونة؟؟؟ قال له لأ...
فنزل الراجل وقال له : امال عايز ايه؟.
قاله عايز بلونتين

* صرصار ندل عزم 4 اصحابه علي الغدا 
ولما اتجمعوا كلهم ... شد عليهم
السيفوووووون

* بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل

* مره واحد بيسأل صاحبه 
عارف ليه الدكتور بيخبي وشه وبيحط كمامه
وهو داخل غرفةالعمليات ؟؟؟ 
فقال له ليه ؟
قال له علشان محدش يعرفه من اهل المريض لو العمليه
منجحتش

* واحدة بتتكلم مع صاحبتها بتقولها ....
أنا جوزي نساي جدا كل يوم يقولي أنا نسيت
مفتاح المكتب ، أنا نسيت مفتاح الشقة.........
ردت صاحبتها وقالت لها : طب أنتى
أرحم منّي أنا جوزي كل يوم يقول لي 
أنا شفتك فين قبل كده

* في بقرة دخلت السجن ليه ؟؟؟ 
شافوها تأكل حشيش

* واحد مسطول ماشى فى بيتهم خبط فى امه.. 
راحت قالت له:انت اعمى؟؟ مش شايفنى؟؟
بص لها بمنتهى الهدوء وقال:
لأ  انا شفتك طبعآ بس مش فاكر فين؟؟

* مره واحد كان ماشي في الشارع بيقول 
حماتي حماتي.... 
واحد معدي بيقوله مالهاحماتك؟؟ 
قال له الحمار رفسها ماتت ،
قاله كل الناس دي جاية تعزي في حماتك؟؟ 
قاله لأ دول جايين يشتروا الحمار

* واحد بيسال صاحبه ليه الورق بيسقط في الخريف 
قاله اصله ما ذاكرش حاجه طول الصيف

* صرصار خارج من السوبر ماركت فرحان عشان شاف صورته على علبة ريد

* واحدة عندها قطة كل ما تيجي تتخلص منها ... القطة ترجع تاني.... فبعتت ابنها
يتخلص منها و يرميها بعيد عن البيت 
عشان ما ترجعش ... راح واخد القطة وقعد
يلف يلف لحد م تاه عن البيت ورجع متأخر 
فسألتة والدتة اتأخرت لية؟؟
قال لهاانا تهت ......قالت له طب رجعت ازاي؟؟؟ 
قال لها مشيت ورا القطة

* اتنين ستات عواجيز نفسهم يتجوزوا
وطبعا مش لاقيين فكروا يعملوا اعلان فى
الجرنال كتبوا فية 
تزوج واحدة ..و احصل على الثانية ( مجانا )

* واحد غبي قعد يتكلم قدام المروحة ليه؟
عشان يتكلم عالهواء مباشرة

* خروف سأل خروف ليه عدى عليك عيدين ومادبحتش
رد عليه وقال له اصل مكتوب
فى شهادة الميلاد  حمار

* واحده عجوزه ماشيه في الشارع ...لقت مرايا على الارض ... اخدتها وبصت
فيها.... فقالت: ليهم حق يرموها

* واحد بلدياتنا بيتخانق مع واحد فضربه على وشه فقاله..... ليه ما قفايا موجود

* واحد بلدياتنا وقع من الدور العاشر .. 
جاله صداع

* ميكروباص ماشى بينادى الخانكة..الخانكة
رد واحد ماشى وقال ربنا يشفى

* واحد بلدياتنا قتل مراته عشان رضيت تمسك إيده

* واحد ترزى ماشى فى حتة مقطوعة خيطها

* واحد ترزى اجوز واحدة قصيرة فك تنيتها

* مرة واحد فكهاني بيغازل مراته بيقوللها 
ياأم خدود زي التفاح 
وضحكة زي الفراولة
وبق زي الكريز 
راحت مرات النجار شافت كده فغارت..
راحت قالت لجوزها غازلني قاللها : 
يا أم عنين شبكت قلبي بمسامير
ياللي حبك مقطعني بمنشار
يا لزقة بغره
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

22 التعليقات:

ويكا يقول...

هههههههههههه

تينا يقول...

لا شوووووويه نكت حلوين اوووووووووووووى

مصري جدا يقول...

شوفي يا ستي ما قريتش لكني منشغل بشده عليكي

ربنا يشفيكي وتكوني بصحه وعافيه دايما

شدي حيلك بئا الأهلي من غير ما تلعبي هيخسر الدوري

elsayed azab يقول...

ربنا يسعدك دائما :)

كل عام وأنتى بخير ..

تحياتى

خواطري مع الحياة يقول...

هههههههههههه
كل وحده احلى من الثانيه

ربنا يبعد عنك المرض ويشفيك

كل عام وانت بالف خير ^_^

تقبلي مروري ^_^

شمس النهار يقول...

كل سنة وانتي طيبة

:))

Haytham Kilany يقول...

هههههههههههه
تحفه ...جت ف قتها

منجي باكير يقول...

ههههههههههه

الله ينوّر عليك و يجعل أيامك فرح !


جديد الزمن الجميل : رمضان وبعد !

Carmen يقول...

كل سنة وانت بالف خير عيد سعيد عليك يارب :)كل سنة وانت بالف خير عيد سعيد عليك يار

جايدا العزيزي يقول...

ههههههههههههههه

كل عام وانت بخير

عيد سعيد

تحياتى

شقاوي يقول...

كل عام وأنتم بألف خير
وتقيل الله مناومنكم صالح الاعمال
وعيد سعيد يارب على كل المسلمين..

الاحلام يقول...

يااااااااااااااااه اخيرا ضحكنا من قلبنا يعنى تسبينا كده مرمر ما نضحكش وما تخديش صواب فينا كده برده على العموم حمدالله بالسلامه وان شاء الله معانا دائما
كل سنه وانتى بكل خير ويارب تحققى كل احلامك
تحياتى ابوداود

vanilla scent يقول...

ههههههههههههههه جامدين

احلي اتنين بتاعت الاطفال والبلونة

والحمار اللي موت حماه الراجل

كل سنة وانتى طيبة دايما

د.ريان يقول...

عيدكم سعيد مرمر

هههههههههههههههه وربنا يسعدكم

بجد روعة وربنا يوفقكم بكل خير

سيدات com يقول...

أضحك الله سنك ....ممتعه جداً المدونه ...

الاحلام يقول...

الى متى سنفتقد الابتسامه والمتعه اتمنى ان تكونى بخير تحياتى ابوداود

الازهرى يقول...

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل



أجملهم
من النهاردة أنا هنا على طوووووووووول

هديل الحمام يقول...

هههههههههههههههههههههههههه
يجننو ^_^

ربنا يسعد قلبك يا مرمر =)

منجي باكير يقول...

تحياتي و إعجابي

مدونة الزمن الجميل يسعدها دعوتك إلى جديدها !


~

الاحلام يقول...

تتركينا منذ اكثر من شهر بدون ابتسامه واحده اتمنى التواصل الدائم اختى تحياتى الاحــــــلام

هديل الحمام يقول...

محتاجين نضحك من قلبنا مرمر
قلت مليش غير مدونتك =)
أكتبي وطمنينا عليكِ ومتطوليش الغياب

الجوكر يقول...

هههههههههههههه لأ حلوه بجد

نكت روعة

اسعد الله قلبك

تحياتى

القالب صمم بواسطة
 نرحب بكل الأفكار والمقترحات التجارية