مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ? قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ??? قاله لأ.. فنزل الراجل وسأله : امال عايز ايه ? قاله عايز بلونتين
بلدياتنا اشتغل نقاش ... وهو واقف بيدهن الحيطة واحد قاله: طب حط جرنال تحتك .. قاله لا مايهمش انا كده طايل
واحد صاحب معرض سيارات بيقول لصاحبه : كنت قاعد مع (ماروتى) امبارح وقت (شيروكى) الشمس .. قولتلها يا (مازدا) قولتلك (الفا روميو) (ميتسوبيشى) العيال لوحديهم فى البيت لحسن حد فيهم (يجيب) من الشباك يقع يكسر (سوبارو) أو يموت (شاهين) ودى تبقى (كورسا) كبيرة ... قالتلى (كيا) (بونتو) تشك فيا ؟؟ قولتلها ايوه (هوندا) ده الكلام بس لو عملتى (كيا) تانى هوديكى فى (سيتروين) داهية
بلدياتنا قاعد يفكر مع نفسه ويقول : جمبرى فى الطبق ؟ لا لا .. أرنب فى الجردل ؟ برضو لاء مش دى .. استكوزا فى البانيو ؟ يوووووه برضو مش دى .. انا هتصل اعرف من الدكتور وخلاص ... واتصل بالدكتور وسأله : يا دكتور هو انا عندى ايه ؟ الدكتور قاله ياعم قولتلك مليون مرة عندك سرطان فى الحوض
واحد واخد صاحبه معاه بيفرجه على شقته وبيقوله : دا بقا الصالون ودا الانتريه ودا الحمام .. ودخل اوضه النوم شاف مراته مع واحد غريب ام خارج بسرعه وقفل الباب وراه وقال لصاحبه أأ..أ أ..أعملك شاى ؟؟؟ فصاحبه قاله: شاى ايه ياعم واللى مع مراتك جوا دا ؟؟؟ قاله: لا دا يبقى يعمل لنفسه يا روح أمــه
أنشر الموضوع فى المفضلات الاجتماعية من هنا
0 التعليقات:
إرسال تعليق