ركن المرأة شباب على طول امنياتى جرائد وصحف

الأربعاء، يونيو 02، 2010

بجد بجد اضحك من قلبك


- شيطان ندل عزم اصحابة الشياطين على العشاء
دخلهم الاوضة وقفل عليهم
وراح مشغلهم قرأن



- واحد رخم بيصلي وسمع إتنين بيمدحوا صلاته راح قاطع الصلاة وقالهم: وكمان صايم



- مرة واحد مسطول مسك الفرخة من زمارة رقبتها وقال لها كل يوم بيض
كل يوم بيض
مفيش جبنه



- واحد غبى حبيتين عينوه مدير ملجأ أيتام
 اول قرار اخده اجتماع
 لأولياء الامور



- واحد عنده مزرعة فراخ وكانت فاشلة جدا راح لمهندس زراعي وقاله:
 أنا مش عارف أزرع الفراخ
 زرعتها من رجليها
مطرحتش
زرعتها من جناحها
مطرحتش
زرعتها من دماغها
 مطرحتش
 المهندس قاله: روح هاتلي عينه من الأرض



- ترزي متجوز واحدة قصيرة فكلها التنية



- واحد عنده كتكوت مفترس
 كل ما يدخله قفص الفراخ يروح الكتكوت واكلهم  وفي قفص القرود ياكلهم
 وفي قفص القطط ياكلهم
  راح راميه في الصحرا
 صعب عليه الكتكوت وراح يشوفه بعد تلات أيام  لقى الكتكوت مرمي عالأرض والنسور بتحوم حواليه  الراجل قاله :
 يا حبيبي إنت مت ؟
 قام الكتكوت وقال له : يخرب بيتك بوظت الكمين



- واحد بيقول لمراته
انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل ... عسل



- واحد باشا دار عليه الزمن
 وافتقر حب يشتغل
 إشتغل بياع فجل وجرجير طول النهار واقف فى السوق ولابس طربوش وبينادي:
 فجل يا حوش .. جرجير يا كلاب



- اتنين مساطيل واحد سال التاني هو النهارده السبت و لا الحد قاله الاتنين
قال ماشاءالله
 هما بقو سوا
- واحد دلوع أوى ابوه جبله شريط اسلامي عشان ينصلح حاله

تاني يوم الاب رجع البيت لقى ابنه متحجب




- واحده ست اشتركت فى من سيربح المليون
جوزها طلقها
عشان اتصلت بصديق




- مرة واحد سافر الكويت
لقى الاسامى بوحمد و بو فهد و بو محمد
و بو فيراس
راح سمى نفسه بوكيمون




- واحد كهربائى..ابنه سخن ركبله ترانس


- كان في واحد شكله وحش قوي قوي قوي
عايز يتجوز
فراح واتقدم لواحده
فبيقول لأبوها :
انا يا عمي بلا فخر عملت نفسي بنفسي
قاله:ما انا برضه بقول استحاله تكون خلقه ربنا




- واحد مسطول راح صيدلية يشترى جبنة


حاول الصيدلى يفهمه ان مفيش جبنه بتتباع هنا وشويه و مسطول تاني جه
فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى
ادينى بنص جنيه لانشون


- مرة واحد ميكانيكى دخل فرح نقط زيت

- عربجى كارو دخل فرح قال رفصنى ياجدع


- فكهانى دخل فرح رقص عشره بلدى و عشره بسره


- واحد قال نكتة قديمة طلع تراب من بقة


- واحد حب يصطاد ارنب قلد له صوت الجزر


- واحد سباك سايب رسالة على التليفون
يقول
اترك اسمك وعنوانك
بعد سماع صوت السيفون



- واحد حانوتي فتح محل فاكهة
قام كتب يافطة المـوز علينا حـق




- اتنين مساطيل واقفين مستنيين الاوتوبيس
فالاول بيسأل :
هنعرف الاتوبيس ازاى
التاني قاله:
بسيطه اللى هيجى يقف هنا يبقى اتوبيس
قاله طب والكومسارى قاله:
بسيطه اللي حيحط ايده على كتفك يبقى الكومسارى ندفعله الاجره
فجه الاتوبيس ركبوا
جه واحد حط ايده عليهم فطلعوله الاجره
وبيدوهاله فقالهم :
انا مش الكومسارى انا ضابط بحريه
قاله : شوفت شورتك المنيله ادينا ركبنا باخره




- ثلاثه بيحششوا فى مزرعه طب عليهم البوليس استخبوا فى تلات أشوله
جه الظابط شاط الشوال الاول برجله
قام الحشاش الاول عمل نفسه بط و قعد يكاكى
راح الظابط سابه وراح عالشوال التانى
و شاطه قام الحشاش اللى جوه قعد يأدن
ويقلد صوت الديك
الظابط سابه و راح عالشوال التالت
برضه شاطه برجله الحشاش التالت متكلمشى..شاطه تانى بس بالجامد
برضه متكلمش .. شاطه تالت
طلعله الحشاش يقوله بطاطس بطاطس انت مبتفهمش




- مره واحد مسطول بيصطاد سمك بالحشيش طلعتله سمكه بتقول : انا تمساااااااااح




- مرة واحد حشاش لما قبض مرتبة راح البيت وقعد يقسم المرتب 100 ايجار
100 مصروف بيت
200 حشيش
وفجاة
وهو قاعد سمع خبط على الباب فقال مين
رد علية اللى برة قاله بوليس فراح مقطع ال200 جنية بتوع الحشيش





يارب يارب تكونوا ضحكتوا من
قلبكم

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

15 التعليقات:

أبو فارس يقول...

هههههههههههههه
انا مش الكومسارى انا ضابط بحريه

بجد ضحكتني
تسلم ايدك
ربنا يحفظك
تضحك لك الجنه
تحياتي

mrmr يقول...

ابو فارس
ازيك
انا سعيده بيك جدا وبزيارتك ليا
ربنا يديم الود
وميحرمنيش منك
ضحكتلك السنبله
شرفتنى

قناه ايما يقول...

بجد نكت جمبله جدا ولله من كتر الضحك ماما صحيت من النوم وافتكرتنى اتجننت

mrmr يقول...

رسالتى حبيبه قلبى
ازيك يا قمر
يارب تكونى بخير
دامت الابتسامه دايما على شفايفك
ويارب افرح بيكى يا قمر انتا

(ست* جنى* الحسن) يقول...

سلامو عليكو... ملهاش حل بجد حلوة اوى وبجد ضحكت من قلبى.
برجاء قبولى صديقة للمدونة
لك خالص تحياتى

Unknown يقول...

احم احم

ههههههههه
عسل قوي يا مرمر
بجد تسلم ايدك
كنت محتاج افك شويه من الهم

شكراااااااااا
سلامو عليكو

mrmr يقول...

ست الحسن والجمال
اهلا بيك
ده شرف ليا قبل ما يكون لمدونتى
انك تيجى وتزورينى
انا برحب جدا بصداقتك واتمنى يدوم الحب
نورتينى يا قمر

mrmr يقول...

انسان عادى
كل ما تتزنق ......
اقصد كل ما تكون مهموم وزعلان ح تلاقى المدونه فتحالك مقالاتها بتقولك تعالى اضحك من قلبك وارمى همومك
شرفت يا مسيووووو

باحث عن حب يقول...

اسف مكنتش متابع الفتره الاخيره والله يامرمر طالع عين..........
وانتى فاهمه طبعا
فى الامتحانات
بس الشيطان ده مصيبه والله جميله جدا جدا جدا
انا كل ما اشتاق للمدونات واكون خلاص طلبت نكد ادخل نت من التليفون وادخل مدونتك انا واصحابى ونضحك ضحك على النكت دى واقلهم دى صعيديه بلدياتى يابوى
ههههههههههه
والله
يارب يدخل عليكى السرور دايما يا مرمر

♥♥ شذا ♥ الروح ♥♥ يقول...

هههههههههههههههههههههههههههه


تحفه والله
زوقك يجنن حبيبتى

مزيد من التوفيق والرقى لشخصك النادر
هههههههههههههههههه

mrmr يقول...

محمووود
ايه ده يا محمووووود
ههههههههه
ازيك يا مستر
بجد مفتقداك يا بلدياتى
ربنا معاك ويوفقك فى الامتحانات
ياللا يا بطل عايزين نفرح بيك ونقولك مبرووووووك عايزه ازغرت
على فكره انا شاطره قووووى
فى الزغاريتتتتت

Haytham Alsayes يقول...

ههههههههههههههههههههههههههه
مدونتك جميلة جدا


ربنا يكرمك

mrmr يقول...

Haytham Alsayes
مرحبا بيك
مدونتى زادت نور بوجودك

داليـ ـ ـ ـ ـ ـ ــــا يقول...

هههههههههههه

مرمريتا بجد كالعاده لذيذه

ربنا يضحكك دايما زى ما بضحكينا كده


تحياتى

mrmr يقول...

دودى
ازيك يا حبيبتى
بجد بجد نورتينى يا قمر انت
على فكره انا بحبك قوى وبحب اسلوبك جدا
ربنا يبارك فيكى يا قمر انتا

القالب صمم بواسطة
 نرحب بكل الأفكار والمقترحات التجارية