ركن المرأة شباب على طول امنياتى جرائد وصحف

الأحد، يونيو 27، 2010

سمك .. لبن .. تمر صعيدى

  

  - مسطول حاضر عزاء واحدة حلوة
المقرئ قال
اذكروا محاسن موتاكم
قال المسطول
الله يرحمها كانت صاروخ!!

- صعيدى اشترى موبايل سامسونج
بعت رساله لخطيبته
متتصليش على النوكيا علشان بعته

- محشش قاعد عالشط شاف واحد بيغرق
كل ما يرفع ايده يقوله
عليكم السلام

- واحد بيشرح درس عن الحجاب وبعد ما خلص
قالت بنت: انا اقتنعت وهلبس العباية والنقاب
قالها: الله ينور عليكي ده مفتاح الجنة
بنت تانية قالت: بس انا بحب اطلع بالشورت والمايوه
قالها: الله ينور عليكي ده مفتاح شقتي

- واحد و مراته بيكرهوا بعض
مسافرين بالعربية
عدوا على مزرعة بقر قالها:
يقربولك دول؟
قالتله : أيوة أهل جوزى

- ابن هيفاء وهبى بيعيط فى الفصل سأله المدرس :
 ماالك قاله عاوز مامى
 قاله اقعد وانت ساكت ياحبيبى كلنا عاوزين امك
 وقاعدين ساكتين

- دليفرى بيسأل شيخ شغلتى حلال ولا حرام قاله انت مؤمن قاله لا كنتاكى

- صعيدى قاعد يمتحن جاله سؤال
ضع إن فى جمله كتب اشتريت تيلفون إن سبعين

- مدرسة روضة قالت لتلميذ
عد لخمسة و أديك بوسة ... راح قالها طب أعد لعشرة و نسهر سوا

- واحده مصريه سافرت اسرائيل
 ورجعت حامل قالت لجوزها ابسط ياعم جبتلك اسير يهودى

- اتنين مساطيل واحد بيقول للتانى
 هو لو خنتك مع مراتك نبقى نسايب قاله لا نبقى خالصين

- صعيدى روح لقى مراته نايمة مع واحد
 راح ساحب سكينة و راح يقتله
 لقى الراجل بيقوله استنى ... احنا الكاميرا الخفية
مات الصعيدى على روحه من الضحك و قال :
 مش ممكن يا جماعة دى خامس مرة تعملوها فيا و متذيعوهاش
- واحد غبي ركب العربية بالليل
 و لقى الدركسيون و الفرامل مسروقين ... فراح القسم وعمل محضر سرقة
 تانى يوم الصبح راح لاغى المحضر ليه؟؟؟؟؟؟؟؟
 إكتشف انه كان راكب ورا

- واحده قالت لجوزها بمناسبه  25 سنه على جوازنا ادبح خروفين
قالها وايه ذنب الخروفين فى غلطه
ارتكبها الحمار

- مره واحد عدى على واحد صاحبه بخيل اوى
 لقاه حاطط ايده على عين الشمال
 وبيبص بالتانيه
بيقوله مال عينك ؟ قالوا ما انا شايفك بواحده . اشغل التانيه ليه

- سواق قتل 60 واحد في حادثة
 لما سأله الظابط ليه قتلتهم؟
 قال له كنت ماشي وبعدين فجاة العجلة ضربت منى
ولقيت على يميني فرح وعلى شمالي راجلين ... ادخل في مين ؟
قاله الظابط ادخل في الراجلين.. قاله م انا دخلت في واحد
والتاني دخل الفرح 
 اسيبه ؟

- مره دكتور مجانين دخل على العيانين بتوعوا العنبر
لقاهم معلقين واحد مكان النجفه بيلفوا حوليه
 وبيغنوا النور جه النور جه
 ولقى مجنون قاعد ساكت لوحده
 فقله الدكتور انت مش فرحان زييهم بالنور ليه  ؟
قاله يادكتور طيب دوول مجانين حد يعمل كده برده
 قاله كويس يعني انت عاقل ؟؟  قاله طبعا
 قاله طيب ليه مش خليتهم ينزلوه
 رد عليه المجنون كده برده يا دكتور يعني ننزله ونقعد في الضلمه

- مرة جماعة راكبين عربية أجرة و مسافرين
 و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها

- بطيخه بتقول للخضار متخلوش البصل يجى هنا
علشان الناس بتطفش
البصل سمع الكلام فزعق وقال
تروح تشوف نفسها الصايعه
اى حد يطبطب عليها تروح معاه

- واحد بيقول لصاحبه عيب مراتك تحدفك بالشبشب واحنا قاعدين
قاله: بس بزمتك جه فيا؟

- واحد بخيل عنده اربع حيطان دهن واحده منهم باللون الاصفر 
والباقى كتب عليهم نفس اللون
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

24 التعليقات:

Ramy يقول...

هههههههههههه

بس فى شوية عاوزين الرقابة (:

ضحكتينى قبل ما اروح (:

تصبحى على خير

أتنين حبيبين يقول...

ههههههههههههههههههههههههههه

ههههههههههههههههههههههههههههههههههه


الله عليكى وربنا مالكيش حل
ربنا يسعدك زى ما بتسعدى الناس يا ارق مرمر بالوجود

احبك فى الله

أتنين حبيبين يقول...

على فكره

أنتى جميله أوووى وأنا أرتحت ليكى والله
(:

(:

mrmr يقول...

رامى
ههههههههه
ربا يسعدك ديما وتبقى مبسوط
على فكره انا ليا السماء
علشان بقدر اضحك حد وهو مهموم ومضايق
شكرا ليك يا رامى
طول عمرك سباق بالخير
ربنا يسعدك ويحافظ عليك

Sharm يقول...

رهيبة

mrmr يقول...

توتا حبيبه قلبى
انا بموووت فيكى بجد
وحاسه اننا بقينا عائله واحده
ربنا يسعد اوقاتك يارب ويفرحك ديما
ويخلليك حسام ويباركلك فيه
ربنا معاكى ويحافظ عليكى

mrmr يقول...

شارم
اهلا بيك با مسيو
شرفتنى ونورتنى وياريت تكون الباقه دى عجبتك
ربنا معاك ويحافظ عليك

Silver Eyes يقول...

صباح الخير يا مرمر
ازيك يا جميلة ؟
يارب تكونى بخير

انا شوفت البلوجاية دى بالصدفة
وبجد ميرسى جدا ليكى ع الابتسامة اللى اترسمت ع وشى
وبجد خرجتنى من موود مش لطيف ..

ضحكت بجد وفى حاجات ملهاش حل
ربنا يكرمك

تحياتى ليكى ف اول زيارة :)

mrmr يقول...

Silver Eyes
صباح الاقشطه والفل الابيض على عيونك
ومرحبا بيكى فى اول زياره واتمنى انها متكنش الاخيره
ياسلام يا حبى قد ايه ببقى سعيده قوى لما اعرف انى قدرت ارسم ابتسامه جميله على الوشوش ودى فعلا دعوتى مش مجرد تسالى وبس دى دعوه حقيقيه للضحك من القلب
نورتينى
وربنا معاكى ويحافظ عليكى

محمود(باحث عن حب) يقول...

ooooooooooooooooooooooooooooo
خخخخخخخخخخخخخخخخخخخخخخخخخخخخ
عثل والله جميله جدا
يا باشا

mrmr يقول...

اهلا يا حوده
الله يعسل اهلك يا سوهاجى
اتاخرت ياحوده انت تملى بتبقى فى المركز الاول
يللا بقى واضح انك اخذت الاجازه ومقضيها فسح
ربنا يسعدك ويكون معاك

حاجات جوايا يقول...

هههههههههههههههههههههههههههه
حلوين جدا جدا جدا

وفيهم حاجات ملهاش حل بجد

ربنا يكرمك يا مرمر ويزيل همك وكربك يارب
ويجازيكى كل الخير

صباحك عسل

mrmr يقول...

حاجات جوايا
انا فعلا حاجات جوايا جميله من ناحيتك
ربنا يكرمك ويشيل كل هم وغم على كل جنس البشر
شكرا يا عمرى
وربنا معاكى ويحافظ عليى

MR.PRESIDENT يقول...

هههههههههههههه
ماشي
النكت علي فكرة ظريفة
سلمت الانامل

MR.PRESIDENT يقول...
أزال المؤلف هذا التعليق.
الحب الجميل يقول...

ههههههههههههه

نكت حلوا أوى
ههههه

حلوا بتاعة الكاميرا الخفيه دى ضحكتنى كتير

تسلم ايدك يامرموره
ومتجمعين عندك كدا دايما يارب

دمتى بخير يامراميرووووووو

mrmr يقول...

اهلا يا ريس
يارب منونى ديما كده
بس ايه ماشى دى
شكلك مستحلفلى هوانا عملت حاجه
بريئه يا ريس بريئه يا بيه
سماح النوبه
هههههه

mrmr يقول...

حبك جميل
مش حقول غير كده حبك جميل
منورانى يا غاليه ويارب ديما كده على وفاق وحب وود واقدر افك شويه عن المهموم والزعلان
شرفتينى واسعدنى جدا انضمامك ليا
دمتى بحب جميل

ابو فارس يقول...

هههههههههههههههه
اعجبني سواق البيجو
تحياتي

mrmr يقول...

ابو فارس الهمام
اهلا بيك
ربنا ما يحرمنى من زيارتك ليا
دمت فى سعاده

جنّي يقول...

السلام عليكم

نكت هايلة ..

اضحكتينا والله ..

اضحك الله سنك ..

mrmr يقول...

جنى
اهلا بيك
شرفتنى ونورتنى
ربنا يسعدك ويفرحك ديما
وشكرا لزيارتك ليا

الشـــــوكه النــاعمه يقول...

لا بجد مصيبه
هههههههههههههههه
دمهم سكر
اضحك الله سنك

mrmr يقول...

الشوكه الناعمه
اهلا ومرحب بيكى
نورتينى يا جميل ربنا يسعدك ويحافظ عليكى

القالب صمم بواسطة
 نرحب بكل الأفكار والمقترحات التجارية