ركن المرأة شباب على طول امنياتى جرائد وصحف

الخميس، يوليو 01، 2010

وه يا بووووووووووى



-  تسعة بلدياتنا حبوا يبقوا مشهورين
 كونوا فرقة وسموا نفسهم ثلاثي أضواء المسرح



- واحد في مأتم واحد بلدينا مات امبارح، بيسأل، هو بلدينا مات بإيه؟
رد عليه اللي جنبه: حط إيده في برميل مية نار
قال له: طيب وهو اللي يحط إيده في برميل مية نار يموت؟
قال له: لأ، ماهو لما مالاقاش إيده ...
 دخل راسه في البرميل عشان يدور عليها!!



- بيقولك ليه بلدينا بيكون ذكي لما يطلع من الصعيد؟
علشان بيكون خارج نطاق التغطية



 - بلدينا من سوهاج سمع في النشرة إن فيه عاصفة جاية على سوهاج،
 كتب على مدخل المدينة: مرحبا بك في أسيوط
- واحد بلدينا بيقول لواحد ثاني: عيني اليمين واجعاني قوي يابوي
وكل ماافتحها أشوف نقط سودا

قال له: طيب شفت دكتور عيون ؟

قال له: يا بني آدم باقول لك شفت نقط سودا



- واحد ياباني شغال في مشروع في قبلي
، قام فات على بقالة عشان عايز يشتري عشر علب بيبسي،

قال لبلادينا: كوميهاني سيبة موفا كالاو بيبسي

بلدينا رد عليه: بتقول إيه؟ عايز عشر علب إيه؟
 

- بلدينا راح عند القصر الجمهوري وكلم العسكري اللي هناك

قال له: أنا عايز أترشح لرئاسة الجمهورية

قال له العسكري: إنت حمار ولا إيه؟

بلدينا قال له: ليه؟ هو شرط يعني؟؟؟؟



  - بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

26 التعليقات:

محمود(باحث عن حب) يقول...

الاول
ياباشا
برضو كده
كمان سوهاج يعنى مفيش بلد فى قبلى الا سوهاج ماشى
ماشى
وكمان رئاسه جمهوريه انتى هتودينا ورا السمس يابنتى
بس فعلا
واااااااااه
واه
واه
يابووووووووووووووووووووووووووى

mrmr يقول...

ههههههههه
اهلا يا حوده
مكانك محجوز
وبعدين يا سيدى انا عندى انتماء لبلدى
مش احسن من انى ابقى ذى القرع امد لبره
يوووووه يا بوووووى
سعيده بيك قوى يا حوده
نورتنى

MR.PRESIDENT يقول...

أكثر نكته عجبتني دي يعني فهم اليباني ومفهمش كولا بيبسي ..
"
- واحد ياباني شغال في مشروع في قبلي
، قام فات على بقالة عشان عايز يشتري عشر علب بيبسي،
قال لبلادينا: كوميهاني سيبة موفا كالاو بيبسي
بلدينا رد عليه: بتقول إيه؟ عايز عشر علب إيه؟ "

تسلم الأيادي ........ بجد النكته دي حلوة .. فكرتني بنكته شبهها ولا أقولك مش لازم أقولها .سلمت الأنامل .,.

mrmr يقول...

اهلا ياريس
انت سبقتنى
انا لسه جايه من عندك واجى القيك هنا
طول عمرك سباق فى الخير
شكرا لزيارتك ومتابعتك
ربنا يسعد قلبك ويكون معاك

Tarkieb يقول...

نكتة برميل مية النار جميلة اوووووي والله ضحكت اوووووي هههههه...تسلم ايديكي...

الحب الجميل يقول...

أزيك يامراميروووووووو
وحشتينى
حبك الجميل جاى يضحك شوى عندك

وه يامرمر ايه النكت اللى زى العسل دى
بجد حلوه اوى بتاعة مية النار
هههه ضحكتنى كتيررررررر

دمتى سعيده وسعدانه معاكى

ابو فارس يقول...

السلام عليكم
انا مستغرب من شيء كل نكتك علي الصعايده ليش؟
دي حتي الصعايده مبقولوش نكت
ديمن مشغولين؟
تحياتي

Ramy يقول...

لالالالا جامدين قوى المرة دى بجد

انتى قولتى سوهاج علشان متزعليش حد يعنى (:

لا بس بتاعة اليابنى جامدة بجد

و بعدين تعالى بقى انتى مضايقة يعنى نعرف كدة من تعليقك عند توتا

لو فى اى حاجة نقدر نعملها قولي بس و ربنا يسهل

ربنا معاكى و يباركك

mrmr يقول...

تراكيب
اهلا بيك منورنى
ربنا يسعدك ويحافظ عليك

mrmr يقول...

حبى الجميل
ازيك يا قمرايتى
بجد وانت ذى العسل الابيض اللى بشمعه
بيقولك واحدة قالت لجوزها لو ماكونتش اتجوزتنى كان حياتك حتبقى فاضية ؟؟ قاللها ايوه بس محفظتى كانت حتكون مليانه
روحى يا بنتى رينا يسعدك ويحافظ عليكى

mrmr يقول...

ابو فارس الهمام
مرحبا
انت مندهش ليه مش لازم كل واحد يبقى له انتماء لبلده
بيقولك ان الصعايده زعلوا قوى من النكت اللى الناس بيطلعوها عليهم
راحوا لموا كل الكتب اللى مكتوب فيها النكت ورموها فى النيل تانى يوم لقيوا السمك طالع من الميه عمال يضحك
هههههههه
شرفتنى وابقى تعالى اضحك عندنا
( بالصعيدى )
ههههههه

mrmr يقول...

رامى باشا
اهلا بالرجل الهمام والفارس الشجاع
اى خدمه بعد كده ح ابطل انشر نكت
حاحضر كياس واعبيها زغازيغ الزغزوغ الواحد بـ 2 ونص واقعد انده ياللا يا جدع ياللا ياست كيس الزغازيع باتنين ونص وكله باتنين ونص وياللا ياجدع كله ببلاش كده .
عارف انا فعلا عرفت قد ايه الممثلين الكوميدين اذاى بيقى حالهم وهما مضايقين وبالرغم من ذلك برضه بيؤدى واجبهم
على قد الضيقه اللى انا فيها لكن محبتش انها تستمر كتير
وفكيت معاكم وبيكم
حقيقى التدوين بيرفق بحالى كتير
شكرا لسؤالك واهتمامك
ربنا يسعدك ويباركك ويكون معاك

Ramy يقول...

شكرا على أية بس

الواحد بس مش فى ايدة حاجة غير السؤال من وراء شاشات الكمبيوتر (:

انت تمام دلوقت

بس ابقى احجزيلى كسين الله يخليكى

على فكرة كيس الجوافة صيتنى الناس كلها عاوزة جوافة (:(:

mrmr يقول...

رامى
انا لسه جايه من عندك
قولى طلباتك عايز كام كيس
اصلها الكميه محدوده ثمن العرض ثابت ثمن الشحن ثابت بس ادينا العنوان يوصللك لحد البيت

وبعدين الكل طمعان فى الجوافه
ما فيش جوافه خلصت
ابقى اطلع من الخزين اللى فى الديب

وبعدين انت ابو الكرم فك الكيس ياللا ورش رشه جريئه على كل حبايبنا وبلاها سوسو اقصد بلاها جوافه خليها عنب
على الاقل حباته كتييير
كل واحد حبه واحده بس

انا بخير شاكره ربنا كتير هو بس ضغط الشغل اليومين دول وتقفيل الميزانيه
ربنا معاك ويباركك

Ramy يقول...

مرمر

انتى سبتى تعليق عندى اصلى انا بشوف كدة التعليقات لقيت اتنين دخلت لقتهم واحد قريت نشرته متنشرش فبشعارف ممكن يكون انتى التعليق التانى اللى مشفتهوش

انا اسف بس معرفش الريدر عمل كدة ليه

تقبلى اعتذارى

mrmr يقول...

ولا يهمك رامى
انا كتبتلك تعليق جديد يارب يوصل

Silver Eyes يقول...

مرمر
يارب تكونى بخير يا جميلة :)

نكتة الراجل اليابانى ورئاسة الجمهورية جامدين اووى

تسلم ايدك بجد ع الضحك دا يا بلدينا
سورى
قصدى يا مرمر (وش بيغمز)

ربنا يكرمك ويسعدك يارب
انتى بتجيبى الحاجات دى منين بس

تحياتى :)

الشهاب يقول...

هههههههههههههههههههههههههه
جميله
يا مرمر
يارب يسعد ايامك

mrmr يقول...

Silver Eyes
اهلا اهلا بالقمرايه اللى منوارانى
وانا اقول ايه النور اللى فج من المدونه مره واحده ده

بيقولك واحد بيقول لصاحبه هوانا لما ابوس اختك نبقى نسايب قاله لأ نبقى خالصين
ههههه شرفتى يا قمر ابقى تعالى وهاتى طبق احطلك شويه زغازيغ وح اتوصى بيكى وحكرمك اخر كرم
وربنا يكرمنا كلنا باذن الله

mrmr يقول...

الشهاب
مرحب بيك
بس انا عايزه اعرف حاجه
محمود باحث عن حب هو صاحب مدونه الشهاب نفس الشخص اصلى اختك سعات بتتلخبط
افدنى اعمل فيا معروف
ونورت يا بلدينا

محمود(باحث عن حب) يقول...

هههههههههههههههههههههههههه
بصى انا بتاع باحث عن حب والشهاب
تمام
واخويا فى الله محمود صديقى بتاع مدونه نفسى تفرح بيا يارب
ومسمى نفسه الشهاب
انا اصلا بتلغبط
بس كده
انا برد بالنيابه عنه
وعلى فكره هو صديق العمر
ومن بلد واحده
وكمان من معهد ازهرى واحد

mrmr يقول...

محمود
نورت المحكمه
ربنا يديم المحبه بينك وبين صديق عمرك

عصـــــــــــام الــــديــن يقول...

http://www.sofsafa.blogspot.com/

أتنين حبيبين يقول...

هههههههههههههههههههههههههه

ووووووووووووووووووووواه
يابوووووووووووووى
واجدع سلام شحط محط صعيدى سوهاجى
وسمعنى سلام التيت الواد بيحب البت
تراترات تيره هع هع هع
جميله يا مرمر

هههههههههههههههههه

توتا

mrmr يقول...

عصام الدين
وصلت الرساله و شكرا للزياره

mrmr يقول...

توتا
حبيبه قلبى
انت الاجمل يا حبى
ربنا يبارك فيكى وميحرمنيش منك

القالب صمم بواسطة
 نرحب بكل الأفكار والمقترحات التجارية