ركن المرأة شباب على طول امنياتى جرائد وصحف

الجمعة، يوليو 30، 2010

من مسطول لسكران لمحشش يا قلبى ما تحزن



- حشاش بيقول لصاحبه:
انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك
 

- مرة واحد بيموت جمع أولاده كلهم علشان يوصيهم فنادي علي أكبرهم وقال له
أمسك عود الحطب ده وأكسره ، الولد مسكه كسره
 قاله أمسك عشر وأكسرهم  مسكهم كسرهم
 الأب : أمسك 100 عود وأكسره ، الولد مسكهم وكسرهم ، فرد
الأب وهو ينظر لأولاده الأخرين : طول مامعاكم البغل ده مايتخفش عليكم
 

- واحد اهبل قالوله الحق مرااتك قاعدة مع صاحبك فى الجنينه
راح بسرعه ورجع يقولهم هم شجرتين عملتوهم جنينه
 

- مسطول مسك مرايا قال :الوش دة مش غريب عليا
صاحبه مسك منه المرايا قاله:انت غبى دة انا
 

- مساطيل بيكتبوا محاضرة وراء الدكتور كل ما يمسح السبورة يقطعوا الورقه
 

- طريقة تعذيب الفتاه المصرية.. أربطها وخلى الموبايل بتاعها يرن
 

- واحدة بتعيط فاخوها بيقولها بتعيطى لية؟
 قالتلو جوزى بيكدب عليا امبارح بسألو انت كنت بايت فين؟
قالى عند محسن
وانا اللى كنت بايتة مع محسن طول الليل
 

- مرة ولد بيسال مامته انا جيت ازاي
 قلتلوا احنا حطينا شوية سكر علي الارض وفي اليوم اللي بعد لقيناك جيت
فالواد حط سكر علي الارض في اليوم اللي بعده
لقي صرصار راح قالوا لولا انت ابني كنت دوست عليك


  - مرة واحد حرامي راح يسرق باب واحد مسطول
  اخد الباب الحرامى و طلع يجري والمسطول قعد يجري وراه، وفجأة الاتنين تعبوا
 فقعد الحرامي يستريح، و التاني المسطول راح جاي عنده و قعد يخبط على الباب
 و هو بيقولو ...أفتح يا جبااااان
 

- واحد سكران قاعد بيشرب خمرة وعنده بغبغان كل شويه البغبغان يقوله
 هات كاس يقوله اقعد ساكت هنتفلك ريشك
 البغبغان يقوله هات كاس
 يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو


  - مرة اثنين مساطيل قاعدين على القهوة
 فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة
 

- اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
 

- سكران بيتمنى رمضان يبقى زى كاس العالم كل اربع سنين وكل مره فى بلد
 

- واحد غبي كان بيدق مسمار في الحيطه فوقع فقاله تعالى ما جاش
 تعالى ما جاش، قام جاب شويه مسامير ورماهم عليه وقالهم...هاتووووووه
 

- محشش قطع رأس أخوه وهو نايم...وقعد يضحك
ويقول:
 هيتجنن لما يصحى الصبح وميلقهاش !!
 

- اتنين بيحششوا الأول بيقول للتاني
 الحشيش ده جامد فالتاني قاله مانا لسه مطلعه من الفريزر
 

- مساطيل سايقين عربيه نقل فالاول بيقول للتاني خالي بالك هتخبط في شجره ...خالي بالك هتخبط في شجره.........
خالباااااااااااااااااااااااااااالك
التاني: والله انت الي سايق والله انت الي سايق والله انت الي سايق 
 
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

29 التعليقات:

سبايدرمان يقول...

اول تعليق ليا
^___________^

سبايدرمان يقول...

حلوووييين قوي قوي النكت دي
^_^

......

بيقولك مره اثنين مساطيل راكبين عربيه ، و سايقين بسرعه جدا و خبطوا واحد وهو ماشي في الشارع ، فوقفوا بسرعه فالأول بيقول للثاني ، انزل كده شوف الراجل مات ؟ فالراجل الثاني نزل و قاله حرك العربيه و اطلع لقدام شويه ، كمان كمان ، لالا يمين بقي شويه ، بالراحه يا عم ، يمين عليك ، كمان شويه ، بـــــــــــس اهو كده الراجل ماااااات

هههههههههههههههههههههههه

محمود(باحث عن حب) يقول...

طلع هو اللى سايق
ههههههههههههههههههههه
ايوة كده
التغيير مطلوب
صباح العثل
ياعثل

الحب الجميل يقول...

صباح الخير
يارب دايما ترسمى الضحكه على وجهنا
مرسيى ليكى يا مرموره على النكت الجميله دى
نكته مساطيل بيكتبوا محاضره وراء الدكتور ....
جميله اوى
تسلم ايدك يا مرمر
دمتى فى حفظ الرحمن
جمعه مباركه

شهرزاد يقول...

تسلموا على النكت الظريفة
الله يجعل ايامكم كلها ضحك

Tarkieb يقول...

ههههههههه وكلهم جامدين اوووووي انت قاعدة على ماكينة نكت؟؟؟؟؟ههههه

sony2000 يقول...

بجد حلوين جداااااااااااااا
وكل شويه بتتحفينا بحجااااات:))

mrmr يقول...

سبايدرمان

ديما منورنى

ربنا يسعدك ويحافظ عليك

mrmr يقول...

حوده

اهلا يا بلدياتى
ديما كده مشرفنى ومنور ابتسامات

ربنا يبارك حياتك

mrmr يقول...

حبى الجميل

اهلا يا قمر

وحشانى

سلميلى على لولو القمر دى

ربنا يبارك حياتك ويسعدك

mrmr يقول...

شهر زاد

ربنا يديم عليكى الفرح والابتسامه

شكرا للزياره

ربنا يسعدك

mrmr يقول...

تراكيبووووووووووووووا

كان نفسى اكون قاعده على ماكينه فلووووووووووووووووس كان يبقى احسن

ديما منورنى وسباق فى الخير

ربنا يسعدك ويحافظ عليك

mrmr يقول...

سونى
يا مراحب يا مراحب

مرسى يا جميل احنا فى الخدمه

ربنا يسعدك ويفرح قلبك

عمرو يسرى يقول...

هههههههههههههههههههههه جميله اوى النكت ديه ربنا يسعد ايامك

MR.PRESIDENT يقول...

هعععععععع هععععععع ضحكة صعيدي
ازيك يا حجة
تكرمي علي النكت

احلي 3 نكت

- حشاش بيقول لصاحبه:انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك


- مسطول مسك مرايا قال :الوش دة مش غريب عليا صاحبه مسك منه المرايا قاله:انت غبى دة انا


- مساطيل بيكتبوا محاضرة وراء الدكتور كل ما يمسح السبورة يقطعوا الورقه

mrmr يقول...

عمرو

مرحبا بيك

منورنى

ربنا يسعد اوقاتك

mrmr يقول...

اهلا برئيسنا المحبوب

خلى الضحكه الصعيدى دى لينا
انت تضحكها ليه

ربنا يبارك حياتك ويسعدك

MR.PRESIDENT يقول...

" أنا احترم الاخوة السعودين علي فكرة "

يقال أن طالباً سعودياً في برلين بعث برسالة إلى والده يقول فيها:
الناس لطفاء في برلين وأنا سعيد هنا، لكني أشعر بالخجل لأني أذهب للجامعة في سيارة فيراري مذهبة
فيما يحضر زملائي والمدرسون في القطار..
فرد الأب على ابنه قائلاً:
ابني الحبيب، لقد حولت لك 20 مليون دولار
أرجوك توقف عن إحراجنا، اذهب الآن واشتر لك قطاراً مثلهم :D

المصدر
نكتة منتشرة في مواقع أمريكية

mrmr يقول...

تسلم يا ريس
حلووووووه بجد
بس اكيد والده ده صعيدىىىىىىىى

ثانكس

وتصبح على خير

ذئب السهوب يقول...

مدونة جميلة تلمي علي المجهود الاكثر من رائع اسمحيلي ان اضيف مدونتك لدي
مع تحياتي

mrmr يقول...

ذئب السهوب

اهلا بحضرتك وشكرا لزوقك انا سعيده انها حازت اعجابك
نورتنى

المدونه كلها تحت امرك

khaled يقول...

هههههههه
بتجيبي الحاجات الحلوة دي منين بس
قولي ماتخافيش مش هافتن
صور تعذيب البنات كتير كفاية انك تحطي لازقة على بقها ههههههههههه
خدي دي
حمار بيقول لحمارة انا طلبتك من ابوكي راح رفسني
حمار بيعاكس حمارة في الشارع التفتتله وقالت لو ماسكتش هانهق والم عليك الناس
مستنيين الجديد
سلام

Ramy يقول...

mrmr
سوررى ع التأخير

جامدين جدا (:(:

تسلم ايدك بجد (:

mrmr يقول...

خالد باشا
اهلا يا مراحب
حلوين الحمير دول
ههههههههه
منورنى وتعيش وتنورنى

ربنا يسعدك

mrmr يقول...

رامى

ولا يهمك ظروفك كده نعمل ايه
نستحملك وامرنا لله
المهم سلملنا على البير وكل اللى فى الاقصر

ربنا يبارك حياتك ويسعدك

♥♥ سكنـــ روحي ــت♥♥ يقول...

هههههههههه
كتير حلوة ضحكاتك
تسلمى

mrmr يقول...

سكنت روحى

اهلا بيكى يا قمر
شرفتى ونورتى

اتمنى تكون ابتسامات نالك اعجابك

ربنا يسعدك

تويتي فلسطين يقول...

تسلمي على هالنكت الروعه هههههه


بس ليش اغلبيتهم عن المحششين او المساطيل

وعنجد احلى شي في الدنيا الضحك

على فكره مدونتك جميله


تحياتي

mrmr يقول...

تويتى فلسطين

اهلا يا قمر

نورتى ابتسامات وياريت تكون فعلا عجبتك
البوست ده للمحششين والمساطيل
قولى يا جميل عايزه ايه وطلباتك اوامر
احنا بنحب نريح الزبوووووووون
هههههههههههه

ربنا يسعدك

القالب صمم بواسطة
 نرحب بكل الأفكار والمقترحات التجارية