اغلبيه نساء العالم بيتهموا أزواجهم بأنهم بيحبو الشغل أكثر منهم
فعملوا إستفتاء بين الرجال العاملين
وفاز به أحد الرجال.. ودى كانت أجابته على الاسئله
صريحه للغايه... وقااااااااال
أنا بالاصالة عن نفسي ونيابة عن الرجال اجمعين أعترف بأن هذا صحيح
صحيح 100%
صحيح ليه....بقى؟؟؟؟؟؟؟
لي أسبابي ومبرراتي التي اتمنى منكم التفكير فيها بعين العقل
والرأئفه بالرجااااااال
أولا
الشغل بيصرف عليّ ....
بس أنا اللي أصرف عليها!!!
ثانيا
في الشغل ممكن تزعق براحتك و زعيقك يجيب نتيجة...
لكن مع مراتك صعب أوى انك تزعق براحتك ومهما زعقت
مش هيجيب نتيجة ابدا
ثالثا
ممكن تزوغ من الشغل في أي وقت من غير ماحد ياخد باله
أو حد من الزملاء يغطيك
أنما تزوغ من مراتك .. هيهات ..أنسى ... كان غيرك اشطر
رابعا
في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. أو أي حاجة مش ممكن ترضيها !!!
خامسا
في الشغل من حقك تاخد أجازه...عندك عارض واعتيادي
دا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخد أجازه.....
بالعكس دانت لازم تلزق معها يوم إجازتك و إلا يبقى نهار اهلك مالوش ملامح.....!!!!
سادسا
في الشغل ممكن تترقى و تاخد منصب بيه....وباشا كمان
ويبقى لك مكتب لوحدك ...... و مراسل.....و سكرتيره خاصة ….
والكل يضرب لك تعظيم سلام....
إنما في ا لبيت ح تعيش زوج وتموت زوج......
واللقب الوحيد اللي ممكن تاخده لما تنادى عليك مراتك وتقولك.... يا بابا......
أو...... .يا حاج........... ولما تعجز... تقولك.....يا راجل يا بركه
سابعا
الشغل لو زهقت منه ممكن تسيبه بدون مشاكل..... وبسهوله ....
أنما مع مراتك......لو روحك طلعت.....
لازم تحط في بقك كوتش وتفكر مليون مره.....
في المحاكم والمؤخر و النفقة.. والعيال
ثامنا
في الشغل....لو سبته ....أو بلغت سن المعاش بتاخد مكافأة كبيره....
ومعاش...وحفله تكريم ....
أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......
وشقه كمان........ وتتحبس لو ما دفعتش
تاسعا
ممكن تغير شغلك وتتنقل لغيره لو لقيت شغل أحسن منه
في حين مراتك ماتقدرش تغيرها........
عاشرا
في الشغل....متأمن عليك عشان لو حصل لك حاجه.......
انما بقى لو حصل لك حاجه.....مراتك هي اللي هاتقبض التأمين
في النهاية ....قوول بصراحه ومن غير خوووف
بتحب مين أكتر...مراتك ولا شغلك ؟؟
خليك شجااااع ولو مره وااااحده
أنشر الموضوع فى المفضلات الاجتماعية من هنا
15 التعليقات:
ههههههههه طب واللي عاطل يعمل اية؟
ههههههههه
اللهم اكفنا شرهم
ههه اللي كتب هذا اكيد مفروس من الصنف كله
تراكيب
مرحبا بيك
عايزه اقولك العاطل يا بخته اسعد راجل فى الدنيا مش حيلاقى حد يحاسبه لكن ربنا يبعتله شغل علشان يكفى نفسه بس مش اكتر ..
ونصيحه خاصه للعاطل ده بعد ما يلاقى وظيفه حكوميه ... وطبعا مش حيلاقيها .... هى الحدايه بترمى كتاكيت ... خليك كده عازب
اوعى تفكر فى الزوااااج
دى نصيحه بس ما تعملش بيها
ههههه
شااااااارم
احنا شر
الله يسامحك
دا احنا النص الحلللللو .. هههههه
ربنا يزرقك بالزوجه الصالحه اللى تخليك تغير فكرتك
اللهم امين
شرفتنى
خواطر
اهلا اهلا
حمد الله بالسلامه
اجازه سعيده انا برضه حاعمل زيك واخذ اجازه بس لسه وقتها
ربنا يسهل
الرجاله يا حبيتى ميعجبهمش العجب ولا الصيام فى رجب ولا شعبان ولا رمضان
ده لو قدتى صوابعك شمع برضه مش عاجب
ربنا يهدى عبيده
الرجال أم أشباه الرجال أم أنصاف الرجال أم المخنثين من الإناث؟
حددي بالظبط يا صعيدية
صباح الرضا
مرحب يا صعيدى
هما فعلا الرجال انواااااع ده من النوع المستأنث ما بيخوفش واللى عايش يعيش
مساءك سكر مكرر
استر يارب دني حطلق الوليه والذنب في رقبتك قبل مترقي وتلهف العلاوه
هههههههههه
تسلم ايدك
تحياتي
اهلا يا ابو فارس
انت يعنى بتشتغل ليه مش علشان تصرف عليها
وبعد كده تشكر ربنا كتير انها مش بتطلب منك مرتب فالزوجه مهنتها
1 زوجه
2- مدرسه
3- شغاله
4- طباخه
5- ومكوجى
6- وغساله
7-وبتنزل تشترى الخضار
يعنى سبع صنايع (اقصد مهنه )كل ده من غير مرتب
شوف بقى كل واحده من دول تدفع قد ايه فى الشهر
تبقى عايز 100 علاوه زياده علشان تكفى
الله يكووون فى العووووون
هههههههههههههههههههههه
جميله الكلمات والموقف وكمان
اللى كل كده
انتى فى جمعيه حمايه حقوق الرجال
الراجل واست الاتنين بيكملوا بعد
بعيدا عن الانانيه
فعلا
بيكملو ا بعض والواحد منهم من غير التانى
ملهووووووووووووووووووووش
لازوووووووووووووووووم
موضوع حلو خااااااااالص
يا مرمر
اهلا يا ابو حميد
اعتقد انك خلالالالالالالاص خلصت وخلصت
ربنا يوفقك بالنحاح ان شاء الله
اما بخصوص الرجال والستات عندك حق العالم بدون الرجل والمرأه ليس له طعم
فهما مكملين لبعض ومحدش يقدر يعيش لوحده
ربنا يبارك فى الازواج والزوجااااااات
شكرا يا بطل لزيارتك
السلام عليكم
مراتي طبعا .. من خاف سلم ..
يا ست مرمر انا اسمي سعيد والمدونة اسمها جنّي بكسر الجيم وتشديد النون .. يعني انا رجل ولكنك خاطبتيني في المدونة كبنت .. معلش حصل خير ..
جنى
انا اسفه جدا
بجد خطأ غير مقصود
العتب على النظر
اعمل ايه بقى السن له احكامه
سامحنى
شرفتنى واكيد مش حقع فى نفس الخطأ مره تانيه
مرمر
بجد انا مش مصدق انك من جنس النساء وتكتبي الكلام الجميل دة ودى فكرة جميلة كل طرف يكتب عن معانات الطرف الاخر حتي يتم تقريب وجهات النظر ..
مجهود جدا
تحياتي لك
انت يعني عملت لي دعوة في مدونتي ولم تكلفي نفسك للتعليق
منتظرك هناك
م / علي يونسي
إرسال تعليق