من مسطول لسكران لمحشش يا قلبى ما تحزن

- حشاش بيقول لصاحبه:

انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك

 

- مرة واحد بيموت جمع أولاده كلهم علشان يوصيهم فنادي علي أكبرهم وقال له

أمسك عود الحطب ده وأكسره ، الولد مسكه كسره

 قاله أمسك عشر وأكسرهم  مسكهم كسرهم

 الأب : أمسك 100 عود وأكسره ، الولد مسكهم وكسرهم ، فرد

الأب وهو ينظر لأولاده الأخرين : طول مامعاكم البغل ده مايتخفش عليكم

 

- واحد اهبل قالوله الحق مرااتك قاعدة مع صاحبك فى الجنينه

راح بسرعه ورجع يقولهم هم شجرتين عملتوهم جنينه

 

- مسطول مسك مرايا قال :الوش دة مش غريب عليا

صاحبه مسك منه المرايا قاله:انت غبى دة انا

 

- مساطيل بيكتبوا محاضرة وراء الدكتور كل ما يمسح السبورة يقطعوا الورقه

 

- طريقة تعذيب الفتاه المصرية.. أربطها وخلى الموبايل بتاعها يرن

 

- واحدة بتعيط فاخوها بيقولها بتعيطى لية؟

 قالتلو جوزى بيكدب عليا امبارح بسألو انت كنت بايت فين؟

قالى عند محسن

وانا اللى كنت بايتة مع محسن طول الليل

 

- مرة ولد بيسال مامته انا جيت ازاي

 قلتلوا احنا حطينا شوية سكر علي الارض وفي اليوم اللي بعد لقيناك جيت

فالواد حط سكر علي الارض في اليوم اللي بعده

لقي صرصار راح قالوا لولا انت ابني كنت دوست عليك

  - مرة واحد حرامي راح يسرق باب واحد مسطول

  اخد الباب الحرامى و طلع يجري والمسطول قعد يجري وراه، وفجأة الاتنين تعبوا

 فقعد الحرامي يستريح، و التاني المسطول راح جاي عنده و قعد يخبط على الباب

 و هو بيقولو ...أفتح يا جبااااان

 

- واحد سكران قاعد بيشرب خمرة وعنده بغبغان كل شويه البغبغان يقوله

 هات كاس يقوله اقعد ساكت هنتفلك ريشك

 البغبغان يقوله هات كاس

 يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو

  - مرة اثنين مساطيل قاعدين على القهوة

 فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة

 

- اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

 

- سكران بيتمنى رمضان يبقى زى كاس العالم كل اربع سنين وكل مره فى بلد

 

- واحد غبي كان بيدق مسمار في الحيطه فوقع فقاله تعالى ما جاش

 تعالى ما جاش، قام جاب شويه مسامير ورماهم عليه وقالهم...هاتووووووه

 

- محشش قطع رأس أخوه وهو نايم...وقعد يضحك

ويقول:

 هيتجنن لما يصحى الصبح وميلقهاش !!

 

- اتنين بيحششوا الأول بيقول للتاني

 الحشيش ده جامد فالتاني قاله مانا لسه مطلعه من الفريزر

 

- مساطيل سايقين عربيه نقل فالاول بيقول للتاني خالي بالك هتخبط في شجره ...خالي بالك هتخبط في شجره.........

خالباااااااااااااااااااااااااااالك

التاني: والله انت الي سايق والله انت الي سايق والله انت الي سايق 

 

أنشر الموضوع فى المفضلات الاجتماعية من هنا

شويه متلخبطين

- بلدياتنا قاعد يفكر مع نفسه ويقول :

جمبرى فى الطبق ؟ لا لا .. أرنب فى الجردل ؟ برضو لاء مش دى ..

 استكوزا فى البانيو ؟ يوووووه برضو مش دى .. انا هتصل اعرف من الدكتور وخلاص ... واتصل بالدكتور وسأله : يا دكتور هو انا عندى ايه ؟ الدكتور قاله ياعم قولتلك مليون مرة عندك سرطان فى  الحوض

  

 -  واحد في منتهي الغباء كل ما تشوفه الناس تقولوا يا غبي الراجل يعيني طهق

من حاله نظرات الناس عليه المهم بعد ما أجن راح للريس وقالو:الناس بتقولي انا غبي فهل انا غبي

الريس:؟؟ حنشوف ونعمل اختبارات ذكاء ماشي

الغبي:انا موافق هاتوه

الريس: مين الي انتصر في الحرب المسلمين ولا الكفار؟؟

الغبي:المسلمين طبعا

الريس: شاطر طب مين اللي كسب في ماتش امبارح الأهلي ولا الزمالك

الغبي:....الأهلي طبعا

الريس: طب ما أنتا شاطر اهو امال بيقولو انك غبي ليه!!!

الغبي:: معلش سؤال أخير

الريس:؟؟؟

الغبي:: هو المسلمين والأهلي حيلعبوا ع النهائي

ههههههههههههههه

 غبااااااااااااااااء فعلا بجد الغبي غبي

- مرة اتنين اصحاب متجوزين بيتكلموا مع بعض فواحد بيقول ياه دا احنا في الجنة هيدونا ستات قشطة .... التاني  طب و ستاتنا .... الاول  لأ لالالا

دول هيعذبوا بيهم الكفار .......

-  مرة واحد بيقول لمراته يا قطة قالتله لأ انا غزالة قالها المهم حيوانة و خلاص

- شباب بيدرسوا في أمريكا مات أبو واحد منهم ! واحتاروا يقولوا له ازاي

فواحد منهم متخلف قال:أنا هقوله

راح للي ابوه مات قاله: امته اخر مرة شفت أبوك؟ قال:قبل شهرين .....

 قاله أبقي قابلني لوشفه مرة ثاني

- مرة ضابط مصري وضابط اسرائيلي دار بينهم هذا الحوارالاسرائيلي:

 الا قوللي انتم بتاكلوا ايه ع الفطار؟؟

المصري: فول بالزيت.

الاسرائيلي: طب بتاكلوا ايه ع الغدا؟؟؟

المصري: فول بالطماطم.

الاسرائيلي: أمال بتاكلوا ايه بقى ع العشا؟؟

المصري: فول بالبيض.

الاسرائيلي بتريقة أمال ايه الفرق بينكم وبين والبهايم؟؟

المصري: سيناء

- فلاحة اول مرة تروح للكوافير بيسالها سشوار ولا صبغة قالتله لا فلينى

- مره نكته ماشية بتعيط ليه؟؟ عشان واحد ضحك عليها

- محشش قاعد ويا الجمهور في مباراآة ..

 والجمهور متحمس ويشجع ويقول هيه دلوقتى يجي الهدف الأول

[ جآب الفريق الهدف الأول ]

وبعدين قاموا يقولون هيه دلوقتى يجي الثآني

 [ وجآب الفريق الهدف الثآني ]

 فقآم المحشش وقال لهم : اخواني اللي شايف المباراة  قبل كده ما يتكلمش . .

- جحش ودنه مقطوعة قاعد يشوف نفسه في المرايه ويقول ياخساره دايماً الحلو ميكملش

- حين تري السماء سقفا لبيتك. . والقمر مصباح

لغرفتك..والعالم بأسرتك....فأعلم انك....احم احم......نايم في الشارع

- بيقولك مره واحد خلاص ها يتعلق فى حبل المشنقه راكبوه فى الحبل

وعلقوا لقوه عمال يرفس ويشاور قالوا نفكوا يمكن عاوز حاجه اول ما فكوه قالهم كانت ها اتخنق يا غبي

- المدرس يسأل الطلاب حيوان بيزحف ببطء شديد

أجاب السلحفاة

 قال المدرس أحسنت فين بيشتغل أبوك قال أبي دكتور

قال المدرس شفتوا أولاد الدكاترة اذاى أذكياء

سأل المدرس سؤال ثاني ماهو الطائر الذي يتكلم

 فأجاب الببغاء

فقال المدرس أحسنت فين بيشتغل أبوك قال أبي مهندس

 قال المدرس شفتوا أولاد المهندسين اذاى أذكياء

وبعدين سأل المدرس ماهو الطائر الذي يبدأ بحرف الــ تاء

فأجاب أحد الطلاب تمســـاح

 قال له المدرس أقف أقف ياغبي أبوك فين بيشتغل

 قال الطالب أبي بيشتغل بالمخابرات

 قال المدرس أحسنت التمساح إذا شد حيله ممكن يطير

 بارك الله فيك يا ولدي .. سلم لي علي أبوك 

أنشر الموضوع فى المفضلات الاجتماعية من هنا

تانى .. تانى ... تانى ورجعت مع حبايبى تانى

- صعيدى طلع رحلة و قعد جنب السواق

  فالسواق نزل استراحة ورجع لقى الفتيس مش موجود قالوا الفتيس راح فين !!! قالوا لجيتك طول الطريق عمال تشد فيه مش عارف تخلعه جولت اشلهولك

- واحد بلدياتنا دخل حمام افرنجي اخد معاه مترجم

- صعيدى واقف قدامه خمس شياطين واحد يوسوسله و اربعه يفهموه .

- اربع صعايدة راحو يلعبو بلياردو

 واحد منهم وقف فوق الطرابيزة وقال لهم انا الجوووون.

- صعيدي ابنه بيقوله بكره عيد الحب يابا

قاله : يوووه ايه الورطة دى!

 وده صلاته ازاي .

- صعايده بيلعبوا شطرنج الملك مات مشلول .

- بيسألوا واحد صعيدي بيقولوله

المصري بنى الأهرامات والياباني بنى إيه قالهم بنا سونيك .

- مجموعة صعايده ماتوا غرقانين في غواصة

بعد التحقيق في الحادث اكتشفوا أن واحد فيهم سمع خبط بره فتح يشوف مين .

- صعيدي أشترى تاكسي كل لما حد يقوله تاكسي يقوله أيوه تاكسي.

- صعيدي بيسأل صاحبه بيقوله إيه رأيك في تجارة المخدرات

قاله تجارة عين شمس أحسن .

- صعايده بلعبوا على قهوة

 واحد قال كش ملك والتاني قال دبش والثالث راح واخد الكوتشينة وماشى .

- واحد صعيدي حب يعمل روش كتب على الشومة أديداس ....

- واحد صعيدي ماشي في الشارع لقى قشرة موز .... قال ييييه حتزحلق تاني.

- واحد صعيدي بيدهن الحيطة ..

قالوله حط جرنال تحتيك ..قالهم لأ أنا كده طايل كويس .

- صعيدي وقع في حفرة حدفوله حبل طلع مشنوق .

- صعيدي بيقول لصاحبه شوف العالم الهطله

 يدفعوا 25 مليون علشان بن لادن أمال لو كان بن محوج كانوا عملوا إيه !!!

- صعيدي راح أمريكا لقى الناس لابسين تي شيرتات
مكتوب عليها بيبسى وكوكاكولا
 لما رجع البلد كتب على التي شيرت بتاعه عصير جصب.

- الأمريكان والروس بيترسموا على بعض
الأمريكان يقولوا أحنا أول ناس طلعنا القمر ،
والروس يقولوا لا أحنا أول ناس طلعنا القمر ..
 صعيدي كان واقف أضايق أوى ، قالهم أنتوا لما طلعتوا القمر لقيتوا هناك إيه قالوله طوب ورمل وزلط ، قالهم أحنا اللي مطالعينه.

- صعيدي عايز يروح حفله تنكريه بعت أخوه.

- صعيدي جاى ينزل من باب العربية لقي الدنيا بتمطر راح نازل من الباب التاني ..


- صعيدي دق في سدر أبنه مسمار عشان يعلقله البزازه .


- صعيدي أشتري عربية شبح
طلع علي الطريق السريع عشان يجربها  فشغل الراديو لقي المذيع بيقول هنا لندن
الصعيدي قال يلعن أبو السرعة .

أنشر الموضوع فى المفضلات الاجتماعية من هنا

دوووول حبايبى

هااااااااااااااااااالوا
وحشتونى
ووحشنى قوى الضحك معااااااااكوا
انا رجعت بصحبه حلوه
مع الـ

اصلهم حبايبى

بيقولك مره واااااحد

-  صعيدي اشترى بي إم دبليو بمواصفات خاصة

 فيها الكمبيوتر يصلح كل شيء من غير ما يروح التوكيل

 حب الصعيدي يجربها فكسر الباب اللي ع اليمين

 فرد الكمبيوتر: يا أيها الباب ارجع كما كنت ، فرجع الباب

 وكسر الباب اللي ع الشمال، فرد الكمبيوتر يا أيها الباب ارجع كما كنت!!!

عجبته الحكاية قام جربها وطار من فوق الكوبري!!

فرد الكمبيوتر: يا أيتها النفس المطمئنة ارجعي إلى ربك راضية مرضية

- صعايده سمعوا عن اختراع أسمه السيفون حبوا يعرفوا هو إيه

بعتو واحد منهم القاهرة لما رجع قالهم أما السيفون ده حتة اختراع يا رداله تدوس على السيفون تنزلك الميه ويا تلحق تشرب يا متلحقش.

- صعيدي مفتاح عربيته ضاع ميكانيكي جه فتحاله بطفاشه

 تاني يوم عمل نسخه من الطفاشه .

- صعيدي راح لدكتور بلدياته

 قاله يا دكتور كل أما أحط أيدي على عيني مشوفش الدكتور خرمله أيده .

- صعيدي عمل عمليه نجحت عملها تانى.

- صعيدي قال لأبوه أنا عاوز موبايل قاللوا هادبهولك بس تركب أخواتك معاك.

- صعيدي بيعمل كشف نظر طلع نظره 6/6 فصاحبه بيقوله مش كده تمام قاله

أنا كنت ممكن أجيب أكتر من كده بس الدكتور اللي لخبطني .

- صعيدى دخل راسه فى قفص الاسد الحارس قاله انت بتعمل ايه يا بويا

قاله يا عم ما تخافش واحنا هناكله .

- صعيدى عرف ان الجلد موضة مشى عريان .

- صعيدى و صاحبه قاعدين عالقهوة بقالهم يجى ساعة

ده يقوله دش والتانى يقوله لع ده دبش يقوله لع دش يقوله وانى بجولك دبش

صاحب القهوة نادى عالصبى قاله روح يابنى شيل الشطرنج ده من ادامهم.

- 10 صعايده بيتعلموا ربط الكرافتة 6 ماتوا و 4 في حاله حرجه.

- الصعايده فتحوا محل بيتزا سموه بيتزا هعععععععععع .

- صعيدي مات خبي على أهله .

- صعيدي حب واحده أتجوز أختها علشان يضمن يشوفها كل يوم .

- صعيدى بيقول لصاحبه ..

 بالي مشغول من امبارح يا هريدى قاله يبجى اكيد حد رافع السماعه .

- صعيدى لقى كنز قال يابوى لسه هدور عالخريطة ..

 

طبعا فى كلام كتييير مش فهمينه نصيحه استعملوا المترجم الفورى

أنشر الموضوع فى المفضلات الاجتماعية من هنا

ابتسامة خاصة جدا

السلام والرحمة والاكرام

احب تكون اول مشاركة لى فى ابتسامات كمقاله او تدوينة تكون ابتسامة من نوع خاص

عاوز اقدم المرة دى ابتسامة حقيقة لكل اهل بلدى مش مجرد نكته تضحكنا وننساها بعد كام دقيقه

عاوز اشوف ابتسامة حلوة على وجوه الشباب وهى شغاله وليها دخل مرضى الى حد ما بدل القاعده على المقاهى والنواصى والشكوى من مر الاحوال والظروف والدنيا والمجتمع

طيب ندخل فى الموضوع على طول

من شهور طويله وانا بخطط لمدونة عبارة عن " وظايف "

ايوه وظايف وليه لا ؟ بس حقيقة !!! خاصه بعد ما تعمقت شويه فى البحث فى مواقع الوظايف الموجوده حالياعلى النت وللاسف معظمها اما كلام مرسل يفتقد فى اغلب الاحيان الى المصدقية الكامله او بيه شىء من الغموض فى الاعلان يكتشف عند الاتصال او اى اغراض اخرى

دى كانت بدايه الفكرة عندى وأنتظرت الفرصة المناسبة لوقت التنفيذ . كنت متخيل البدايه الحقيقة صعبة  .

لكن امبارح بدون اى ترتيب مسبق للاحداث وفقت فى الاتفاق مع مكتب لتوظيف العمالة فى محافظة الأسكندرية على نشر كل اعلانات الوظايف مجانا والفرص المتاحه عنده بشرط التزامه امامى عن كل ماهو معلن طرفه وبكل من هو ات من طرفى عن طريق الاعلانات مستوفى الشروط والاوراق المعلنه مسبقأ مع الاعلان

وللعلم ليس لدى اى مصلحة مباشرة او نفع من حالات التوظف غير دعوة غيب عن ظهر قلب وتقديم ابتسامة حقيقة بطريقتى الخاصة ... ومع ذلك الزم نفسى امامكم بكل اعلانات الوظايف المنشورة بتاريخة واطلب من كل ما يخوض التجربة ان يرسل تعليقا بما حدث معه

والله المستعان على صعاب الامور

الدعوة مفتوحة هنا لكل من يحب ان يشارك او يساهم باىشكل كان فى اى محافظة او بنشر رابط المدونة او بتكوين فريق عمل او اى نوع من المفاوضات فى الصالح العام او حتى أقتباس الفكرة ونسخها فى مجالات او مدونات اخرى واقولها لكل الى يقدر لو سمحت حاول تسرق افكارى

   مدونة وظائف

وفق الله الجميع

اسامة حسنى
0108947360

أنشر الموضوع فى المفضلات الاجتماعية من هنا

جصيدة تدنن قووووى .... بالصعيدى

 

 

جصيدة

دميله دميله دميله

القاء

الحبيب الصعيدي

 

 

وبحبك كيف ما خابرش

 

وعلى فراجك انى ما جادرش

 

من كتر الشوج خسيت وانا كنت

 

 تخين وبكرش

 

والحب يا بوى بهدلنى

 

مرمطنى جوى وخرشمنى

 

وغرامك بيغرمنى.. ومعدش معاى ولا جرش

 

شومة حبك بطحتنى

 

وجاموسة الشوج نطحتني

 

والهوى جحشته رفستنى

 

ولجيتنى يابوى ما صبرش

 

أنشر الموضوع فى المفضلات الاجتماعية من هنا

رجااااااااااء

البوست ده مالهوش علاقه بابتسامات اطلاقا

لانه كله حزن وقلق وخوف وانزعاج

لكن لى رجاااااااااء

ان تدعولى

لانى فى حيره من امرى

نفسيتى محطمه

شعورى متلخبط

انا فعلا فى ازمه نفسيه شديده

أنشر الموضوع فى المفضلات الاجتماعية من هنا

وه يا بووووووووووى

-  تسعة بلدياتنا حبوا يبقوا مشهورين

 كونوا فرقة وسموا نفسهم ثلاثي أضواء المسرح

- واحد في مأتم واحد بلدينا مات امبارح، بيسأل، هو بلدينا مات بإيه؟
رد عليه اللي جنبه: حط إيده في برميل مية نار
قال له: طيب وهو اللي يحط إيده في برميل مية نار يموت؟
قال له: لأ، ماهو لما مالاقاش إيده ...
 دخل راسه في البرميل عشان يدور عليها!!

- بيقولك ليه بلدينا بيكون ذكي لما يطلع من الصعيد؟

علشان بيكون خارج نطاق التغطية

 - بلدينا من سوهاج سمع في النشرة إن فيه عاصفة جاية على سوهاج،
 كتب على مدخل المدينة: مرحبا بك في أسيوط

- واحد بلدينا بيقول لواحد ثاني: عيني اليمين واجعاني قوي يابوي
وكل ماافتحها أشوف نقط سودا

قال له: طيب شفت دكتور عيون ؟

قال له: يا بني آدم باقول لك شفت نقط سودا

- واحد ياباني شغال في مشروع في قبلي

، قام فات على بقالة عشان عايز يشتري عشر علب بيبسي،

قال لبلادينا: كوميهاني سيبة موفا كالاو بيبسي

بلدينا رد عليه: بتقول إيه؟ عايز عشر علب إيه؟

 

- بلدينا راح عند القصر الجمهوري وكلم العسكري اللي هناك

قال له: أنا عايز أترشح لرئاسة الجمهورية

قال له العسكري: إنت حمار ولا إيه؟

بلدينا قال له: ليه؟ هو شرط يعني؟؟؟؟

  - بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها

أنشر الموضوع فى المفضلات الاجتماعية من هنا