ركن المرأة شباب على طول امنياتى جرائد وصحف

الأربعاء، أغسطس 18، 2010

اضحك ولا يهمك





- مره واحد صعيدى قابل واحده أجنبيه سألها :
 أنتى منين ؟؟
قالته : وااااات
قالها : أجدع ناس الوتاوته دول


- مذيعه بتسأل صعيدى :
 احمد زويل أخد جايزه نوبل فى ايه ؟؟ قالها فى علبه قطيفه حمرا


- مره واحد بيوصل خطيبته لغايه بيت اهلها
اول ما وصلوا راح راكن على الحيطه قدام العماره
وقالها : عايز بوسه كبيررررره وانا امشى
البنت قالتله : لالا عيب بابا يزعل
الخطيب : هو بابا شايفنا دلوقتى ؟
قالتله بدلع : لالا .. بس فى جيران ممكن يشوفونا
ويقولوا لبابا .
قالها : ما أنا مش ماشى غير لما اخد البوسه بتاعتى
المهم فضلوا على كده كتير .. هو ساند على الحيطه ومش عايز يعديها .. وهى تقلانه عليه
مش عايزه تديله البوسه
شويه كده نزلت بنت من العماره
طلعت الاخت الصغيره لخطيبته .. فتحت باب العماره
وقالت للواد :
ازيك يا عمووو بابا بيسلم عليك وبيقولك
لو مش راضيه تبوسك انا ابوسك
ولو مش عجبك انا أختى التانيه تبوسك
ولو مش عجبك اختى التانيه ممكن ماما تبوسك
ولو مش عجبك ماما تبوسك بابا نفسه يبوسك
بس علشان خاطرى اوعى كتفك من على جهاز الانتركم
علشان العماره كلها سمعتك يا ابن المفضوحه


- مدرس سأل طالب : فى اى فصل يسقط المطر ؟؟
قاله فى الفصل اللى ملهوش سقف




- جماعه فشارين بيصيعو على بعض:
انا ابويا الناس اول ما تشوفه تسقف له!
وانا ابويا كل الناس توطى له!
وانا ابويا اول ما يدخل الناس اللى قاعده كلها تقوم واقفه على حيلها وتجرى عليه!
طلع الاول ابن جرسون والثانى ابن حلاق والثالث بيقول ان ابوه اتوبيس!


- مره واحد فشار اوي جاله واحد صاحبه قعد يقوله امبارح جالي ابو لهب
و حنظله و كنا بنتغدا مع بعض قاله يا عم انت هتشتغلني قاله
و هشتغلك ليه امبارح كنا على طرابيزه واحده صحبه كان هيتجنن
المهم نزل من عنده لقى ابن الراجل قاله صحيح الكلام ده قاله
كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟
قاله بصراحه يا عمو مش عارف بس انا امبارح
لقيت موكب من كام ناقه كده وكان مكتوب عليهم ملاكي قريش


- مره واحد جاي بسياره مفتوحه واخر موديل دخل على مطعم فعصابه سرقت سيارته
رفع المسدس وقال لو ما رجعتولي السياره رح اعمل
فيكو ذى ما عملت في اوروبا.
العصابه خافت ورجعت السيارة .. نط واحد وسأل؟
وعملت إيه في أوروبا ؟ قال : روحت مشي


- مرة ثلاثة فشارين راحوا الجبل واحد اعمى و واحد اطرش وواحد اقرع
الاعمى قال انا شايف النملة التى فوق الجبل
و الاطرش قال انا سامع دبتها والاقرع قال أنا شعرى وقف من كتر الكدب 



- واحد فشار بيحكي مغامراته لصاحبه الغلس
الفشار : كنت ماشي مره في الصحرا طلع عليا اسد فضلت اجري اجري لغايه
ما لقيت عماره طلعت فيها
الغلس : يا كداب هو في الصحرا في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرا في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرا
الفشار : فضلت اجري اجري لغاية ما أكلني ارتحت


- الزوجه لزوجها :
ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة

 
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

29 التعليقات:

ويكا يقول...

حلوه بتاعت الانتركم دى .


الا صحيح هو ايه الانتركم ده يا طنط مرمر ؟؟!!! p-;

لا لا بجد حلوه هى وبتاعت النتيجه اللى بتتغير دى. جايه على هوايا اوى بصراحه.

موجة يقول...

لاء شويه جامدين بصراحة
البوسة والانتركم دى فضيحة بجد
وبتاعت الزوج اللى عاوز مراته تتغير كل سنة
لاء تسلم ايدك بجد

موجة يقول...

يا سبحان الله
ويكا عجبه النكتتين اللى عجبونى
يا سبحان الله فجأة كده الشفة طارت
الا صحيح
ماذا يحدث لو؟؟؟؟
صحينا م النوم لاقينا الشفه طارت

قلــ"بـــلال"ــــــب فارس يقول...

ههههههههه
صراحه
كله حلو
بس انا سمعت عن اتينين او تلاته بس
هههه
جامد اوى

Ramy يقول...

جامديييين


(:

شمس النهار يقول...

:)))))))))))

mrmr يقول...

ويكا

طنط ماشى وماله ميضرش

نورتنى

mrmr يقول...

موجه قلبى

اهلا يا قمر

سبحان الله الواحد يقوم من النوم يلاقى حاجات غريبه كده على الصبح شفه تتطير زوج يطير ههههههههه

بس انتى تفتكرى مين يكون سرق الشفه
ههههههههه

منورانى ديما ياقمر

mrmr يقول...

ابو قلب طيب
بلال

كل سنه وانت بخير

سعيده بمرورك

ربنا يسعدك

mrmr يقول...

رامى

جامدين قوى

طيب نخليهم بره الفريزر شويه علشان يسيحوا

ههههههه

مرسى ليك

ربنا يفرح قلبك

mrmr يقول...

شمس قلبى ( النهار )

اهلا يا حبيبه قلبى

ازيك دلوقتى يارب تكونى بخير
انا بادعيلك على طول ابقى طمنينى عليك
انا ضفت مدوناتك عندى للمتابعه علشان اطمن عليك اول ما تنزلى بوست جديد

ربنا يكمل شفاكى

رمضان كريم

دموع القمر يقول...

هههههههه
جميلة ضحكتينى واانا مليش نفس اضحك

بكون سعيدة لما بتنورينى فى المدونة

mrmr يقول...

دموع القمر

عندى انا ابتسمى واضحكى

ربنا يسعدك

وانا بكون اسعد بتواجدى فى مدونتك

رمضان كريم

أتنين حبيبين يقول...

:)

:)

أتنين حبيبين يقول...

هههههههههههه

ابن المفضوحه دى جامده موووووووووووووووووت
وكلهم حلوين بس دى اجمد وشديده اوووووووووووووى

تجننى يا مرموره يا سكرتى
هههههههههههههههههههههه

mrmr يقول...

توتا
انت اللى سكر يا عمرى
ربنا يخليكى ويفرح قلبك ويعفى عن ماما ويسعدك بحبك

رمضان كريم

محمود(باحث عن حب) يقول...

مرمر
عسل والله عثل
حركتى مشاعرى الدفينه
نفسى حتى فى ميكرفون ههههههههههه
جميله والله يا مرمر
والصعايده فاكهه
النكت

الحب الجميل يقول...

بس علشان خاطرى اوعى كتفك من على جهاز الانتركم
علشان العماره كلها سمعتك يا ابن المفضوحه
هههههههههههه
ضحكتينى وانتى عارفه حالتى
وحلوه بتاعه الزوج والزوجه والجرنال
حلوين كتير يا مرموره
ربنا يخليكى وترسمى البسمه دايما على وشنا

دمتى بخير

mrmr يقول...

حبى الجميل

ههههههههههههه

ربنا يسعدك يا حبى ويخليكى ليا يا قمر

اه شئ انك تكونى ضحكتى من قلبك

مصري جدا يقول...

والنبي عنوان العيله اللي عايزه تتباس دي بسرعه

mrmr يقول...

مصرى جدا

بس كده من عنيا
اول ما اعرف العنوان ح ابعته لحضرتك فورا وبالفاكس
ههههههههه

نورتنى

رمضان كريم

عمرو يسرى يقول...

هههههههههههههههههههه
حلوين اوى

خواطر شابة يقول...

ربي يخليك دائما مصدر فرحة وسعادة
أضحك الله سنك عزيزتي
دمت بكل ود

mrmr يقول...

عمرو يسرى
اهلا اهلا
انتوا جيتوا من سويسرا امتى ههههههه
حمد الله بالسلامه
ههههه
منورنى ديما

ربنا يسعدك

mrmr يقول...

خواطر شابه
اهلا بيكى يا قمر
حمد الله بالسلامه
ربنا يبارك حياتك
رمضان كريم

mrmr يقول...

محمود
المشاعر الدفينه امممممممممممم

طيب ..........

ربنا يبعتلك اللى يرجها مش يحركها بس

ربنا يسعدك

محمود(باحث عن حب) يقول...

ههههههههههههههههههههه
يرجهالى
لاع انا عاوز اللى يفجرهالى
هههههههههههه
ربنا يسعدك يا مرمر

mrmr يقول...

محمود
ابعتلك اثنين جرجاويه ومعاهم متفجرات علشان اكيد متربس على الاخر وصعب فتحه بسهوله
هههههههههههه

اشرب اللبن واتسحر ياللا
تصبح على خير

جايدا العزيزي يقول...

- مره واحد صعيدى قابل واحده أجنبيه سألها :
أنتى منين ؟؟
قالته : وااااات
قالها : أجدع ناس الوتاوته دول


هههههههههههه

هههههههههههههههههه


شويه نكت نار يا جميل


تسلمى

القالب صمم بواسطة
 نرحب بكل الأفكار والمقترحات التجارية