ركن المرأة شباب على طول امنياتى جرائد وصحف

الخميس، أكتوبر 21، 2010

تحديث هام جدا+ اليوم يومك يا سوهاجى


وسع وسع يا جدع
البلد بلدنا
السوهاجيه الجداعان
يعنى احلى سلام مربع لكل السوهاجيه
ومحمود باحث عن حب
كل سنه وانت طيب
يا سوهاجى يا طيب
وعيد ميلاد سعيد
واحلى تورته لاطيب قلب
ودى هديه منى
ابسط ياعم

بص بقى يا حوده علشان نبقى على نور من الاول
اى حد من سوهاج مش يزعل ولا ياخد على خاطره من البوست ده
انا فى الاول والاخر يهمنى الابتسامه والضحكه الحلوه
اللى بتطلع من النغاشيش
وضحكنى يا جدع


 @ واحد سوهاجى جاله تليفون من البلد بيقوله يا صميده
الحق ابوك وامك ومراتك واولادك كلهم ماتوا
قام بلدينا سمع الخبر وقال خلاص
العيشه ملهاش لازمه راح طالع فوق برج 30 دور ورمى نفسه
بين الدور 30 و 20 قال الله ... انا امى وابويا ماتوا من زمان
وبين 20 و 10 قال الله ... انا مش متجوز اصلا
وقبل ما يقع على الارض قال :
يا بووووووى
انا مش اسمى صميده


@ مره واحد سوهاجى راكب اتوبيس شاف وحده مزه
شاورلها .. شاورتله
غمزلها .. غمزتله
قالها انزلى المحطه الجايه .. نزلت
قام قعد مكانها


@ سوهاجى غلط ولبس فرده جزمه بنى والثانيه سودا
وقعد فى غرزه وحاطط رجل على رجل
عادى واحد من جنبه وقال :
عليا النعمه اول مره اشوف واحد حاطط رجله على رجل اللى جنبه


@  واحد بيسأل سوهاجى  : الشارع ده بيروح  فين ؟؟ 
 رد عليه :
ده طول عمره هنا ولا بيروح ولا بيجى


@ طالب سوهاجى بيقول لزميله القاهرى قبل ما يرجع البلد
لما النتيجه تطلع اطلبنى فى التليفون على دوار العمده
وسيب ليا خبر لو نجحت بس لو
لو نزلت فى ماده قول محمد بيسلم عليك
ولو نزلت فى مادتين قول محمدين بيسلم عليك
بعد شهر ظهرت النتيجه
واتصل بيه
وقال : أمه لا الا الله بتسلم عليك


@ طالب صعيدى دخل امتحان فى ماده من المواد
ما يعرفش فيها حاجه خالص
فتح ورقه الاسئله لقى الاسئله كلها اجب بصواب او خطأ
فطلع بريزه فضه واداها ملك يبقى صواب
كتابه يبقى غلط
بعد ربع ساعه خلص الامتحان وباقى الطلبه محدش لحق يخلص
بعد نص ساعه بدأ يلعب ملك ولا كتابه من تانى
ويكتب فى كراسه الاجابه
تفتكروا ليه ؟؟؟
كان بيراجع


@ بعد شهرين من التفرغ لتدريب الضفادع بدأ عالم الفسيولوجى
بجامعه سوهاج ابحاثه عن الضفادع
فأمر الضفدعه قائلا : فطى ...  فقفزت الضفدعه قفزه عاليه ووقفت
 فامسك بها وقطع رجلها الاماميه ثم امرها مره اخرى
فطى ...  فقفزت الضفدعه ايضا ثم قام مره اخرى
ثم قطع رجلها الثانيه فقفزت ايضا
ثم عاد وقطع رجلها الثالثه فقفزت بصعوبه
ثم قطع رجلها الرابعه وامرها 
 فطى ... فلم تتحرك فعاد يصرح باعلى صوته فطى ... فلم تتحرك الضفدعه
فابتسم ابتسامه رضا وكتب النتيجه بثقه
بعد قطع الرجل الرابعه فقدت الضفدعه السمع


@ سوهاجى وقف قدام المرايا مغمض عنيه
علشان يشوف نفسه وهو نايم


@  سوهاجى قلع العمه فقد الذاكره


@ شويه سوهاجيه ضبطوهم بيشموا اسمنت ابيض


@  8 سوهاجيه بيهزروا بالفرفر صفصفوا على 3
قالوا كفايه كده لحسن تقلب بجد


@  2 سوهاجيه بيلعبوا شطرنج الاثنين خسروا


@  سوهاجى امتحن لوحده طلع الثانى


@  ما وجه الشبه بين السوهاجى والذكى والسوبر مان ؟؟؟
كلهم شخصيات خياليه


@ تعرف ليه ربنا خلق للسوهاجيه ودان ؟؟
علشان تسند العمه


@ ايه الحاجه اللى بتعملها السوهاجيه اول ما تصحى من النوم ؟؟
كل واحد بيروح على النكته بتاعته


@ سوهاجى باع التليفزيون واشترى بثمنه فيديو


@  سوهاجى أكل رغيف فينووو نسى اسمه


@  سوهاجى اشترى مصفاه لقاها مخرمه رجعها


@ واحد نزل سوهاج وسأل : هى دى البلد اللى بتنطق الجيم دال
رد عليه وقال : لع دى البلد اللى دنبنا


مع احترامى لكل السوهاجيه
واحترامى لشخصك يا محموووود يا جرجاووووى
اقعدوا بالعافيه


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

42 التعليقات:

صفحات وأقلام يقول...

هههههههههههه
ههههههههه
كل سنة وهو طيب

***
انا جديدة فى التدوين والمدونة دى اول مدونة اعلق فيها
جمييييلة النكت وكمان عيد ميلاد
بداية حلووووووووة

Ramy يقول...

هههههههههههههههههههههههههههههه

دة كدة هيضربوكى بالنار

بس

صاحبة واجب برضه (:

شوية جامدين بجد

ضحكت غصب و اقتدار

ههههههههه

(:

Haytham Alsayes يقول...

مره واحد سوهاجى راكب اتوبيس شاف وحده مزه
شاورلها .. شاورتله
غمزلها .. غمزتله
قالها انزلى المحطه الجايه .. نزلت
قام قعد مكانها



ههههههههههههههههههههههههههه


هههههههههههههههههههههههههه

جامدة جدا
انتي بتجيبي الحاجات دى منين

كل سنة ومحمود بخير

تحياتي

باحث عن حب يقول...

لولولولولولولوى

معرفش ازعرد
يا بت تعرفى تزغردى
اولا كل سنه
وانا طيب
يعنى
سوهاج يعنى
جرجا
يعنى محمود
باحث عن حب
يعنى الحب
اللى هيفضل يدور عليه ول عمره ويعرف انه ماشى فى السكه الغلط
وسوهاج
يعنى مرمر ومرمر يعنى ابتسامات يعنى امنيات يعنى شباب على طول يعنى ركن المرأه
كل سنه وانتى وانا طيب
النكد دى كلها
على السوهاجيه
ياه
والله ربنا هيكرمك علشان بتدخلى على الناس السرور والضحك
بس موضوع العمه ده جامد
تعرفى بابا واعمامى كلهم بيلبوس عمه
هههههههههههههههههه
بس جامده

Carmen يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
لذيذه اوي يامرمر بجد تسلم ايدك الواحد اما يحب يضحك شوية بيجي عندك^_^

غير معرف يقول...

كل سنة وانت طيب يا سوهاجى
وعقبال مليون سنة
ــــــــــــــــــــــ
واحد بيسأل سوهاجى : الشارع ده بيروح فين ؟؟
رد عليه :
ده طول عمره هنا ولا بيروح ولا بيجى
هههههههههههههههههههه
جامدة موت

سوهاجى قلع العمه فقد الذاكره

جامدين اوى يا مرمورة وبهدلتى السوهاجية المرة دى اوى
ههههههههههههههههه
طيب عشان خاطر السوهاجى اللى عيد ميلادة النهاردة بلاااااااااش
هههههههههههههههههه
تسلمى يارب

richardCatheart يقول...

ههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههه

والله شربات يا مرمر
مافيش حاجه عن الاسكندرنيه ايه دا
هههههههههههههههههههههه

كل سنه و انت طيب يا جدع محمود واجدع سوهاجى
عقبال مليون سنه

تسلمى يا مرموره

أنا - الريس يقول...

أولا كل سنة وانت طيب يا معلمه .
ثاني حاجة تعرفي لو كنتي كتبت بلديات مكنتش هضحك .. لكن كل ما تكتبي سهاجي أشوف محمود مع إني مشفتوش .. فقوم جاي ضاحك .. يمكن أول مرة أضحك علي النكت كلها تقريبا .

تحياتي لكي ولمحمود ولكل واحد محترم .

مختموم من الرئاسة

Tears يقول...

ربنا يخليكى لينا دايمه بتخففى عننا

ツSmiLeY AnGeLツ يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
معنديش كلام نفسي انقطع من كثر الضحك
سلامي لدمك الخفيف.

ويكا يقول...

اوبااااااااا

هى النكت دى كان اصلها سوهاج؟؟؟

هههههههههههههه

بس حاسبى ، محمود غير

عمرو يسرى يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
جامده
كل سنه وهو طيب

همسات وبحــ الحياه ــر يقول...

ههههههههههههههههه
انت كدا لعبتى فى عداد عمرك هههههه

جايدا العزيزي يقول...

والله يامرمر

محمود سوهاجى جدع ويستاهل كل خير

كل سنه وهو طيب

ههههههههههههههه

بس نسيت اسال هو مين فى دول


يانهار ابيض لو كلهم


اجدع سلام للسهايجهواللى من نوحيهم


حلووووووووة يامرمر

طول عمرك صاحبه واجب


بس بلا ش تعملى الواجب ده معايا


ههههههههههههههههههه

تحياتى

عبد الرؤوف بن عبدالسلام (أبوهارون) يقول...
أزال المؤلف هذا التعليق.
عبد الرؤوف بن عبدالسلام (أبوهارون) يقول...

يعطيك الصحة يا مرمر خلين نضحك شوي
رؤوف

شهرزاد يقول...

مرمورتي
انت جيتي تعيديه ولا تنكديه
خليه يفرح بعيد ميلاده
بس اقولك فيك الخير ربنا يديك على قد نيتك
تحياتي لك

maram يقول...

ههههههه

روعه يا مرمر يا ويلك منهم هههه

بس صراحه نكت جميله و خاصه أمة لا أله الا الله بتسلم عليك ههه

واحد بيسأل سوهاجى : الشارع ده بيروح فين ؟؟
رد عليه :
ده طول عمره هنا ولا بيروح ولا بيجى


شكرا يا مرموره ... تحياتي

sony2000 يقول...

هههههههههههه
ههههههههههههههههههههههه
حلوووووووا
ومن كتر حلاوتها
هبعت اللينك دا لكل السوهاجيه اللي اعرفهم
اصحابي وعيلتي
وشوفي بأه لو عرفتي تتحركي بعد كدا تاني:))

sky rose يقول...

ايه الحاجه اللى بتعملها السوهاجيه اول ما تصحى من النوم ؟؟
كل واحد بيروح على النكته بتاعته

ههههههههههه كل النكت حلوة يا مرمر تسلمى عليها يا قمر

تويتي فلسطين يقول...

تسلمي على النكت الجميله

والمواضيع الرائعه

وكل ما بزور مدونتك بلاقيها احلى من الاول

mrmr يقول...

صفحات واقلام

اهلا بيكى فى عالم التدوين
نورتى يا قمر
وباذن الله فى تواصل دائم

@@@@@@@@@@@@@@@

رامى

متخفش عليا انا من دمهم مش ح يحصلى حاجه
وبعدين خد هنا ليه ضحكت غصب وافتدار مالك بس انت اليومين دول مش مظبط خالص
تعالى عندنا فى الصعيد وانا ح اخلى الصعايده يعملوا معاك احلى واجب
شكرا لتواجدك الدائم يا رامى

@@@@@@@@@@

هيثم
اضحك اضحك ولا يهمك محدش واخد منها حاجه غير الغلب وتعب الاعصاب
انا كمان بتضحك معاكوا واسعد جدا لما انتوا بتضحكوا كمان
شكرا ليك

@@@@@@@@@@

محمود

انت عامل فرح لوحدك يا حوده
كل سنه وانت طيب وعقبال 99 سنه ونص
كفايه كده انت ح تطمع
ربنا يجعلها سنه سعيده عليك ويفرح قلبك ويعفى عن عصام وتفرح بالشهاده وترجع البلد لماما واخواتك

@@@@@@@@@@@

كارمن
سعيده بيكى اوى يا اجمل كامن
وعلى تواجدك وسعيده ايضا انى بقدر اضحكك

@@@@@@@@@@@

حبى الجميل
وانتى طيبه يا قمر
السوهاجيه لو عرفوا مش ح يخلونى اقعد يوم واحد في البلد والفرفر يشتغل
لكن كله علشان خاطر محمود واعرف اقوم معاه باحلى واجب
وربنا يستر
وحشتينى قوى يا حبى بوسه على خدودك وبوسه ل لولو

@@@@@@@@@@

قطتى الجميله

متخفيش يا قمر الدور ح يجى قريب على الاسكندرانيه بس اعرف ان فى عيد ميلاد حد اسكندرانى ح تلاقينى قمت بالواجب وزياده

@@@@@@@@@@

رئيسنا المحبوب
اطال الله بقائك ... اهم حاجه فى اخر تعليقك ختم الرئاسه
علشان تبقى رسمى يا معلم
وبالمناسبه .. السوهاجيه كلاتهم بيسلموا عليك وبيقولك فين المنحه يا ريس

@@@@@@@@@@@

تيريز

شكرا يا غاليتى على محبتك وتواجدك
ويارب ديما تسعدنى بتواجدك فى ابتسامات

@@@@@@@@@@@@

رشا
طيب استريحى يا قمر وخدى نفسك الاول
انا سعيده جدا انك ضحكتى من قلبك
يارب ديما سعيده وفرحانه

@@@@@@@@@@@

ويكا
لا يا سيدى النكت دى مش للسوهاجه بس
دى للصعايده عامتا لكن احتفالا بمحمود خليتها للسوهاجيه

@@@@@@@@@@@@@

عمرو
وانت طيب يا عمرو عقبال ما عملك عيد ميلاد بس انت تقولى بلدك ايه وانا اقوم بالواجب دغورى

@@@@@@@@@@@@@@

همسات بحر الحياه

عداد عمرى خلاص قرب على الانتهاء من نفسه مش مستهله الحكايه
منورانى يا قمر

@@@@@@@@@@@@@@

جايدا
وانتى طيبه ياقمر
بس محمود ولا واحد فى دووول
وبعدين دا انتى اول وحده باذن الله احب اعمل معاكى الواجب ده
اصل المثل بيقول اللى يعزك يناغشك
وانا بحبك قوى واعزك قوى يا اجمل جايدا

@@@@@@@@@@@@@

رؤوف
اهلا بيك يا تونسى
ابتسامات بتنور بوجودك
تحياتى لشخصك الكريم

@@@@@@@@@@@@

شهر زاد الحبيبه
دى احلى عيديه اقدمها لمحمود
وبالمناسبه احنا بلديات يعنى انا كمان سوهاجيه كنت بالاولى مش اقدم البوست
نورتينى يا غاليه

@@@@@@@@@

مرام

متخفيش عليا عمر الشقى بقى
سعيده انك ضحكتى
ربنا يفرح قلبك

@@@@@@@@@@@

سونى 2000
يا حبيبه قلبى ههههه انتى من النوعيه اللى تحب تهدى النفوس
كتر خيرك يا جميل مسيرى اعمل معاكى احلى واجب
تسلمى يا قمر

@@@@@@@@@@

سكاى
الاجمل زيارتك ياقمر سعيده بتواجدك
تحياتى

@@@@@@@@@@

توتيتى فلسطين

شكرا يا حبيبه قلبى انت الاحلى والاجمل
وسعيده بزيارتك وابقى متغبيش علينا باحب اطمن عليكى يا قمر

غير معرف يقول...

ههههههههههههههههههههههههههههههههههههههههههههههههههههههههههههههههههههه

محمد التركى يقول...

مرمر يامرمر أنتى يامرمرررررر

هههههههههههههههههه
يالههههههههههههوى

يخرب عقلك مش انتى سوهاجيه برضو
هههههههه
أزيك ياميرو يارب تكونى بخير
معلش متأخر زاى عادتى
بس النكت جنان

أنتى مشكله بجد
ههههههههههههه

تسلم ايدك وفى أنتظار الجديد

تقبلى تحياتى يااجمل مرمر

محمـــد التركـــى

غير معرف يقول...

انت كدا لعبتى فى عداد عمرك هههههه

mrmr يقول...

ايوه يا سى محمد
انت بتنادى عليا
ايوه يا باشا انا سوهاجيه
علشان اناعندى انتماء للبلد
محبتش تيجى من حد غريب
ههههههه
ربنا يكرمك باذن الله

mrmr يقول...

مدونه الامل

العداد خلاص يبشطب من وحده
فا هى مش فارقه
نورت ابتسامات يا باشا

همسات وبحــ الحياه ــر يقول...

واحشانى علفكرة فقولت اجى اسأل

باحث عن حب يقول...

=================================
فين الجديد
=====================================
مع تحيات
المخابرات الصعيديه

غير معرف يقول...

هههههههههههه

ذئب الظلام يقول...

@ واحد سوهاجى جاله تليفون من البلد بيقوله يا صميده
الحق ابوك وامك ومراتك واولادك كلهم ماتوا
قام بلدينا سمع الخبر وقال خلاص
العيشه ملهاش لازمه راح طالع فوق برج 30 دور ورمى نفسه
بين الدور 30 و 20 قال الله ... انا امى وابويا ماتوا من زمان
وبين 20 و 10 قال الله ... انا مش متجوز اصلا
وقبل ما يقع على الارض قال :
يا بووووووى
انا مش اسمى صميده


هههههههههههههههه
اختي من وين هذه النكت بجد شيء جنان

Tarkieb يقول...

حرام عليكي شلتي كلمة واحد بلدياتنا وحطيتي سوهاجي ههههههههه...بس السوهاجي اللي ضحك ع المزة في الاتوبيس ده مش تبع كل السوهاجية ولا اية ده الوحيد المفتح؟ ههههههه

نور يقول...

ههههههههههه

كل النكت حلوة يا مرمر تسلمى عليها يا قمر

mrmr يقول...

همسات بحر الحياه

اهلا يا حبى وحشتنى مرسى يا قمر على سؤالك
قبلاتى

mrmr يقول...

محمود
الى المخبارات الصعيديه
اهلا ومرحبا بك
الجديد فى الطريق باذن الله
ربنا يسهل

mrmr يقول...

مدونه الامل
ضحكت لك السنبله
شرفتنى بالزياره

mrmr يقول...

ذئب الظلام
انا سعيده بوجودك وسعيده ان ابتسماتى بتعجبك
ربنا يسعدك

mrmr يقول...

تراكيبووووووا
الصعايده كلهم مفتحين يا خويا مش بس هو ولا انت ليك راى اخر
نورت يا باشا

mrmr يقول...

نور
اهلا ومرحبا ابتسامات منوره بوجودك

همس الاحباب يقول...

ههههههههههه
انتى كده مباح دمك يا مرمر
ههههههههه
احلى حاجة ان النكت كلها متفصلة على مقاسنا
كل سنة وانت طيب يا حوده
وكل اهل جرجا طيبين
صاحب واجب يا مرمر
تحياتى

mrmr يقول...

همس الاحباب

يا مراحب يا مراحب خالد السوهاجى كله عندنا يا مرحبا يا مرحبا وانا اقول ابتسامات منوره انهارده ليه اتارى خالد همس الاحباب عندنا

برضه كده يا خالد عايز تهيج عليا السوهاجيه ماشى يا عم
دا انا حبيت نحتفل بالجدع السوهاجى
عقبال ما اعمل معاك احلا واجب

خطوه عزيزه يا خالد

باحث عن حب يقول...

ياااااااااااااااااااااااااه ايام جميله يا مرمر فكرتينى بايام زمان ياه لينا سنه بجد ربنا يخليكى يارب
ويرضكيى يارب
ايام
جميله يامرمر
والله ادخلتى على قلبى السرورو
يارب
يبارك فى عمرك يارب
وكل سنه واحنا كلنا اخوات
واحباب يارب
وما يفرقنا عن
بعضنا حاجه ابدا

القالب صمم بواسطة
 نرحب بكل الأفكار والمقترحات التجارية