ركن المرأة شباب على طول امنياتى جرائد وصحف

الجمعة، يناير 21، 2011

أصحى يا نايم


مساء الخيررررر على عيونكوا
ايه ؟؟
 شاكلوكوا كده نمتوا ولا أيه
بلاش استعباط
أمال أنا جايه أضحك مع مين ؟؟؟
أصحى يا نايم منك ليها له
شوف أنا جيبالكوا معايا أيه
جايبه شويه أبتسامات لكن ح تضحكوا بجد
أصلى لغايه دلوقتى مش قادره ابطل ضحك
قلت نضحك سوا
ياللا  تعالوا بسررررررررررعه
بلاش كسل


- أتنين اغبى من بعض واقفين قدام شباك تذاكر
واحد فيهم بيسأل التانى بيقوله
أموت و أعرف الرجل ده
 كيف دخل من الشباك الصغير ؟؟؟
رد التاني و قاله يا غبى ده دخل و هو صغير
 و كبر جوه


- شاب قال لابوة
أنا عايز أتجوز سوسن اللي فوق قاله لا
أنا كنت أعرف أمها يمكن
تطلع أختك  قاله طيب أتجوز مرفت اللي تحت
 قاله دي أكيد أختك ...
 الولد أخد علي خاطره وأشتكي لمامته
 قالتله أتجوز اللي أنت عايزها
 ده أصلا مش أبووك
 

- عملو مقارنة بين اوباما و مبارك
 كل من الطرفين بيبين مرتب الموظف في بلده
 قال مبارك سيدي الرئيس
مرتب الموظف عندكم كام
 قال اوباما حوالي 40000 دولار
و بيصرف حوالي 2000 دولار
 قاله مبارك بيودي الباقي فين
قاله عشان أحنا دوله ديمقراطية
مبنسلهوش بيصرفهم فين
و بعدين اوباما قال سيدي الرئيس
 و انت عندكم مرتب الموظف كام
 قاله المواطن بيقبض 2000 جنية
و بيصرف 4000 جنية
قالة و الباقي بيجبهم منين
 قاله عشان أحنا دوله ديمقراطية
 مش بنسئله جابهم منين


- محاسب مصري بيسال محاسب امريكي
 بتقبض كام ؟
قاله 800 دولار اساسي و600 بدل خطر
 و400 بدل سفر و300 بدل غربة
فالامريكي سالة وأنت بتقبض كام ؟
قاله 300 جنية فقالة بدل اية ؟
 قاله بدل ما أشحت
 

- ظابط عصبي بيحقق مع واحد مسطول بيقولو
أنتا ساكن فين ياد
قالو مع اخويا يا بية
وقالو أخوك دة ساكن فين ياد
 قالو معايا يابية
 قالو الله يحرقك انت واخوك
 طب أنتو ساكنين فين يااااد
قالو سكنين سوا مع بعضينا حضرتك


- عملوا جائزة مليون جنيه للي عنده 10 عيال، واحد عنده تسعة قال لمراته
أنا كنت متجوز عليكى
ومعايا ولد أروح أجيبه ونكمل العشرة
ونكسب الجايزة، راح ولما رجع ملقاش العيال
 سأل مراته
فين العيال قالتله كل عيل أبوه جه خده.


-واحد بينسي كتير جدا راح للدكتور 
الدكتور قالوه
عايز تخف روح حج
 وبعد ما حج قعد يفكر نفسه بمناسك الحج
 فبيقول..
 لبس الاحرام ولبسته. طواف وطوفت .
وقوف بعرفه ووقفت .
 ناسي إيه ياواد يا بطرس ناسي إيه..؟


- مره واحد صعيدى بيعاكس واحده فى التليفون قالتلوا أنت شكلك صعيدى
قال : ينعل أبو اظهار الرقم


- محشش دخل أبنه غرفة العمليات
بعد شوي طلع الدكتور وقال:
 البقاء لله ابنك مات، ثواني وطلع أبنه  بيصرخ :بابا أنا عايش،
 قام المحشش وضرب ابنه بالقلم وقال:
إخرس يا قليل الأدب
 إنت ح تعرف أكتر من الدكتور 


- محشش قالوا له في الصين كل دقيقه ينولد واحد
قال الله يلعن التطور
 اشمعنا إحنا كل 9 أشهر!


- في محشش قاعد يكتب رساله فجأه غير الخط ليه؟؟؟
قال الخط الاول في تفتيش


- اتنين مساطيل راكبين قارب في النيل
الأول : القارب بيغرق...
التاني :
 ما تتنيييييل.. ما يغرق هو بتعنا ؟


- اتنين مساطيل ركبوا اسنسير
الأول بيقول للثاني:
هو الاسنسير ماشى براحة ليه !!
التانى قاله: تلاقيه طالع على السلم


- واحد مسطول يقول لصاحبه:
تخيل انه كيلو اللحمه بقرش صاحبه قاله:
 معقووول... فين ده؟
قاله: مش أنا بقول لك أتخيييييل..


- احول بيعاكس واحده حوله
قال لها: أحلى وحده اللي فى النص.
ردت: اما شلة صيع صحيح !!


يارب تكونوا ضحكتوا بجد
اقعدوا بالعافيه
وتصبحوووووا على خيررررررر


 
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

21 التعليقات:

Haytham Alsayes يقول...

هههههههههههههههههههههههههههههههههههههههههههههههههههههههههههههههههههههههههههههههه

نكت جامدة كالعادة
فعلا ضحكت من قلبي

Ramy يقول...

هههههههههههههههههههههههههههههههههههههههههههههههههه

و انا اقدر اجى و مضحكش (:

حتى لو فيه ايه (:

ツSmiLeY AnGeLツ يقول...

هههههههههههههههههههههههههههه
ههههههههههههههههههههههههه
دمعت من الضحك
رووووووووعة
تضحكي الي مايضحك
تضحكي الحجر
روووووووووووووووووووووووعة
ربنا يبسطك يارب ويسعدك ياقمر
وانت من اهل الخير ياعثولة.

Boneta يقول...

تمام يا فندم انا صاحيه وحاضره اهو
ناسي إيه ياواد يا بطرس ناسي إيه..؟
ههههههههههههههههههههههههههه يعني افتكر المناسك والطواف ونسي اسمه !!
لأ جامده بجد
ميرسي يا مرموره

هديل الحمام يقول...

ههههههههههههههههههههههههه
ههههههههههههههههههههه
عجبتني المقارنه بين اوباما ومبارك
فعلاً شر البليه ما يضحك
والنبي أنتِ عسل يا أحلى مرمر ^_^
تسلمي وتسلم خفة دمك
وربي يسعد قلبكـ يااااااااااارب

عمرو يسرى يقول...

ههههههههههههههههههههههههههههههههههههههههههه
كالعاده رائعه

محب روفائيل يقول...

ههههههههههههههههههههههههههههههههههههه

هههههههههههههههههههههههههههههه

هههههههههههههههههههه

هههههههههههه

هههه

ه

شمس النهار يقول...

لا بجد ضحكت

بس النهاردة مش امبارح
:))))))))))

بس بتاعت الصين دي جامدة اوي

:)))))))

Carmen يقول...

:‏)‏)))) عسل يامرمورتي

شوية قهوة يقول...

هههههههههههه
بجد كان نفسي اضحك

Unknown يقول...

ههههههههههههههههه كرككركككرر جامده اووووووووووووووى يا مرمر كالعاده والله ضحكتينى من قلبى ووحشانى موووووووووت يا قمر

sony2000 يقول...

:))))))))
علي فكره انا من كتر الضحك دمعت
ودي مش بسهوله
ماشي؟

100 يقول...

هههههههههههههههههههه
ههههههههههههههههههههههه
هههههههههههه
هههههههههههههههههههههه

قووووووووويييييييييييية


الله يديمك ويديم نكتك واجواك الحلوه
يامرمر

يسلمووووو يابطله..

باحث عن حب يقول...

الله عليكى يامرمر
حمدا لله على سلامتك
يارب
يضحك اياماك

همسات وبحــ الحياه ــر يقول...

هههههههههههههههههههههههههه
واحشنى المدونة دى كتييييييييييير

مرمر واحشانى اكتر
واخيرا خلصت امتحانات

وانا زحلااانة منك خالث
كدا متجيش تزورى قلوب بلامرسى
ولا نستينى :(:(

♥نبع الغرام♥♪≈ يقول...

ههههههههههههههههه
وربنا شوية نكت جااااااااااين فى وقتهم
ههههههههههههه
ربنا يسعدك زى ما بتسعدى الناس ياقلبى

عبد الرؤوف بن عبدالسلام (أبوهارون) يقول...

نداء من عبد الرؤوف عبد السلام مواطن تونسي إلى الشعب المصري العزيز

لنجاح ثورتكم يا مصريين عليكم بما يلي.
* المظاهرات ليلا ونهارا و تكون ليلا أكثر وهذه لها عدة فؤائد*تقللون من فرص القبض عليكم ومن فرص معرفة هوياتكم*تستطيعون النجاة من عمليات التصوير*ترهقون قوات مكافحة الشغب فانتم تثورن ليلا وتنامون نهارا وهم في حالة طواري قصوي فالليل شغب والنهار شغب لا يستطيعون النوم فيكونون ضعفاء مهما كان عددهم * تمنعون عمليات الخطف وزوار الفجر الغير شرفاء
*استغلوا الاعلام لتبليغ صوتكم فالضغظ الخارجي رهيب جدا *استخدموا الاصباغ اللون الاسودلتغطية زجاج السيارات المصفحة لتشلوا حركتها *: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى . ملاحظة هامة اياكم وعمليات الانتحار فاذا كان مصيرك الموت فليكن برصاص طاغية*أخوكم عبد الرؤوف عبد السلام من تونس/http://amiralcafe.blogspot.com/2011/01/blog-post_25.html* الرب معكم ونحن التونسيين معكم يا مصرين" انشرها حتي لا يتاذي اخواننا في مصر....

موديل يقول...

لا رهيبة بتهلك من الضحك
انت كمان لو عايز تضحك ادخل على مدونتي عايزة اخس
هتضحك بحق و حقيقي بس عن جد مش تهريج
موديل
http://back2evans.blogspot.com/

هديل الحمام يقول...
أزال المؤلف هذا التعليق.
محب روفائيل يقول...

مرمر

على فكرة أنتى برضة عليكى الواجب بتاع لو كنت المسئول .

هتلاقيه هنا

http://mo7eb-rofail.blogspot.com/2011/02/blog-post_06.html

تحياتى ، ولازم تعملى الواجب ، لحسن ....

أيوة كده :)

Maram يقول...

هههههههه

نكت جاامده

تسلمي وربي يسعد قلبك

القالب صمم بواسطة
 نرحب بكل الأفكار والمقترحات التجارية