ركن المرأة شباب على طول امنياتى جرائد وصحف

الثلاثاء، أبريل 26، 2011

ضحكات ربيعيه


كل سنه واحنا طيبين
وبعيد الربيع فرحانين ومتهنيين

وبما انى قديمه قووووى
وبعشق فن الزمن الجميل
فبقدم اهداء لكل حبايبى واصحابى
اغنيه فريد الاطرش
وعاد الربيع
بعد ما تسمعوا وتستمتعوا وعووووووا
ارجع لدعوتى اليكم بالضحك
لكن من القلب



- كان هناك ثلاث فتيات يتحدثن عن الجمال
فأعطت إحداهن تفاحة لولد صغير وقالت له
أعطي هذة التفاحه لأجمل واحدة منا
  فنظر الولد في الفتيات الثلاث 
ثم اكل هو التفاحه 


- شاب أخبر أمه أنه وقع بالحب 
وقرر أن يتزوج قال لأمه ...
سوف أحضرلك ثلاث من زميلاتي وأنت حاولي معرفة من التي أحببتها وتجمع الثلاث فتيات وامه وجلسوا وتبادلوا الحديث 
وبعد ذهاب الفتيات سأل أمه 
أخبريني من التي تتوقعين بأني سأتزوجها 
ردت الأم بسرعة:
بالطبع التي جلست على اليمين
قال الشاب لامه متفاجئ,لكن أخبريني كيف عرفتي؟ 
 ردت الأم سبحان الله 
 ما حبتهاش


- شعار بنات 25 يناير
* * * * * * * * * * * * * * 
افرحو يا بنات مش هتعنسوا الشباب هيشتغلو وهتتجوزا


- هريدي راجع من السفر بعد عشرين سنة غربة
لقى اخوه بيستقبله ودقنه طويلة 
وحالته بالبلا قاله في ايه ابوك جراله حاجة
طبطب عليه وقاله يلا بينا
راح البيت لقى اخوه التاني بيستقبله ودقنه طويلة وحالته زي الذفت قاله ابوك جراااله حاجة
طبطب عليه وقاله يلا .......بينا
دخل لقى ابوه بيستقبله ودقنه طويلة 
وشكله يصعب عالكافر قاله في ايه يابا..
امي جرالها حاجة 
قاله :وديت مكنة الحلاقة فين يا هريدي


- رقاصة عندها بغبغان علطول يقولها ياسافلة 
المهم زهقت فحكت لصاحب المحل فقالها طب سيبهولي فالراجل بقي يغلي ميه ويقول للبغبغان 
لوسمعت إنك شتمت المدام تاني هحطك فالميه
وإنت صاحي فرجعت الرقاصة قالت إيه الأخبار ؟
قالها تمام جربــيــه
فقالت للبغبغان لوشفت معايا راجل هتقول إيه؟ قالهاأخوكي قالتله طب إتنين؟ 
قالها أخوكي وأبوكي قالتله طب تلاتة؟
قالها أخوكي وأبوكي وجوزك قالتله طب أربعة؟
قاله ياعم سخن الميه دي وليه سافله


- تعديل منهج اولى ابتدائى مزتى خطيره
اسمها سميره جسمها جميل شعرها طويل
رغيها مسلى وهى لى كظلى
خلتنى بمهاره 
اسيب حبيبتى ساره


- نقترح إضافة هذآ آلبند للـماده 76
من آلدسـتور يشـترط على من يتقدم إلى آلترشـح للرئآسه :
  1- أن يكون من أى محافظـه ف مصر ما عدا المنوفيـه
2 -أن لآ يـكـــون شــآرك فـى آلـضـربـــه آلـجــويــــه ! "عـشــآن مـآيـذلــش أبـــونــآ كــل شـويــــه"
3 - ألآّ يـكــون مـتــزوج عـشــآن نـخـلــص مــن حـــوآر آلـتـوريـــث


- للبنت أذا رنيتي بالليل على حبيبك
و طلعلك انتظار , المفروض يقول لك 
 Please wait .. The DONKEY you are calling is BUSY with another mozza .. Please CRY Now and call later !!


- مرة واحد أجنبي بيسأل عربي: إنتوا لية العرب بتردوا على السؤال بسؤال تاني؟؟؟ 
 راح العربي رد علية :مين قالك كدة؟


- الفرق بين البنت والشاب لو شافوا صرصار 
 الشاب اول ما يشوفه بالشبشب وعلي دماغ امه 
اما البنت فهي مش بتتكلم تبص يمين وشمال 
ووراها ويا فكيييييييييييك


- من نظريات القذافي النساء الحوامل ..
اكثر عـرضه للانجاب


- واحد مات .. وفي جنازته كانت مراته بتضحك !! ولما سألوها عن السبب ، قالت : عشان دي أول مره أعرف جوزي رايح فين


- طلع مجموعة صيادين يصطادو 
وكل ما يصطادو حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص 
وبعد ما اخده لمدة 6 شهور رجع يصطاد تاني 
أول ماضرب نار الكلب اعد يزغرط


- دكتور شغل اغاني للمجانين، 
الكل رقص ماعدا واحد، ساله الدكتور ليه مش بترقص معاهم قال:
اسكت اسكت انا العريس


- القذافى مره جالوا بتاع الزباله وخبط عليه
قالو زباله .. فالقذافى قالوا طيب ثوانى
دخل القذافى المطبخ بعدين خرج قالوا
 لأ شكراً عندنا


- محشش بيتكلم مع مرته
حاضر يا حياتي
حاضر يا عمري
حاضر يا قلبي
حاضر يا روحي
قاله اخوه : أول مرة اشوفك بتتكلم مع مراتك كده ومن امتى بتتكلم بالطريقة دي
رد عليه المحشش
اسكت بقالى اسبوعين ناسي اسمها


- احساس رخم
لما تبقى بتتناقش مع حد و تقعد تكتب و تكتب 
و تكتب و تكتب و مندمج 
و بتاخد نفس عميق و بتدوس انتر 
و تلاقى انك نسيت تحول الكيبورد عربي 
بتحس ان شقى عمرك ضاع 
و بتقول و ربنا ما انا عايد تانى الكلام


- مره واحد صعيدي راكب عربيه وشايل فيها حمير
قابلو ظابط رخم عليه قالو واخد اخواتك دول موديهم فين
الصعيدي قالو رايح اقدملهم ف كليه الشرطه عشان يبقو ظباط زيك


- يعني ايه بلطجي رجولة؟؟ 
 يعنى بلطجى يقلبك و بعدين 
يسألك عايز كام عشان تروح بيتكو


- ذات مرة سأل اب ابنه وقال له : 
اذا خيروك بين العقل والمال فما تختار؟ 
فرد الا بن : سأختار المال
فابتسم الاب وقال :
وانا سأختار العقل فرد الابن :
  والله كل واحد يختار اللي ناقصه


- في طفلة ضايعة اسمها روان عمرها 4 سنوات لابسة فستان ازرق و شعرها اسود طويل اللي يلقاها يلطشها كف لانها طالعة حافية


- محشش عرف إن فيه نظارة تشوف الناس من غير هدوم باع اللى وراه و اللى قدامه و أشتراها
جه قال لا انا لازم اجربها بقي نزل الشارع شاف الناس من غير هدوم وراح بيته دخل أوضة النوم لقي مراته معاها راجل من غير هدوم
  فشال النظاره لقاهم كدا بردو
من غير هدوم
حطها ثاني لقاهم برضه من غير هدوم
قامت مراته :
الله يخليك سامحني قالها استني يابت المنحوسة
اما اشوف النضارة اللي علقت دي


- بيقولك مره كان فيه واحد منحوس اوي 
كل ما يعمل اي مشروع يفشل وهو شايف الناس حواليه اي حد بيدخل في مشروع بينجح والحياه بتفتح معاه المهم خد القرار انه يسافر بعيد وراح ركب الطياره واول لما الطياره طلعت وهي في الجو حصل هزه وجات المضيفه قالتلهم ان الطياره فيها عطل والعجل بتاعها مش راضي ينزل وربنا يستر علينا 
بقي قعد هو يقول انا السبب ...انا السبب 
انا نحس انا منحوس بس لاااء
انا مش لازم اكون السبب ان الناس دي كلها تموت انا لازم انتحر وافك النحس راح قايم 
وقال للمضيفه انه عاوز اروح للكابتن بتاع الطياره وراح للكابتن وقاله 
انه عاوز يفتحوله الباب وهو هيتصرف ف الكابتن قاله مش هينفع ده فيه خطوره علي حياتك
راح اصر واضطروا يفتحوله الباب هو جه يرمي نفسه لقي حته حديده معلقه العجل بتاع الطياره قال طب لما اشيلها واجرب وشالها ورماها راح العجل نازل والطياره نزلت بسلام وهو قرر مينتحرش ولقي الناس بتسقفله والتليفزيون والصحافه استضافوه وعملو معاه لقاءات وهنوه علي شجاعته المهم راح اتصل بمامته عشان يطمنها عليه ويفرحها بيه عشان طلع في التليفزيون واتصل بيها لقاها بتعيط قالها في ايه يا امي انا كويس والله 
انتي مشفتنيش في التليفزيون ولا ايه؟
وهي  برضه تعيط .. يا امي والله كلنا كويسين ... راحت خدت نفس كده في وسط العياط وقالتله
اصل ابوك طلع فوق السطوح يشم هوا راحت حديده وقعت علي دماغه من السما موتته


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

27 التعليقات:

مصطفى سيف الدين يقول...

هههههههههه
شكرا للابتسامة اللطيفة قبل النوم

mrmr يقول...

عفووووووا
ده واجبى ودعوتى يا درش
ربى يسعدك

Unknown يقول...

عثل عثل عث ضحكتينى اللهي ربنا يفرح قلبك بس اكتر وحده عجبتنى النظاره اللى علقت

mrmr يقول...

منا يا قمر
ربنا يفرح قلبك يا غاليتى
سعيده بوجوده فى ابتسامات ربى يسعدك
ويحافظ عليكى

لــــ زهــــــراء ــــولا يقول...

هاهاهاهااااااااااااااااااا


تعرفي ساعات اقعد اكتب واكتب
واكتب وانا مندمجة
وبعد ما ابعت اكتشف اني كنت بتكلم اي لغة تانية غير لغة البني ادمين
فاللي يقولي كنتي بتقوي ايه
اقوله
وربنا منا عايدة كلامي
ههههههههه

"
- للبنت أذا رنيتي بالليل على حبيبك
و طلعلك انتظار , المفروض يقول لك
Please wait .. The DONKEY you are calling is BUSY with another mozza .. Please CRY Now and call later !!


- مرة واحد أجنبي بيسأل عربي: إنتوا لية العرب بتردوا على السؤال بسؤال تاني؟؟؟
راح العربي رد علية :مين قالك كدة؟
"

هههههههههه كله كله جميل
يا اجمل مرمراية تسلمِ

لولا

mrmr يقول...

لولا يا لولا يا اجمل لولا
منورانى ديما بتعليقاتك الخفيفه
تحياتى

Carmen يقول...

:‏)‏)))) جميلة يامرمر تصبحي علي خير بقي ^_^ صحيح الرسايل فتحت في متصفح تاني ولا ايه :d

Mahmoud Ahmed يقول...

هههههههههه
شكرا شكرا على الابتسامات الجميله
^_^
وحلو قوي شعار بنات 25 يناير
هههههههههههههه

غير معرف يقول...

مجموعة روعة من النكات والقفشات
بارك الله فيك
لك كل التحية والتقدير

موجة يقول...

ههههههههههههه
لاء جامدة
كل سنة وانتى طيبة

غير معرف يقول...

عايزة أقولك ان المدونة دى بالتحديد بتفكرنى بذكريات تدونيه جميله

فكرها يا مرمر ؟؟

كل سنه وانتى طيبه حبيبتى

mrmr يقول...

كارمن حبيبه قلبى وانت من اهل الخير احلام سعيده
ايوه يا غاليه فتحت عن طريق الفاير فوكس مرسى للنصيحه يا قمر
ربى يسعدك

mrmr يقول...

سبايدر مان

منور ابتسامات

ربى يسعد قلبك

mrmr يقول...

ماشى بنور الله

اهلا بيك فى ابتسامات منورنى
واتمنى تكون قضيت بعض لحظات من الضحك فى مدونتى المتواضعه

تحياتى

mrmr يقول...

موجه

وحشتينى يا حبيبه قلبى
وجودك بالمدونه بيسعدنى

ربى يسعدك

mrmr يقول...

حبى الجميل

طبعا فكراها مقدرش ابدا انسى الذكريات دى
انتى اول انسانه ارتبط بيها فى ساحه التدوين ومقدرش انسى مواقفك معايا انا سعيده بيكى جدا يا ايمى علشان كده انا بموووت فيكى

ربى يسعد قلبك

الاحلام يقول...

كم كنت احتاج الى هذه الابتسامات فحقا هو ربيع جميل بابتساماته الرائعه
على فكره انا التعليق بتاعى كله ولما نظره للكلام وجده كله انجليزى شوفتى الرخامه هههههههه بس انا عندى عزيمه وقلت لازم اكتب التعليق مره اخرى ليقت الكمبيوتر هنج منى شوفنى اصلى منحوس ههههههههههه بس عندى عزيمه كتبت التعليق مره ثالثه وارسلته قبل ما يحصل حاجه تانى
سعيد جدا بوجودى وسط هذه الابتسامات ولانى قديم من زمان يعنى بهديكى اغنيه الورد جميل جميل الورد
تقبلى تحياتى الاحــــــــــلام

Unknown يقول...

احم احم
سلامو عليكو

حلوين قوي دول

Tamer Nabil Moussa يقول...

كلام عسل مرمر

تسلمى علية

مع خالص تحياتى

محب روفائيل يقول...

ههههههه ايه الحلاوة دى ؟ بجد جميل جدا يا مرمر , بس انتى بتجيبى النكت دى منيييييين ؟ شكلك كده بتذاكرى من ورانا والعياذو باللة :):):)
تحياتى

فارس الاندلس يقول...

مدونة جميلة

مشكوررة مرمر


تحياتى

ماما عبير يقول...

اضحك الله سنك

مبسوطة اوى باالمدونة حلوة الضحكة والابتسامة


تحياتى

Elsayed Azab يقول...

ربنا يسعدك يارب على البسمة التى ترسميها على وجوهنا دائما ..

تحياتى

model يقول...

جميل البوست الساخر المضخك و الدافع للابتسام

جايدا العزيزي يقول...

ههههههههههههه

انا قريت البوست يوم ما اتنشر ومت على روحى من الضحك

حتى حسن قالى انت اتجننتى قولتله اها

بس انشغلت معاه عن التعليق سماح ياقمر

تحياتى

الجوكر يقول...

نحتاج كثيرا لمثل هذه الابتسامات

التى تزرع البسمة فوق الشفاة

بعد اصبح الحلق جاف

مما يحدث حولنا

.....

مرمر

شكراً لإبتسماتك الباسمة


مودتى

الاحلام يقول...

كم نحن الان نحتاج الى ابتسامه تنسينا عناء العمل اليومى والتى نفتقدها من من كبيره لعدم وجود ملكة الابتسامه مرمر
تمنياتى ان تكونى بخير دائما تقبلى تحياتى الاحـــــــــــــــــــــلام

القالب صمم بواسطة
 نرحب بكل الأفكار والمقترحات التجارية