ركن المرأة شباب على طول امنياتى جرائد وصحف

الثلاثاء، يوليو 20، 2010

دوووول حبايبى



هااااااااااااااااااالوا
وحشتونى
ووحشنى قوى الضحك معااااااااكوا
انا رجعت بصحبه حلوه
مع الـ


اصلهم حبايبى
بيقولك مره واااااحد


-  صعيدي اشترى بي إم دبليو بمواصفات خاصة
 فيها الكمبيوتر يصلح كل شيء من غير ما يروح التوكيل
 حب الصعيدي يجربها فكسر الباب اللي ع اليمين
 فرد الكمبيوتر: يا أيها الباب ارجع كما كنت ، فرجع الباب
 وكسر الباب اللي ع الشمال، فرد الكمبيوتر يا أيها الباب ارجع كما كنت!!!
عجبته الحكاية قام جربها وطار من فوق الكوبري!!
فرد الكمبيوتر: يا أيتها النفس المطمئنة ارجعي إلى ربك راضية مرضية



- صعايده سمعوا عن اختراع أسمه السيفون حبوا يعرفوا هو إيه
بعتو واحد منهم القاهرة لما رجع قالهم أما السيفون ده حتة اختراع يا رداله تدوس على السيفون تنزلك الميه ويا تلحق تشرب يا متلحقش.



- صعيدي مفتاح عربيته ضاع ميكانيكي جه فتحاله بطفاشه
 تاني يوم عمل نسخه من الطفاشه .



- صعيدي راح لدكتور بلدياته
 قاله يا دكتور كل أما أحط أيدي على عيني مشوفش الدكتور خرمله أيده .



- صعيدي عمل عمليه نجحت عملها تانى.



- صعيدي قال لأبوه أنا عاوز موبايل قاللوا هادبهولك بس تركب أخواتك معاك.



- صعيدي بيعمل كشف نظر طلع نظره 6/6 فصاحبه بيقوله مش كده تمام قاله

أنا كنت ممكن أجيب أكتر من كده بس الدكتور اللي لخبطني .



- صعيدى دخل راسه فى قفص الاسد الحارس قاله انت بتعمل ايه يا بويا

قاله يا عم ما تخافش واحنا هناكله .



- صعيدى عرف ان الجلد موضة مشى عريان .





- صعيدى و صاحبه قاعدين عالقهوة بقالهم يجى ساعة
ده يقوله دش والتانى يقوله لع ده دبش يقوله لع دش يقوله وانى بجولك دبش
صاحب القهوة نادى عالصبى قاله روح يابنى شيل الشطرنج ده من ادامهم.



- 10 صعايده بيتعلموا ربط الكرافتة 6 ماتوا و 4 في حاله حرجه.



- الصعايده فتحوا محل بيتزا سموه بيتزا هعععععععععع .



- صعيدي مات خبي على أهله .



- صعيدي حب واحده أتجوز أختها علشان يضمن يشوفها كل يوم .



- صعيدى بيقول لصاحبه ..
 بالي مشغول من امبارح يا هريدى قاله يبجى اكيد حد رافع السماعه .



- صعيدى لقى كنز قال يابوى لسه هدور عالخريطة ..



 


طبعا فى كلام كتييير مش فهمينه نصيحه استعملوا المترجم الفورى
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

22 التعليقات:

باحث عن حب يقول...

صعيدى و صاحبه قاعدين عالقهوة بقالهم يجى ساعة
ده يقوله دش والتانى يقوله لع ده دبش يقوله لع دش يقوله وانى بجولك دبش
صاحب القهوة نادى عالصبى قاله روح يابنى شيل الشطرنج ده من ادامهم.


هع هع هع هع هع هع
ايه الدمال ده كله
دلع والله دلع
عزال يا خواتى

اقصد غزال

الصعايده دول اللى بيدخلوا الضحك والابتسامه على الامه العربيه كلتها
اومال ايه
انا بفكر انزل
قاموز اللغه الصعيديه
علشان والله
انا لما اكون مع صعايده اصحابى
مع ناس تانيه
برضوا اصحاب بس
من القاهره او غيره انا والصعيدى نتكلم ونضحك
والتانيين مش فاهمين حاده وااااصل
زى كده بتوع النوبه لما يتكلموا مع بعض
او بتوع الوادى الجديد برضو ممكن تفهم منهم شويه كلام
اللهجات واللغه غريبه
بس اخفهم دما الصعايده صبعا
ربنا يخلى ليكى مرمرتان اللى عندك يارب
بس احنا عاوزين ولاد بقه تخاويهم بعشره من الاولاد
اومال
الفرح هيكون فاضى بتاع البنانيت دول
اومال مين اللى هيوزع السجاير
ولا ايه
ربنا يفرح
قلبك
يا مرمر

sony2000 يقول...

ههههههههههههههههههههه
اضحك الله سنك
شكرا علبسمه اللي كنت محتجاها بجد:)

أنا - الريس يقول...

بعد السلام والتحية
أما بعد
من رئيس الجمهورية
ههههههه
احلي واحدة بتاع السيفون .
وبتاع الأسد مع إني سمعت التانية قبل كدا
تسلمي
وحمد لله علي السلامة

Tarkieb يقول...

اية الدمال ده ههههههههههههه حلوين جوي جوي

مها البنا يقول...

ههههههههههههههههههههههههههههه

تحفه


احلى نكته الأولى


اضحك الله سنك ورزقك خير الدارين

Ramy يقول...

ههههههههههههههههههههههههههههههههه

لالالالا

المرة دة متألقة جدا

لا جامدين بجد

دة انا هذكرهم علشان اقولهم لصحابى (:(:

تسلم ايدك يا مرمركو

زى شكوكو كدة (:

ربنا معاكى

mrmr يقول...

حوده
يا مراحب يا مراحب
كده احنا نقعد ونحكى للصبح محدش ح يعرف لغتنا اصل نحن نختلف عن الاخرين
هع هع هع
ربنا يفرح قلبك واقدر ارسم بسمه صغنونه على وجوه حبايبى

حرام عليك يا مفترى عشره ولاد اعمل بيهم ايه ناقص كمان تقولى كمليهم فريق كره قدم
اشكر ربنا يا حوده ربنا مدينى وراضينى
غيرى مش لاقى ظفر عيل
وكمان فين كلام سعاد حسنى وهى تصرخ وتقول البنت ذى الولد مهش كماله عدد ف الاحتمال والجلد
مش لازم نسمع الكلام
انا اللى عايزه افرح فييييييك

mrmr يقول...

sony2000
اهلا بيكى يا قمر
نورتنى ويارب دايما اقدر ابسطك واضحكك
ربنا يسعد اوقاتك

mrmr يقول...

اهلا ياريسنا
الريس كله عندنا يا مرحبا يا مرحبا
منور ديما ابتسامات
ويارب ديما النور ما ينقطع ابدا
ضحكتلك السنبله
ربنا يسعد اوقاتك

mrmr يقول...

تراكيب
اهلا اهلا
باين عليك طلعت من بلدنا

دمال ... جوى ... جوى

يالهوووووى طيب ابقى ادينا تلكس علشان نعرف نقوم معاك باحلى واجب

ربنا يسعدك ويفرح قلبك

mrmr يقول...

مها البنا
اهلا يا حبى
ابتسامات منوره جوى جوى جوى بوجودك ( جوى جوى دى صعيدى )

تسلم خطورتك يا قمر وميحرمنيش منك ابدا
وشكرا لزيارتك ومرورك

mrmr يقول...

رامى
اهلا بالرجل الهمام المقدام
اقعد ذاكر كويس واحفظ علشان ناويه اسمعهم عليك لو جاوبت غلط ح اسقطك فى الامتحان
وخلى بالك ما فيش دور تانى
كرت اصفر واحمر علطول

مش عارف يا خويا مرمر فضيله ولا مرمركوكو
ذى ماتحب كل الطرق تؤدى الى رووووما

يارب ما اتحرم من خطوتك ومنورنى دايما يارامى ويسعد قلبك وينولك اللى فى بالك يارب دعوه وليه ساعه عشيه
ههههههههه

غير معرف يقول...

mrmr،إبتسامات كنا ولا نزال بحاجة لها
أسعد الله أيامك وأوقاتك بكل خير وسعادة وإشراق دائم منقطع النظير
تقبلي تحياتي المعطرة بعطر الورود والياسمين

الغدوف يقول...

هههههه
تسلم الأيادي يا عسل
الله يسعدك ويديم بسمتك

ودي لك

عمرو يسرى يقول...

جميله جدا وكل النكت حلوه جدا جدا ولكن النكته الاولى بالرغم من انها جميله جدا بس عندى تحفظ صغير على وضع الايه بتاعت
يا ايتها النفس المطمئنة ارجعى الى ربك راضيه مرضيه
فى نكته
لان ايات القران لااحب ان توضع فى اماكن الضحك والهزار

وشكرا لانى استمتعت بكل النكت الرائعه

Mahmoud Ahmed يقول...

ههههههه
حلويييييييين

mrmr يقول...

أسامه
شكرا ليك ومنورنى
واتمنى ان نكون فى تواصل مستمر
اسعد الله حياتك ويفرح قلبك

mrmr يقول...

الغدوف
شكرا يا قمر
ربنا يديم عليكى السعاده
ويبارك حياتك

mrmr يقول...

عمرو يسرى
تحفظك احترمه جدا
مع احترامى ليك وتقديرى
دمت فى سعاده

mrmr يقول...

سبايدرمان
اهلا اهلا
ربنا يسعدك ديما
ابتسامات زادت نور بالزياره

ساسو يقول...

هع هع هع هع هع
واه واه يابوي
يا ولد ايه الحلاوه دي
بمووووووووت في لهجه الصعايده

بجد عسوله اخر حاجه

mrmr يقول...

ساسو
واه واه واه
كيفك يا بنت العم

نورتى يا ساسو
ربنا يسعدك

القالب صمم بواسطة
 نرحب بكل الأفكار والمقترحات التجارية