ركن المرأة شباب على طول امنياتى جرائد وصحف

السبت، يوليو 24، 2010

تانى .. تانى ... تانى ورجعت مع حبايبى تانى



- صعيدى طلع رحلة و قعد جنب السواق
  فالسواق نزل استراحة ورجع لقى الفتيس مش موجود قالوا الفتيس راح فين !!! قالوا لجيتك طول الطريق عمال تشد فيه مش عارف تخلعه جولت اشلهولك


- واحد بلدياتنا دخل حمام افرنجي اخد معاه مترجم


- صعيدى واقف قدامه خمس شياطين واحد يوسوسله و اربعه يفهموه .


- اربع صعايدة راحو يلعبو بلياردو
 واحد منهم وقف فوق الطرابيزة وقال لهم انا الجوووون.


- صعيدي ابنه بيقوله بكره عيد الحب يابا
قاله : يوووه ايه الورطة دى!
 وده صلاته ازاي .


- صعايده بيلعبوا شطرنج الملك مات مشلول .


- بيسألوا واحد صعيدي بيقولوله
المصري بنى الأهرامات والياباني بنى إيه قالهم بنا سونيك .


- مجموعة صعايده ماتوا غرقانين في غواصة
بعد التحقيق في الحادث اكتشفوا أن واحد فيهم سمع خبط بره فتح يشوف مين .


- صعيدي أشترى تاكسي كل لما حد يقوله تاكسي يقوله أيوه تاكسي.


- صعيدي بيسأل صاحبه بيقوله إيه رأيك في تجارة المخدرات
قاله تجارة عين شمس أحسن .


- صعايده بلعبوا على قهوة
 واحد قال كش ملك والتاني قال دبش والثالث راح واخد الكوتشينة وماشى .


- واحد صعيدي حب يعمل روش كتب على الشومة أديداس ....


- واحد صعيدي ماشي في الشارع لقى قشرة موز .... قال ييييه حتزحلق تاني.


- واحد صعيدي بيدهن الحيطة ..
قالوله حط جرنال تحتيك ..قالهم لأ أنا كده طايل كويس .


- صعيدي وقع في حفرة حدفوله حبل طلع مشنوق .



- صعيدي بيقول لصاحبه شوف العالم الهطله
 يدفعوا 25 مليون علشان بن لادن أمال لو كان بن محوج كانوا عملوا إيه !!!



- صعيدي راح أمريكا لقى الناس لابسين تي شيرتات
مكتوب عليها بيبسى وكوكاكولا
 لما رجع البلد كتب على التي شيرت بتاعه عصير جصب.



- الأمريكان والروس بيترسموا على بعض
الأمريكان يقولوا أحنا أول ناس طلعنا القمر ،
والروس يقولوا لا أحنا أول ناس طلعنا القمر ..
 صعيدي كان واقف أضايق أوى ، قالهم أنتوا لما طلعتوا القمر لقيتوا هناك إيه قالوله طوب ورمل وزلط ، قالهم أحنا اللي مطالعينه.



- صعيدي عايز يروح حفله تنكريه بعت أخوه.



- صعيدي جاى ينزل من باب العربية لقي الدنيا بتمطر راح نازل من الباب التاني ..


- صعيدي دق في سدر أبنه مسمار عشان يعلقله البزازه .


- صعيدي أشتري عربية شبح
طلع علي الطريق السريع عشان يجربها  فشغل الراديو لقي المذيع بيقول هنا لندن
الصعيدي قال يلعن أبو السرعة .

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

29 التعليقات:

أنا - الريس يقول...

ههههههه
انا سمعتهم معظمهم قبل كدا الا واحده هلكتني من الضحك


- صعيدي ابنه بيقوله بكره عيد الحب يابا
قاله : يوووه ايه الورطة دى!
وده صلاته ازاي .

بجد جامدا جدا بحيكي علي النكت الجامدة .

أنا - الريس يقول...

أنا اسف انه مكتبوتش في التعليق الأول
نسيت حاجة مهمة

حمدلله علي السلامة .

باحث عن حب يقول...

صعايده بلعبوا على قهوة
واحد قال كش ملك والتاني قال دبش والثالث راح واخد الكوتشينة وماشى

يعنى هما اصلا مش عارفين بيلعبوا ايه
هههههههههههه
مش كفايه كده
بقه
انتى بهدلتينا
اومال
لو ماكنتيش
صعيديه
اومال كنتى هتعملى فينا ايه

هههههههههههههههههه
ده كوم واديدس كوم

وبتاع الفتيس والمطره والبزازه
ايه الدمال ده كله

ميه ميه يا مرمراميروووووووووووووا


عثل والله
ياباشا

mrmr يقول...

اهلا بريسنا الهمام
معلش ياريس سامحنى
اذا كانت سمعتهم قبل كده
ان شاء الله احاول اجيب صحبه جديده تعجبك

انا سعيده بوجودك ومشاركتك
ربنا يسعدك

mrmr يقول...

الله يسلامك يا ريس
كلك ذوق
ربنا ما يحرمنى منك ولا من زيارتك

وياريت كيس فاكهه كده معاك وانت جاى علشان الحبايب

خواطر شابة يقول...

حمد الله على السلامة عزيزتي وخفي على الصعايدة شوية هههه ليزعلوا منك
دمت بكل ود عزيزتي

mrmr يقول...

اهلا يا محمود
بقولك ايه
انا صعيديه اااه
لكن يا خوى عندى انتماء شديد
برضه اسيبهم فى حالهم

على راى الست
ده مستحيل قلبى ييمل واحب غير الصعايده ابدا ابدا اهو ده اللى مش ممكن ابدا

تسلم يا حوده
ربنا يفرح قلبك

mrmr يقول...

خواطر
اهلا بعزيزتى الغاليه
متتصوريش قد ايه ببقى سعيده بزيارتك
ربنا ميحرمنى منك

وجب يا قمر حاضر ح اخف عنهم شويه وبعدين دول اهلى وناسى مقدرش على زعلهم ابدا
ربنا يسعدك ويفرح قلبك

عمرو يسرى يقول...

حمد الله على السلامة
نكت جميله جدا اختيار موفق

mrmr يقول...

أ / عمرو يسرى
الله يسلمك
ربنا يخليك وتنورنى ديما
ويسعد قلبك

بلال عادل رجب. يقول...

هههههههههههه
جميله جدا
فيه نكت اول مرة اسمعها

sony2000 يقول...

ههااهي
اضحك الله سنك
بجد كنت محتاجاها جدااااااا الضحكه دي:)

Ramy يقول...

هههههههههههههههه

مرمر بتعلى من جيم لجيم

لا دة انا ضحكت بجد المرة دى

يعنى يا عم رامى يعنى كنت بتجامل قبل كدة

لالالا كنت بضحك

بس المرة دى بزيادة شوية (:(:(:

حتى شوفى هههههههههههههههه


بالتوفيق يا مرمر (:

khaled يقول...

هههههههههههههه
على حظي جيت على رجوعك اتاريكي انتي كمان كنتي غايبة
بس نكت تهلك من الضحك
الواحد محتاج الحاجات دي علشان يجدد دمه

أتنين حبيبين يقول...

وحياة ربنا اخف دم شفته بحياتى كلهااااااااااا
هههههههههههههههههههههههههههههههههههههههههههههههه


هههههههههههههههههههههههههههههههههههههههههههههه
تسلمى ياقلبى شوية نكت فى الجووووووووووون

Tarkieb يقول...

يا بنتي ارحمي الصعايدة.... والله اجدع ناس دا يكفى انهم اكتر ناس بتقول نكت ههههههههه...يسلم ايديكي كلهم حلويين

richardCatheart يقول...

هههههههههههههههههههههههههه
ههههههههههههههههههههههههههههه

حلوين بس خلى بالك هايلبدولك فى الدورا

ان شاء الله هاعمل اعلان دائم لمدونه الوظائف عندى

تسلمى على اللابتسامه الحلوه

mrmr يقول...

قلب فارس
اهلا بيك يا بطل
منورنى ديما
ربنا يبارك حياتك

mrmr يقول...

sony2000
اهلا بيكى يا قمر
كلنا يا حبى فى اوقات كتير بنبقى محتاجين للابتسامه
ربنا يفرح قلبك ويسعدك

mrmr يقول...

رامى
يالهووووووووووووووى يا رامى
صوت ضحكتك وصلت لغايه الصعيد
انت ناوى تفضحنا وتجرس بينا الدنيا وبعدين ح لاقى الفرفر فوق نافخونا
وبيطالبوا بالثار
وذنبى فى رقبتك

ربنا يسعدك وتضحك كمان وكمان

mrmr يقول...

خالد
منورنى
انا فعلا غبت بس مش 3 سنين ذى حالاتك هما بس شويه صغننه
اتمنى يكونوا شويه الضحك دول جددوا دمك
مش حرقوا دمك هههههههههه
ربنا يسعدك ويحافظ عليك

mrmr يقول...

توتا
وحشتينى يا غاليتى
انا بموووت فيكِ يا بنت انتى
يارب يا توتا تكون ماما بخير وصحتها كويسه وابقى طمنينى عليها
سلام يا حبى
ربنا يسعدك

mrmr يقول...

تراكيبووووووووووا
اهلا يا جدع
ازيك
ارحمهم ليه دول حبايبى
وبعدين المفروض انا اللى اتحرى عليهم
دا انا صعيديه متأصله
صعيديه بنت صعيدى
بالمناسبه اغلب الصعيد دمهم خفيف وقلبهم طيب وحنينين هما بس كل ما هونالك مخهم ناشف حجر رحايه
ربنا يسعدك ويفرح قلبك

mrmr يقول...

richardCatheart
حبيبه قلبى
الحمد لله انا ساكنه فى المحافظه نفسها يعنى معنديش زرع علشان يستخبوا فيه

مرسى يا قمر لشعورك الجميل وبجد لفته ظريفه منك نشر مدونه وظائف عندك ياريت اللى يقدر ينشرها عنده تبقى خدمه لشباب كتير و لاهل بلدنا
ربنا يقدرك لفعل الخير ويسعدك

khaled يقول...
أزال المؤلف هذا التعليق.
khaled يقول...

لا ماتخافيش انا من كتر الدم اللي اتجدد هاروح اتبرع بيه بس من كتر ان دمي خفيف وعامل زي السبرتو خايف لا يطير قبل ما ياخدوا منه
هههههههههههههه

sara draz يقول...

هههههههههههههههههههه
فيهم حاجات حلوة اوى
تسلم الايادى
بس بلاش نقول صعيدى وكده عشان مش نجرحهم لانهم بيتضايقوا من الحاجات دى
ممكن نقول واحد بلديتنا..^_^
وتقبل تحياتى

mrmr يقول...

ريحانه الاسلام
يا مراحب يا مراحب
عايزه اقولك انى صعيده واحس بيهم بل بالعكس هما بيضحكوا معانا
نورتينى يا جميل وربنا يديم التواصل

أنا - الريس يقول...

علي فكرة أنا قصدي ان فيه لازما حاجة تضحك .. ومش عيب إن النكت متكرره ، ومعلومة بحثية جديدة في بحث إن الأفارقة أكثر الناس سرعة في الضحك وجاء المصريين في المرتبة الأولي . والأنجليز هم أكثر الأوربين

القالب صمم بواسطة
 نرحب بكل الأفكار والمقترحات التجارية