ركن المرأة شباب على طول امنياتى جرائد وصحف

الثلاثاء، يوليو 27، 2010

شويه متلخبطين



- بلدياتنا قاعد يفكر مع نفسه ويقول :
جمبرى فى الطبق ؟ لا لا .. أرنب فى الجردل ؟ برضو لاء مش دى ..
 استكوزا فى البانيو ؟ يوووووه برضو مش دى .. انا هتصل اعرف من الدكتور وخلاص ... واتصل بالدكتور وسأله : يا دكتور هو انا عندى ايه ؟ الدكتور قاله ياعم قولتلك مليون مرة عندك سرطان فى  الحوض
  

 -  واحد في منتهي الغباء كل ما تشوفه الناس تقولوا يا غبي الراجل يعيني طهق
من حاله نظرات الناس عليه المهم بعد ما أجن راح للريس وقالو:الناس بتقولي انا غبي فهل انا غبي
الريس:؟؟ حنشوف ونعمل اختبارات ذكاء ماشي
الغبي:انا موافق هاتوه
الريس: مين الي انتصر في الحرب المسلمين ولا الكفار؟؟
الغبي:المسلمين طبعا
الريس: شاطر طب مين اللي كسب في ماتش امبارح الأهلي ولا الزمالك
الغبي:....الأهلي طبعا
الريس: طب ما أنتا شاطر اهو امال بيقولو انك غبي ليه!!!
الغبي:: معلش سؤال أخير
الريس:؟؟؟
الغبي:: هو المسلمين والأهلي حيلعبوا ع النهائي
ههههههههههههههه
 غبااااااااااااااااء فعلا بجد الغبي غبي


- مرة اتنين اصحاب متجوزين بيتكلموا مع بعض فواحد بيقول ياه دا احنا في الجنة هيدونا ستات قشطة .... التاني  طب و ستاتنا .... الاول  لأ لالالا
دول هيعذبوا بيهم الكفار .......


-  مرة واحد بيقول لمراته يا قطة قالتله لأ انا غزالة قالها المهم حيوانة و خلاص


- شباب بيدرسوا في أمريكا مات أبو واحد منهم ! واحتاروا يقولوا له ازاي
فواحد منهم متخلف قال:أنا هقوله
راح للي ابوه مات قاله: امته اخر مرة شفت أبوك؟ قال:قبل شهرين .....
 قاله أبقي قابلني لوشفه مرة ثاني


- مرة ضابط مصري وضابط اسرائيلي دار بينهم هذا الحوارالاسرائيلي:
 الا قوللي انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي بتريقة أمال ايه الفرق بينكم وبين والبهايم؟؟
المصري: سيناء


- فلاحة اول مرة تروح للكوافير بيسالها سشوار ولا صبغة قالتله لا فلينى


- مره نكته ماشية بتعيط ليه؟؟ عشان واحد ضحك عليها


- محشش قاعد ويا الجمهور في مباراآة ..
 والجمهور متحمس ويشجع ويقول هيه دلوقتى يجي الهدف الأول
[ جآب الفريق الهدف الأول ]
وبعدين قاموا يقولون هيه دلوقتى يجي الثآني
 [ وجآب الفريق الهدف الثآني ]
 فقآم المحشش وقال لهم : اخواني اللي شايف المباراة  قبل كده ما يتكلمش . .


- جحش ودنه مقطوعة قاعد يشوف نفسه في المرايه ويقول ياخساره دايماً الحلو ميكملش


- حين تري السماء سقفا لبيتك. . والقمر مصباح
لغرفتك..والعالم بأسرتك....فأعلم انك....احم احم......نايم في الشارع


- بيقولك مره واحد خلاص ها يتعلق فى حبل المشنقه راكبوه فى الحبل
وعلقوا لقوه عمال يرفس ويشاور قالوا نفكوا يمكن عاوز حاجه اول ما فكوه قالهم كانت ها اتخنق يا غبي


- المدرس يسأل الطلاب حيوان بيزحف ببطء شديد
أجاب السلحفاة
 قال المدرس أحسنت فين بيشتغل أبوك قال أبي دكتور
قال المدرس شفتوا أولاد الدكاترة اذاى أذكياء
سأل المدرس سؤال ثاني ماهو الطائر الذي يتكلم
 فأجاب الببغاء
فقال المدرس أحسنت فين بيشتغل أبوك قال أبي مهندس
 قال المدرس شفتوا أولاد المهندسين اذاى أذكياء
وبعدين سأل المدرس ماهو الطائر الذي يبدأ بحرف الــ تاء
فأجاب أحد الطلاب تمســـاح
 قال له المدرس أقف أقف ياغبي أبوك فين بيشتغل
 قال الطالب أبي بيشتغل بالمخابرات
 قال المدرس أحسنت التمساح إذا شد حيله ممكن يطير
 بارك الله فيك يا ولدي .. سلم لي علي أبوك 
أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

26 التعليقات:

بلال عادل رجب. يقول...

هههههههههههه
جميله اوى بتاعه المسلمين والكفار

أبو فارس يقول...

هههههههه
تسلم الانامل
علي النكت الجميله
متي في خير

mrmr يقول...

فلب فارس
يا مراحب

دامت الابتسامه فى عيونك

ربنا يسعدك

mrmr يقول...

ابو فارس الهمام
نورتنى

ضحكت لك السنبله

ربنا يبارك حياتك ويحافظ عليك

أنا - الريس يقول...

صباح الخير انتي بتستني أول ما الواحد ينام وتحطي البوست :))
بغلس المهم
احلي نكتتين بتاع المحشش والماتش
والحمار اللي بيبص في المراية
سلمتي علي رسم البسمة
تحياتي لكي
وصباحك قشطة

Ramy يقول...

يا مرمر

والله بأكتب التعليق وأنا معدى على سوهاج (:

المهم انتى بجد بقالك فترة منزلة شوية نكت تجنن

هههههههههههههه

اية يا عم رامى انت افتكرت تضحك دلوقت

اصل القطر عمال يتهز هز هز

ههههههه

بتاع الظابط الأسرائيلى جامدة

بتاعة المسلمين و الكفار ليها واحدة تانى

اتنين محششين

واحد بيقول التانى فيتنام هزمت امريكا

و مصر هزمت أسرائيل

التانى رد عليه

يعنى مصر و فيتنام فى النهائى

(:

و بتاهة جمهور الكورة جامدة

تسلم ايدك يا مرمر

Tarkieb يقول...

بصراحة شويتين حلويييين ..كلهم حلويين وخصوصا انك بعدت عن الصعايدة في معظمهم

sony2000 يقول...

ههههههههههه
حلوا جدا جداااااااااااا
اضحك الله سنك:)

mrmr يقول...

اهلا يا ريس
منور بجد
اعمل ايه حظك معايا كده البوست بينزل بعد ما الناس تنام علشان مش تحلم بكابيس
ههههههه

ربنا يسعدك وتنورنى ديما

mrmr يقول...

رامى
برضه كده يا وحش تعدى على سوهاج من غير ما ترمى السلام


ربنا يسعدك ويفرح قلبك وتتلم انت ملاكك وتخلصنا هههههههه
انا بهزر معاك
اوعى تزعل
بجد بسعد بوجودك

mrmr يقول...

تركيبوووووووووا
اهلا اهلا
سمعت كلامك اهوووووو وبعدت عن الجماعه الصعايده
قلت اكيد زهقتوووووا من الجماعه دول
نغير شويه علشان ياخدوا نفسهم

منورنى ديما ربنا يسعدك ويفرح قلبك

mrmr يقول...

سونى حبيبه قلبى
ازيك يا حبى
طمنينى على بابا عامل ايه
يارب يكون بخير
ربنا يكمل الشفاء باذن الله
منورانى يا حبى
ربنا يبارك حياتك ويكون معاكى

غير معرف يقول...

ههههههههههه
نكت زى العسل يا مرموره
تسلم ايدك
دمتى فى حفظ الرحمن

ساسو يقول...

ههههههههه
جميله جدا
بجد بجد تسلمي عليهم

mrmr يقول...

حبى الجميل
شكرا يا حبى لمتابعتك
ربنا يسعدك

mrmr يقول...

ساسو

اهلا يا قمر

منوره ابتسامات

ربنا يسعدك ويفرح قلبك

باحث عن حب يقول...

عثل
يا ناس
عثل

mrmr يقول...

محمود
الله يعسل اهلك يا سوهاجى
ربنا يديم عليك الفرح ويسعدك

richardCatheart يقول...

هههههههههههههههههههههههههههههه

ههههههههههههههههههههههههههههههه

صباحك اشطه

Wise يقول...

هههههههههههههه
نكت جميله وجديدة
فى انتظار المزيد

mrmr يقول...

قطتى
صباحك فل وياسمين على عيونك

ربنا يسعدك ويفرح قلبك

mrmr يقول...

احلام على ورق
شكرا يا قمر على الزياره

ربنا يسعدك

khaled يقول...

تعرفي
انا باجي هنا علشان انسى الهم والمشاكل
ابقى اعملي حسابك بعد كده في الجاتوهات والنسكافيه لاني شكلي هاجي كتير
ضيف غتت يعني
هههههههههه
الا عندكوا كريم كراميل في التلاجة؟

mrmr يقول...

خالد
تعالى اتفضل البيت بيتك
ح تلاقى ما الذ وطاب بس باين عليك رامى عينك فى الثلاجه بتاعتنا انت شوفت الكريم كراميل اذاى
بالزمه بلاش تسوح علشان الميزانيه متخرمش مننا بعدين ح تلاقى الكل طمعان فى المعزيات واحنا صعايده مش نعرف البخل ابدا

نورتنى
ربنا يسعدك

غير معرف يقول...

لا جامدين بجد
اضحك الله سنك
كونى بخير

mrmr يقول...

شوكتى الناعمه الحبوبه

مرسى يا قمر

ربنا يسعدك ويريح بالك ويفرح قلبك

القالب صمم بواسطة
 نرحب بكل الأفكار والمقترحات التجارية