ركن المرأة شباب على طول امنياتى جرائد وصحف

الخميس، فبراير 11، 2010

كركر قوى


واحد سأل الجيران ايه اللي حصل

قالو له المياه مسممه،

مراته صحيت

سألته: في ايه؟

قالها:مفيش حاجه

إشربي انتى بس بق مية ونامي

&&&

واحد مسطول اتصل بالبوليس وقالهم يعني لو احنا مسألناش انتوا ما تسألوش

&&&

 
صعيدي جاله مسج حلو إنبسط وضحك

إتصل باللي بعتها وقاله: والنبي تبعتها تاني


&&&

 
صعيدي خلف بنت الساعه3 الفجر. دبحها وقال معنديش بنات تيجي بعد نص الليل

&&&

واحد صعيدي شاف واحده حلوه فى الاتوبيس عجبته لما نزل خد رقم الأتوبيس

&&&

فار سكران نام جنب قطه ميته لمافاق قال أنا عارف نفسي لما اسكر بفتري
 
&&&

بخيل حلم إنه بيوزع فلوسه علي الفقراء،

لما صحي قال أبقي عيل لو نمت تاني

&&&

إتنين مساطيل

واحد سأل التانى

إنت أقرع ليه

قاله من الزمن

قاله بلاش تحلق

عنده تانى

&&&
 
غبي راح يخطب واحدةأبوها قاله

البنت لسه في المدرسه قاله خلاص آجي بالليل

&&&
 
مسطول قاعد يمتحن جاله سؤال ضع (إن) في جمله كتب: اشتريت تليفون إن سبعين

&&&

موبايل بيقول لشريحته انتي طالق قالتلوه يخرب بيتك ورصيدك أللي فبطني

&&&


خروف بيقول لمعزة

باء.باء.باء..باءبحبك

فالمعزة قالتله

ماء.ماء.مخطوبه

&&&

عريس مسطول على الآخر في يوم فرحه..

بعد المعازيم ما مشيو دخل البيت لقي العروسة قاعده..

قال : والله أنا كنت حاسس أنه في الهيصه دي حينسوا حد !

&&&

واحدة ماشية مع حبيبها بتقوله قولى كلمة تخلى قلبى يدق قالها أبوكى ماشى ورانا

&&&
واحد قبل ما يموت جمع ولادة التلاتة وحب يوصيهم
يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

&&&
اتنين حرامية دخلو شقة واحد صعيدى علشان يسرقوها واحد دخل
حجرة النوم والتانى رايح يدور فى الحمام,,,,,, اللى دخل حجرة النوم قعد يدور فى الدولاب شوية حس ان الصعيدى هيصحى راح دخل البلاكونة,,,,, شوية والصعيدى دخل البلاكونة لاقاه!!! قال له انت بتعمل اية هنا ؟؟؟ قال انا طيار فى الجيش المصري وكنت بحارب طيار يهودى وانا راجع البنزين خلص ففتحت البراشوت ونزلت على البلاكونة بتاعتك (الصعيدى طبطب عليه و قال له دي الرجالة مش التانى الا قعدلى فى البانيو وبيقول انه ضفدع بشرى

&&&

مرة اتنين صعيدة فكرو يلعبوا شطرنج الملك ضرب نفسة بالنار

&&&

 
فى مستشفى للمجانين

الدكتور للمريض:اسمك ايه؟

المريض:انا ابن نابليون بونابرت

الدكتور بص شاف واحد مش مقتنع بالكلام فساله

الدكتور:هوده فعلا ابن نابليون بونابرت

المريض:طبعا كداب,,,,,, ده لا ابني ولا اعرفه

&&&

اتصل مندوب التعداد في أحد البيوت هاتفيا وقال ألو : هل أنت من أهل البيت ؟ فرد عليه الرجل : لا أنا من عامة المسلمين ...  

&&&
اثنين خرجو من الامتحان واحد بيقول للثانى : عملت ايه فى الامتحان قاله : اسكت سبت الورقه فاضيه قاله : الله يخرب بيتك ها يفتكرونا غاشين من بعض

&&&
 
مرة صعيدي طلعله عفريت علاء الدين وقال له شبيك لبيك

خدامك بين ايديك قال له

عايز كوبري من الصعيد الى نيويورك

قال له مستحيل شوف طلب غيره قاله طيب خلي الصعايدة يفهموا

فكرالعفريت شويه وقال له عايز الكوبري اتجاه واحد ولا اتجاهين ؟

&&&

مرة قفشوا 10 صعايده بيلعبوا فى الطريق الصحراوى,,,اللي تخبطه عربية مرتين يطلع بره اللعبة

&&&

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص وراه ملقاش الهدوم فقال للتانى,,,,,بس كفاية كدة احنا بعدنا اوى
 
&&&

واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم

&&&

 
تلاتة بلدياتنا راكبين قطار واحد طلع راسه من الشباك جه قطر فى الاتجاه المعاكس طيرها. الثانى طلع ايده جه قطر وطيرها قعد يصرخ و يصوت,,,,,,, الثالث قال أخوك راسه طارت ماسمعناش حسه وانت يدوبُ ايدك طارت عامل دوشه!!!!!!!

 
&&&

مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو
 
&&&

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك سمى، صدرى اتحرق!"






أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

1 التعليقات:

غير معرف يقول...

جاااااااااااامده ههههههههههههههههه

القالب صمم بواسطة
 نرحب بكل الأفكار والمقترحات التجارية